TVKలోకి సెంగొట్టయన్‌.. మరి OPS, దినకరన్‌ ఎటువైపు?

2026లో జరిగే తమిళనాడు(Tamil Nadu) అసెంబ్లీ ఎన్నికలలో అధికార పీఠాన్ని దక్కించుకోవాలని భారతీయ జనతా పార్టీ(BJP) చాలా పట్టుదలగా ఉంది. బీహార్‌లో విజయం తర్వాత కేంద్ర హోంమంత్రి అమిత్ షా (Amit Shah) తమిళనాడు, పశ్చిమబెంగాల్‌ను టార్గెట్ చేశారు. ఈ రెండు రాష్ట్రాల్లో పవర్ కోసం ప్రయత్నాలు ముమ్మరం చేశారు.

బలమైన కూటమే NDA లక్ష్యం..

2024 లోక్‌సభ ఎన్నికల్లో నేషనల్ డెమోక్రటిక్ అలయన్స్ (NDA) కూటమికి కేవలం 11.24% ఓట్లు మాత్రమే వచ్చాయి. ఇప్పుడు ఆ సంఖ్యను పెంచుకోవాలని చూస్తున్నారు. అందులో భాగంగానే AIADMK నుంచి దూరమయిన O పన్నీర్‌సెల్వం (OPS), TTV దినకరన్‌కు చేరువ కావాలని చూస్తున్నారు. DMKను ఢీ కొట్టేందుకు బలమైన NDA కూటమిని తయాడమే లక్ష్యంగా బీజేపీ పెద్దలు శ్రమిస్తున్నారు.

బీజేపీ కోటాలో ..

“ఓపీఎస్(OPS), దినకరన్(Dhinakaran) తమిళనాడు దక్షిణాదిలోని తేవర్ సామాజిక వర్గంలో 5-7% వరకు ఓటు బ్యాంకు ఉంది. ఈ ఓటర్లను NDA వైపు తిప్పుకునేందుకు బీజేపీ వ్యూహరచన చేసింది. అన్నాడీఎంకే‌కు ఏ మాత్రం ప్రాధాన్యత తగ్గించకుండా..బీహార్ తరహాలో బీజేపీ కోటా నుంచి వారికి సీట్లు కేటాయించాలన్న ఆలోచనలో ఉంది. ఈ లెక్కన OPS వర్గం, దినకరన్ అమ్మ మక్కల్ మున్నేట్ర కజగం (AMMK) 10–15 సీట్లు దక్కే అవకాశం ఉంది. ఇలా చేయడం వల్ల NDAకి బలం పుంజుకుంటుంది.

తృతీయ ఫ్రంట్‌గా TVK ..

"అవినీతి" ద్రవిడ పార్టీలకు సవాల్ విసురుతూ.. ఫిబ్రవరి 2024లో సినీ నటుడు విజయ్ నేతృత్వంలో ఏర్పడిన తమిళగ వెట్రి కజగం (TVK) తమిళనాట తృతీయ ఫ్రంట్‌గా అవతరించింది. ఆగస్టు 2025లో జరిగిన మధురై సమావేశంలో విజయ్ BJPని "ఫాసిస్ట్ సైద్ధాంతిక శత్రువు"గా, DMKని "రాజకీయ శత్రువు" గా అభివర్ణించారు.

సెంగొట్టయన్‌ చేరిక..

విజయ్ మొదటి నుంచి మేం ఒంటరిగానే ఎన్నికల్లో పోటీ చేస్తామని చెబుతున్నారు. అయితే మంచి ఓటు బ్యాంకు ఉన్న వారిని గుర్తించి తన పార్టీలోకి ఆహ్వానిస్తున్నారు. ఫలితంగా తన పార్టీ బలోపేతానికి శ్రమిస్తున్నారు. తొమ్మిది సార్లు ఎమ్మెల్యేగా ఎన్నికైన AIADMK శాసనసభ్యుడు కె.ఎ. సెంగొట్టయన్‌ను TVKలో చేర్చుకోవడం ఈ కోవలోకే వస్తుంది.పార్టీ వీడిన వారిని, అలాగే పార్టీ నుంచి బహష్కరణకు గురయిన నాయకులను తిరిగి పార్టీలో చేర్చుకోవాలని డిమాండ్ చేయడంతో సెంగొట్టయన్‌ను AIADMK ప్రధాన కార్యదర్శి పార్టీ నుంచి బహిష్కరించారు. అయితే టీవీకేలోకి సెంగొట్టయన్‌ చేరిక ఆ పార్టీకి కొత్త ఉత్సాహాన్నిచ్చింది. పశ్చిమ తమిళనాడులో సెంగొట్టయన్‌కు బలమైన ఓటు బ్యాంకు ఉంది. ఓపీఎస్, దినకరన్‌‌ కూడా టీవీకేలో చేరితే ఐక్య డీఎంకేయేతర ఫ్రంట్ తయారవుతుంది.

ఈ ఇద్దరు ఎటువైపు..

మాజీ ముఖ్యమంత్రిగా పనిచేసిన OPS 2022‌లో AIADMK నుంచి బహిష్కరణకు గురయ్యారు. AMMK అధినేత, జయలలిత మేనల్లుడు దినకరన్. వీరిద్దరితో బీజేపీ అగ్రనేతలు టచ్‌లో ఉన్నట్లు సమాచారం. వీరు కాషాయ పార్టీలో చేరితే ఎన్డీఏ ఓట్ షేర్ 8–10% పెరగవచ్చని అంచనా. విజయ్ ఈ తిరుగుబాటుదారులను ముందుగా తన పార్టీలోకి తీసుకుంటే TVKకే బలం చేరుకుతుందని రాజకీయ విశ్లేషకుల మాట. మొత్తం మీద వచ్చే ఎన్నికల్లో డీఎంకే కూటమి, అన్నాడీఎంకే కూటమి, TVK మధ్య రసవత్తర పోరు జరగనుంది.