కేసీఆర్, కేటీఆర్ విషయంలో రేవంత్ పెద్ద స్కెచ్చే వేశాడా ?

ప్రైవేటు ప్రాపర్టీలను కాంగ్రెస్ నేతలు తనిఖీలు చేయచ్చా ?

కేసీఆర్ తో పాటు బీఆర్ఎస్ వర్కింగ్ ప్రెసిడెంట్ కేటీఆర్, బీఆర్ఎస్ మాజీ ఎంఎల్ఏ కెప్టెన్ రోహిత్ రెడ్డి ఫామ్ హౌస్ లను కాంగ్రెస్ ప్రజా ప్రతినిధుల తనఖీలు చేయటం వివాదాస్పదమవుతోంది

‘బరువు’ దోపిడీ.. వెయిట్‌లాస్‌ పేరుతో భారీ దందా!

ర‌చ్చ‌ - రాజ‌కీయం @ 5 పి.ఎం.

‘పార్టీ ఫిరాయింపులు’ బీఆర్ఎస్ కి ఎంతవరకూ కలిసొస్తాయి?

దానం నాగేందర్ విషయంలో హైకోర్ట్ తీర్పుతో ఇప్పుడు ఫిరాయింపు ఎమ్మెల్యేల విషయం చర్చలకి దారితీస్తోంది. బిఆర్ఎస్ టికెట్‌పై గెలిచి కాంగ్రెస్ అభ్యర్థిగా లోక్‌సభ ఎన్నికల్లో పోటీ చేసిన ఖైరతాబాద్ ఎమ్మెల్యే దానం నాగేందర్‌పై తెలంగాణ హైకోర్టు అనర్హత వేటు వేస్తూ తీర్పునిచ్చింది. అసెంబ్లీ స్పీకర్ ఇచ్చిన నిర్ణయాన్ని పక్కనపెడుతూ, రాజ్యాంగంలోని 10వ షెడ్యూల్ (పార్టీ ఫిరాయింపుల నిరోధక చట్టం) ప్రకారం నాగేందర్ ఎమ్మెల్యే పదవి చెల్లదని స్పష్టం చేసింది. ఈ తీర్పుతో ఇప్పుడు స్టేషన్ ఘన్‌పూర్ ఎమ్మెల్యే కడియం శ్రీహరి విషయంలో కూడా ఇదే జరగబోతుందా అన్న అనుమానాలు పెరిగిపోతున్నాయి.

బిఆర్ఎస్ నుంచి గెలిచిన కడియం శ్రీహరి, పార్లమెంట్ ఎన్నికల ముందు కాంగ్రెస్‌లో చేరారు. ఆయన కుమార్తె కడియం కావ్య కాంగ్రెస్ తరఫున వరంగల్ ఎంపీగా పోటీ చేయగా, ఆమె నామినేషన్ పత్రాలపై శ్రీహరి సంతకం చేసినట్లు ఆధారాలు ఉన్నాయని బిఆర్ఎస్ వర్గాలు కోర్టు దృష్టికి తీసుకెళ్లాయి. దానికితోడు కాంగ్రెస్ కండువా కప్పుకుని బహిరంగ సభల్లో, ప్రచారాల్లో నేరుగా పాల్గొనడం వల్ల దానం నాగేందర్ కేసు తరహాలోనే శ్రీహరిపై కూడా అనర్హత వేటు పడటం ఖాయమనే వాదనలు వినిపిస్తున్నాయి.

ఒక పార్టీ గుర్తుపై గెలిచి, రాజీనామా చేయకుండానే అధికార పార్టీలో చేరి పదవులను అనుభవించే 'ఫిరాయింపుల రాజకీయం'పై కోర్టుల జోక్యం కొత్త చర్చకు తెరలేపింది. స్పీకర్ స్థాయిలోనే పరిష్కారం కావాల్సిన ఫిరాయింపుల పిటిషన్లు న్యాయస్థానాల వరకు వెళ్లడం, స్పీకర్ నిర్ణయాలను హైకోర్టు తప్పుబట్టడంతో ఇప్పుడు కడియం శ్రీహరితో పాటు మిగిలిన ఫిరాయింపు ఎమ్మెల్యేల పరిస్థితిపై ఉత్కంఠ నెలకొంది.

ఇప్పటివరకు 'పసుపు శుద్ధి', ఫామ్ హౌస్‌ల విచారణల పేరిట కాంగ్రెస్ దాడులతో తీవ్ర ఒత్తిడిలో ఉన్న బిఆర్ఎస్ పార్టీకి ఈ 'ఫిరాయింపుల వ్యూహం' ఒక కీలకమైన ఆయుధంగా మారింది. ఈ అంశాన్ని తమకు అనుకూలంగా మలచుకుంటూ అధికార కాంగ్రెస్‌ను కౌంటర్ అటాక్‌తో ఇరుకున పెట్టేందుకు బిఆర్ఎస్ ప్రయత్నిస్తోంది. 

ఖైరతాబాద్‌లో బీఆర్ఎస్ టికెట్ ఎవరికి? రేసులో 4 కీలక నేతలు!

