‘సర్దార్ పేరును చరిత్రలో లేకుండా చేయాలని చూశారు’

భారతీయ జనతా పార్టీ (BJP) జాతీయ అధ్యక్షుడు జేపీ నడ్డా సంచలన వ్యాఖ్యలు చేశారు. సర్దార్ వల్లభాయ్ పటేల్ పేరును చరిత్ర నుంచి కనుమరుచు చేయాలని కాంగ్రెస్ తీవ్ర ప్రయత్నాలు చేసిందని ఆరోపించారు.

గుజరాత్ రాష్ట్రం వడోదరలోని అట్లాద్ర గ్రామంలో జరిగిన 'సర్దార్@150 యూనిటీ మార్చ్'లో నడ్డా ఈ మాటలన్నారు. సర్దార్ పటేల్‌(Sardar Vallabhbhai Patel)ను గుర్తుంచుకోవడం కాంగ్రెస్‌కు ఇష్టం లేదని పేర్కొన్నారు. భారత తొలి ప్రధాని జవహర్‌లాల్ నెహ్రూ తన విధానాల ద్వారా కశ్మీర్ సమస్యను తీవ్రం చేయగా, సర్దార్ పటేల్ 562 సంస్థానాలను ఏకం చేశారని గుర్తు చేశారు. సర్దార్ పటేల్ 1950లో మరణిస్తే.. ఆయనకు 1991లో భారతరత్న ప్రదానం చేశారని చెప్పారు.

"సర్దార్ పటేల్‌ వ్యక్తిత్వం గురించి పూర్తిగా తెలుసుకున్న ప్రధాని మోదీ (Narendra Modi) ఆయన కోసం గుజరాత్‌లో ప్రపంచంలోనే ఎత్తైన విగ్రహాన్ని నిర్మించాలని నిర్ణయించుకున్నప్పుడు కూడా..దాని ధర గురించి కూడా కాంగ్రెస్ ఎన్నో ప్రశ్నలు లేవనెత్తింది. ఇంత డబ్బు ఎందుకు ఖర్చు చేస్తున్నారని కాంగ్రెస్ అడిగింది. 182 మీటర్ల సర్దార్ పటేల్ విగ్రహాన్ని ఏర్పాటు చేసినప్పుడు.. దాని వల్ల ఏం ఉపయోగమని కాంగ్రెస్ సభ్యులు ప్రశ్నించారు" అని నడ్డా గుర్తు చేశారు.

"నెహ్రూ హయంలో ఆర్టికల్ 370 దేశ ఐక్యత, సమగ్రతకు చాలా ఇబ్బందిగా మారింది. సర్దార్ పటేల్ 562 సంస్థానాలను దేశంలో విలీనం చేశాడు. విలీన ఒప్పందంపై మహారాజా హరి సింగ్‌తో సంతకం చేయించాడు. అయినప్పటికీ నెహ్రూ ఆర్టికల్ 370 (ఇది JKకి ప్రత్యేక హోదాను ఇచ్చింది) విధించారు.’’ అని చెప్పారు.

"దేశ ఐక్యత, సమగ్రత గురించిన ప్రస్తావన వస్తే సర్దార్ పటేల్‌ను మనం గుర్తుంచుకోవాలి. దేశాన్ని బలహీనపరిచే పని ఎలా జరిగిందో కూడా మనం గుర్తుంచుకోవాలి" అని బీజేపీ జాతీయ అధ్యక్షుడు అన్నారు. మోదీ సంకల్పంతో కేంద్ర హోంమంత్రి అమిత్ షా 2020 ఆగస్టు 5న ఆర్టికల్ 370ని రద్దు చేశామని