భారత్ వృద్ధి 8.2 శాతం అయినా, గ్రౌండ్ రియాలిటీ మిస్ అవుతుందా?

తాజాగా విడుదలైన జీడీపీ గణాంకాలలో భారత్ 8.2 శాతం వృద్ధిరేటు సాధించింది. చాలామంది ఆర్థికవేత్తలు భారత వృద్ధిరేట్ 7.3 శాతంగా అంచనా వేశారు. అయితే వారు ఊహించని రీతిలో వృద్ధిరేటు 8 శాతం దాటింది. తయారీ సేవలలో దేశం మంచి వేగం సాధించడంతో ఈ స్థాయిలో పెరుగుదలను నమోదు చేసింది. అయినప్పటికీ డేటాలో అనేక అసమానతలు ఉన్నాయి.

కొత్త జీడీపీ లెక్కలు అన్ని అంచనాలు మించిపోయిందని ‘ది ఫెడరల్’ బిజినెస్ ఎడిటర్ ప్రసన్న మొహంతి అన్నారు. ఇవి అందరిని ఆశ్చర్యపరిచాయని చెప్పారు. మొదటి త్రైమాసికంలో కూడా ఇదే విధమైన నమూనాను చూపించింది. వృద్ధి అంచనా వేసిన 6.5 శాతం నుంచి 7.8 శాతంగా నమోదు అయింది.

భారత ఆర్థిక వేగాన్ని సేవరంగాన్ని సాంప్రదాయంగా నడిపిస్తున్నాయి. కానీ ఈసారి లెక్కలలో తయారీ రంగం ఊహించని విధంగా ముందుకు వచ్చింది. అయితే ఈ రంగాన్ని అనేక సవాళ్లు పట్టిపీడిస్తున్నాయి.

పారిశ్రామిక ఉత్పత్తి డేటా ను పరిశీలిస్తే కొత్త సంగతులు తెలుస్తాయి. తయారీ రంగం జీవీఏ క్యూ1 లో 7.7 శాతంగా, క్యూ2 లో 9.1 శాతంగా ఉంది. అయినప్పటికీ తయారీకి సంబంధించిన పారిశ్రామిక ఉత్పత్తి సూచిక ఈ గణాంకాలలో దాదాపు సగం మాత్రమే పనిచేస్తున్నాయి.

ముఖ్యంగా పరిశ్రమ రంగాన్ని మౌలిక సదుపాయాలు కొరత వేధిస్తోంది. ‘‘జీవీఏ, ఉత్పత్తి కార్యకలాపాల నుంచి తయారీ ఉత్పత్తి మధ్య స్పష్టమైన అసమతుల్యత’’ ఉందని మొహంతి పేర్కొన్నారు.

ఇటీవల కాలంలో విదేశీ కంపెనీలు దేశంలో దాదాపు రూ. 2 లక్షల కోట్ల విలువైన ప్రాజెక్ట్ లను వదిలివేసినట్లు కొన్ని నివేదికలు తెలిపాయి. మరో ప్రచురణ సంస్థ ప్రకారం.. సెప్టెంబర్ లో పెట్టుబడులు తగ్గాయని, ఇది మొత్తంగా రూ. 14.3 లక్షలకు చేరుకుందని, కోవిడ్ సమయంలో చేసిన చెత్త ప్రదర్శన కంటే దారుణంగా ఉందని అన్నారు. ఇవి తయారీ రంగం వాస్తవిక అంచనాలను ప్రతిబింబిస్తుందని చెప్పారు.

జీడీపీ వృద్ధికి 60 శాతం దాకా దోహదపడే వినియోగరంగం కూడా బలహీనంగా ఉంది. మొదటి రెండు త్రైమాసికాలలో వినియోగ వృద్ధి మొత్తం జీడీపీ వృద్ధి రేటు కంటే చాలా తక్కువగా ఉంది. ఇది ఆర్థిక వ్యవస్థకు మరో రెడ్ సిగ్నల్ వంటిదని మొహంతి అభివర్ణించారు.

ఆందోళనలో ఎక్కువ భాగం జీడీపీలో ఉత్పత్తి, వ్యయం మధ్య వ్యత్యాసాల నుంచి పుడుతుంది. ఇది ఒకటి నుంచి ఒకటిన్నర మధ్య ఉంటే అంతా బాగున్నదని అర్థం. క్యూ2 లో ఇది 3.3 శాతంగా నమోదు అయింది.

గత రెండు త్రైమాసికాలలో ఇది మైనస్ 3.3 శాతంగా ఉంది. ఇది అస్థిరతకు తోడ్పడుతుందని మొహంతి అభిప్రాయపడ్డారు. ఈ హెచ్చతగ్గులు జీడీపీ డేటా విశ్వసనీయతపై సందేహాలను లేవనెత్తుతున్నాయని అన్నారు.

భారత జీడీపీ సంఖ్యల కచ్చితత్వం గురించి ఉద్భవించే ప్రశ్నలు కొత్తవి కావన్నారు. మాజీ ప్రధాన ఆర్థిక సలహదారు అరవింద్ సుబ్రమణియన్ గతంలో 2012 నుంచి 2017 మధ్య భారత్ జీడీపీ వృద్ధిరేట్ ప్రతి ఏటా 2.5 నుంచి 3.7 శాతం ఎక్కువగా అంచనా వేసి ఉండవచ్చని అభిప్రాయపడుతున్నారు.

బలహీనమైన ఉత్పత్తి, తక్కువ వినియోగ వృద్ధి, పెద్ద వ్యత్యాసాలు ఉన్నప్పటికీ అధిక తయారీ జీవీఏ సమష్టిగా జీడీపీ డేటా నాణ్యతపై సందేహాన్ని సృష్టిస్తుందని మొహంతి తేల్చిచెప్పారు.