ఖైరతాబాద్ రాజకీయాల్లో మరోసారి ఆసక్తికర పరిణామాలు చోటుచేసుకున్నాయి. బీఆర్ఎస్ టికెట్‌పై 2023లో ఖైరతాబాద్ నుంచి ఎమ్మెల్యేగా గెలిచిన దానం నాగేందర్.. ఆ తర్వాత కాంగ్రెస్‌లో చేరి, 2024 లోక్‌సభ ఎన్నికల్లో కాంగ్రెస్ అభ్యర్థిగా సికింద్రాబాద్ నుంచి పోటీ చేశారు. ఈ వ్యవహారంపై దాఖలైన పిటిషన్లను విచారించిన తెలంగాణ హైకోర్టు.. సెప్టెంబర్ 18న దానం నాగేందర్‌ను అనర్హుడిగా ప్రకటించి, ఖైరతాబాద్ అసెంబ్లీ స్థానాన్ని ఖాళీగా ప్రకటించింది.  అయితే హైకోర్టు తీర్పుపై దానం నాగేందర్ ఇప్పటికే సుప్రీంకోర్టును ఆశ్రయించారు. ఖైరతాబాద్ స్థానాన్ని తిరిగి దక్కించుకునేందుకు బీఆర్ఎస్‌లో మాత్రం అభ్యర్థి ఎంపికపై చర్చ మొదలైనట్లు ప్రచారం జరుగుతోంది.  ఇప్పటికే ఖైరతాబాద్ టికెట్ కోసం పలువురు నేతల పేర్లు రాజకీయ వర్గాల్లో వినిపిస్తున్నాయి.

మొదటగా పీజేఆర్ తనయుడు విష్ణువర్ధన్ రెడ్డి పేరు ప్రముఖంగా ప్రచారంలో ఉంది. నియోజకవర్గాల పునర్విభజనకు ముందు ఖైరతాబాద్ నుంచి పోటీ చేసిన అనుభవం ఆయనకు ఉంది. పీజేఆర్ కుటుంబానికి ఖైరతాబాద్‌తో ఉన్న పాత రాజకీయ అనుబంధం, నియోజకవర్గంలో ఉన్న పరిచయాలు ఆయనకు ప్లస్ పాయింట్లుగా మారవచ్చనే చర్చ బీఆర్ఎస్ వర్గాల్లో జరుగుతోంది.

ఇక దాసోజు శ్రవణ్ పేరు కూడా రేసులో వినిపిస్తోంది. గతంలో ఖైరతాబాద్ నుంచి కాంగ్రెస్ అభ్యర్థిగా పోటీ చేసిన శ్రవణ్.. ప్రస్తుతం బీఆర్ఎస్ ఎమ్మెల్సీగా ఉన్నారు. నియోజకవర్గంతో ఉన్న అనుబంధంతో పాటు బీసీ సామాజిక సమీకరణాలు కూడా ఆయనకు అనుకూలంగా ఉండొచ్చనే చర్చ ఉంది.

మరోవైపు మాజీ మంత్రి తలసాని శ్రీనివాస్ యాదవ్ తనయుడు తలసాని సాయికిరణ్ యాదవ్ పేరు కూడా తెరపైకి వచ్చింది. ఉపఎన్నికపై చర్చ మొదలైనప్పటి నుంచే సాయికిరణ్‌ను ఖైరతాబాద్ నుంచి బరిలోకి దింపే ప్రయత్నాలు జరుగుతున్నాయనే ప్రచారం ఉంది. 2019 లోక్‌సభ ఎన్నికల్లో సికింద్రాబాద్ నుంచి పోటీ చేసిన సాయికిరణ్.. ఇప్పుడు అసెంబ్లీ బైపోల్ ద్వారా మరోసారి ప్రత్యక్ష ఎన్నికల బరిలోకి రావాలని చూస్తున్నారనే చర్చ నడుస్తోంది.

బీఆర్ఎస్‌లో చాలాకాలంగా పనిచేస్తున్న మన్నె గోవర్ధన్ రెడ్డి పేరు కూడా మరోసారి వినిపిస్తోంది. 2014లో ఖైరతాబాద్ నుంచి పోటీ చేసిన మన్నె.. 2018, 2023 ఎన్నికల్లో దానం నాగేందర్‌కు అవకాశం ఇవ్వడంతో పార్టీ నిర్ణయానికి సహకరించారని ఆయన వర్గం చెబుతోంది. దీంతో ఈసారి పార్టీ ఆయన పేరును కూడా పరిశీలించవచ్చనే చర్చ ఉంది.

