'పుష్ప' తర్వాత కాదు… అట్లీ తర్వాతే అసలైన గేమ్!”

తెలుగు సినిమా సరిహద్దులు చెరిపేస్తూ గ్లోబుల్ గా విస్తరిస్తున్న సమయం ఇది. ఆ పునాదుల్లో అల్లు అర్జున్ పేరు తప్పకుండా ఉంటుంది. "Cinema has no language, it has emotion" అన్నట్టు, బన్నీ సినిమాలు ఇప్పుడు దేశీయ మార్కెట్‌ను దాటి గ్లోబల్ మార్కెట్లను టార్గెట్ చేస్తున్నాయి. ‘పుష్ప: ది రైజ్’ ఒక నేషనల్ మార్కెట్ ని రీచ్ అయ్యింది. ‘పుష్ప 2: ది రూల్’ అంతర్జాతీయ స్దాయికి వెళ్లే ప్రయత్నం చేసింది!

అట్లీ సినిమా తర్వాత - భవిష్యత్‌కు బన్నీ టార్గెట్ ఏంటి?

ఈ క్రమంలో బన్నీ డేట్స్ పట్టుకోవటం అంత సులభం కాదు! ‘పుష్ప 2: ది రూల్’ తర్వాత అల్లు అర్జున్ క్రేజ్ దేశవ్యాప్తంగా విపరీతంగా పెరిగిపోయింది. ఆయనతో సినిమా చేయాలంటే టాప్ డైరెక్టర్లే క్యూ కడుతున్నారు. ప్రస్తుతానికి అట్లీ దర్శకత్వంలో ఓ భారీ యాక్షన్ డ్రామా షూటింగ్ జరుపుకుంటోంది. ఇండియన్ సిల్వర్ స్క్రీన్ మీద 2027లో ఆ చిత్రం దుమ్ము రేపనుంది. బన్నీ + అట్లీ కాంబినేషన్ అంటే తమిళ్, తెలుగు, హిందీ బెల్ట్ మాస్ మార్కెట్లను ఒకేసారి టార్గెట్ చేయగలిగే రేర్ మిక్స్.

ప్రస్తుతం తమిళ దర్శకుడు అట్లీ దర్శకత్వంలో రూపొందుతున్న భారీ యాక్షన్ ఫిల్మ్‌కి బన్నీ దృష్టి పెట్టారు. ఈ సినిమాతో ఆయన కమర్షియల్ రేంజ్ మరింతగా పెరిగే అవకాశముంది. ఈ ప్రాజెక్టు 2027లో విడుదల కావచ్చని అంచనా. ఈ సినిమా తర్వాత అల్లు అర్జున్ తదుపరి సినిమా కోసం ఇండియా మొత్తంలో టాప్ డైరెక్టర్లు క్యూ కడుతున్నారు.

వాస్తవానికి అట్లీ ప్రాజెక్టు పూర్తైన వెంటనే త్రివిక్రమ్‌తో ఓ సినిమా పక్కా అనిపించింది. కానీ ప్లాన్లు మారిపోయాయి. అల్లు అర్జున్ తో అనుకున్న కథలోకి బన్ని వచ్చేసారు. దాంతో మరి అల్లు అర్జున్ నెక్ట్స్ ఎవరితో ముందుకు వెళ్లనున్నారు అనేది పెద్ద క్వచ్చిన్ గా మారింది. అలాగే అల్లు అరవింద్ తమ ‘గీతా ఆర్ట్స్‌’ బ్యానర్‌పై బన్నీకి తగిన దర్శకుణ్ని ఎంచుకోవడానికి విస్తృతంగా చర్చలు జరుపుతున్నారు. బోయపాటి శ్రీను పేరు కూడా పరిశీలనలో ఉందట. అంతేకాదు ‘పుష్ప 2’ విడుదలకు ముందు కొరటాల శివ ఓ పవర్‌ఫుల్ స్క్రిప్ట్ వినిపించారట. కానీ దానిపై ఎలాంటి క్లారిటీ ఇంకా రాలేదు. కానీ బన్ని స్ట్రాటజీ పూర్తిగా వేరేగా ఉందంటున్నారు.

ప్రస్తుతం బన్నీ రేసులో ఉన్న రెండు బిగ్ నేమ్స్ – సందీప్ రెడ్డి వంగా, సంజయ్ లీలా భన్సాలి. ఇద్దరూ బన్నీతో చర్చలు జరుపుతున్నారని తెలుస్తోంది. వీరిద్దరిలో ఎవరిద్దరితో సినిమా పట్టాలెక్కుతుందో వచ్చే ఏడాదిలో తేలనుంది.

సందీప్ రెడ్డి వంగా – "I make movies to express inner rage with elegance" అన్న వంగా స్టైల్ బన్నీకి కొత్త డైమెన్షన్ ఇస్తుందనడంలో ఎలాంటి సందేహం లేదు. ఒక బన్నీ-వంగా కలయిక అంటే విపరీతమైన ఇంటెన్సిటీతో కూడిన, దేశవ్యాప్తంగా ఆడియెన్స్‌ను కుదిపేసే సినిమా వచ్చే అవకాశమే!

సంజయ్ లీలా భన్సాలీ – "I don't make films, I paint frames with emotion" అన్నట్టు, భన్సాలీ సినిమాలు ఒక విజువల్ పద్మవ్యూహం. బన్నీ లాంటి డాన్సింగ్ డైనమో, మాస్ స్టారుతో కలిసి చేసినా, ఒక ఎపిక్ రేంజ్‌కి వెళ్తుంది.

బన్నీతో సినిమా చేస్తే దర్శకులకి, నిర్మాతలకి ఎలాంటి లాభాలు?

పాన్-ఇండియా మార్కెట్ రీచ్: బన్నీ ఇప్పుడు సౌత్ నుంచి నార్త్ వరకూ హౌస్‌హోల్డ్ నేమ్. Pushpa ఓటిటీలను దాటి బలీవుడ్, మలయాళం, కన్నడ, తమిళ మార్కెట్లపై ప్రభావం చూపింది.

బాక్సాఫీస్ హంగామా: బన్నీ సినిమాలకు ఇప్పటి ట్రెండ్ ప్రకారం ఓపెనింగ్‌ డేస్ గ్రాస్ రూ. 150 కోట్లు దాటేలా ఉంటుంది. అంతేగాక, అంతర్జాతీయ మార్కెట్లలో (US, UAE, Aus) బన్నీకి క్రేజ్ పెరుగుతోంది.

బ్రాండింగ్ & మర్చండైజింగ్‌లో ఆదాయం: ‘పుష్ప’ ఫ్రాంచైజ్ తర్వాత బన్నీకి బ్రాండ్ డీల్స్ భారీగా వచ్చాయి. సినిమా ప్రమోషన్‌తో పాటు, యాప్స్, లైసెన్సింగ్, మ్యూజిక్ సేల్స్—all get a multiplier effect.

OTT, డిజిటల్ మార్కెట్లలో ప్రీమియమ్ రేట్లు: బన్నీ సినిమాల స్ట్రీమింగ్ రైట్స్ ధరలు రూ. 100-150 కోట్లు దాటుతున్నాయి. ఇది సినిమా బడ్జెట్‌లో 40-50% రికవరీని ముందుగానే తెచ్చేస్తుంది.

ఇండస్ట్రీపై ప్రభావం:

అల్లు అర్జున్ నెక్ట్స్ సినిమాకు తగిన కథ, కంటెంట్ ఉంటే, అది KGF, RRR, Pushpa తరహాలో మరో గ్లోబల్ సినిమా అవ్వచ్చు. ముఖ్యంగా బాలీవుడ్ మార్కెట్ లో కలెక్షన్స్ వర్షం కురుస్తుంది , అలాంటి సమయంలో బన్నీతో పాన్-ఇండియా సినిమా చేయడం అంటే:

“It’s not just a movie. It’s a cultural entry point into Hindi-speaking and international audience psyche.”

మొత్తానికి...

అల్లు అర్జున్ సినిమా అంటే ఇప్పుడు మాస్‌కు ఓ ఫెస్టివల్, మార్కెట్‌కు ఓ సెక్యూరిటీ, దర్శకులకు ఓ ఛాలెంజ్, నిర్మాతలకు ఓ మౌలిక పెట్టుబడి. అట్లీ తర్వాత బన్నీ ఎవరితో పనిచేస్తాడన్నది ఇప్పుడు కేవలం గాసిప్ కాదు—ఇండియన్ సినిమా రూట్‌మ్యాప్‌లో వచ్చే మలుపు.

2025 చివరినాటికి ఈ ప్రాజెక్ట్ లైన్‌కొస్తే, 2026లో షూటింగ్, 2027లో రిలీజ్—ఇండియన్ బాక్సాఫీస్ మరో భారీ వేట కోసం సిద్ధం అవుతుంది!

ఆ సినిమా సందీప్ రెడ్డి వంగా శైలిలో ఓ డార్క్, ఇంటెన్స్ యాక్షన్ ఫిల్మా? లేక భన్సాలి స్టైల్లో ఓ విజువల్ గ్రాండియర్ ఫిల్మా?