అంటే ప్రస్తుతం ఖైరతాబాద్ టికెట్ రేసులో ప్రధానంగా వినిపిస్తున్న పేర్లు.. విష్ణువర్ధన్ రెడ్డి, దాసోజు శ్రవణ్, తలసాని సాయికిరణ్, మన్నె గోవర్ధన్ రెడ్డి.అయితే పేరు ఎవరిదైనా.. బీఆర్ఎస్ అధిష్టానం కొన్ని కీలక అంశాలను పరిశీలించే అవకాశం ఉంది. నియోజకవర్గంలో ఎవరికి ఎంత బలం ఉంది? పార్టీ క్యాడర్‌ను ఎవరు సమన్వయం చేయగలరు? స్థానికంగా సామాజిక సమీకరణాలు ఎలా ఉన్నాయి? కాంగ్రెస్ అభ్యర్థిని ఎదుర్కొనేందుకు ఎవరి రాజకీయ నేపథ్యం ఉపయోగపడుతుంది? గత ఎన్నికలు, బైపోల్స్‌లో వచ్చిన ఫలితాల నుంచి ఏం నేర్చుకోవాలి? అనే అంశాలపై ఫీడ్‌బ్యాక్ తీసుకునే అవకాశం ఉందనే చర్చ జరుగుతోంది.

ఇటీవల జరిగిన బైపోల్స్‌లో అభ్యర్థుల ఎంపిక, స్థానిక సమీకరణాలు కీలకంగా మారిన నేపథ్యంలో.. ఖైరతాబాద్ విషయంలో మాత్రం తొందరపడకుండా సర్వేలు, పార్టీ శ్రేణుల అభిప్రాయాలు, స్థానిక పరిస్థితులను పరిశీలించిన తర్వాతే నిర్ణయం తీసుకోవాలని బీఆర్ఎస్ భావిస్తున్నట్లు ప్రచారం.

ఇక దానం నాగేందర్ అనర్హతపై స్పందించిన కేటీఆర్.. ఖైరతాబాద్ ఉపఎన్నికలో బీఆర్ఎస్ విజయం సాధిస్తుందని ధీమా వ్యక్తం చేశారు. పార్టీ మారిన మిగతా ఎమ్మెల్యేల విషయంలోనూ ఇదే పరిణామాలు వస్తాయని ఆయన వ్యాఖ్యానించారు.

దీంతో ఖైరతాబాద్ ఎన్నిక బీఆర్ఎస్‌కు మరో సాధారణ ఉపఎన్నిక కంటే రాజకీయంగా ప్రాధాన్యమైన పోరుగా మారే అవకాశం ఉందనే చర్చ జరుగుతోంది. అయితే ప్రస్తుతం అసలు ప్రశ్న. బీఆర్ఎస్ నుంచి బరిలోకి దిగేది ఎవరు? దానం నాగేందర్‌పై సుప్రీంకోర్టులో న్యాయపరమైన పరిణామాలు ఎలా ఉంటాయో ఒకవైపు. మరోవైపు బీఆర్ఎస్ ఎవరిని అభ్యర్థిగా ఎంపిక చేస్తుందో మరోవైపు ఆసక్తిని పెంచుతున్నాయి.

చివరికి విష్ణువర్ధన్ రెడ్డా? దాసోజు శ్రవణ్‌నా? తలసాని సాయికిరణ్‌నా? లేక మన్నె గోవర్ధన్ రెడ్డినా? అనేది పార్టీ అధిష్టానం నిర్ణయంపైనే ఆధారపడి ఉంది.

సివిల్స్‌కు ఫ్రీ కోచింగ్! ఫుడ్ + స్టే కూడా ఫ్రీ!

సివిల్స్‌ కొట్టాలనే లక్ష్యం ఉంది. కానీ ఖరీదైన కోచింగ్‌ తీసుకునే స్థోమత లేదా? అలాంటి ఎస్సీ, ఎస్టీ, బీసీ అభ్యర్థులకు తెలంగాణ ప్రభుత్వం ఉచిత రెసిడెన్షియల్‌ సివిల్స్‌ కోచింగ్‌ అందిస్తోంది. కోచింగ్‌తో పాటు ఉచిత వసతి, భోజనం కూడా కల్పించనున్నట్లు అధికారులు తెలిపారు. రాష్ట్ర గిరిజన సంక్షేమ శాఖ ఆధ్వర్యంలోని ట్రైబల్ కల్చరల్ రీసెర్చ్ అండ్ ట్రైనింగ్ ఇన్‌స్టిట్యూట్‌–TCRTI ద్వారా ఈ శిక్షణ కార్యక్రమాన్ని నిర్వహించనున్నారు. హైదరాబాద్‌ రాజేంద్రనగర్‌ మానసా హిల్స్‌లోని ఐఏఎస్‌ స్టడీ సర్కిల్‌లో ఎంపికైన అభ్యర్థులకు సుమారు 8 నెలల పాటు రెసిడెన్షియల్‌ కోచింగ్‌ ఇవ్వనున్నారు.

ఈ శిక్షణలో యూపీఎస్సీ ప్రిలిమ్స్‌, మెయిన్స్‌, పర్సనాలిటీ టెస్ట్‌కు అవసరమైన గైడెన్స్‌ అందించనున్నారు. అంటే సివిల్స్‌ పరీక్షలోని మూడు దశలకు సిద్ధమయ్యేలా శిక్షణ ఇవ్వడం ఈ కార్యక్రమం లక్ష్యం.ఎన్ని సీట్లు ఉన్నాయి?రాష్ట్రవ్యాప్తంగా మొత్తం 120 మంది అభ్యర్థులను ఈ కార్యక్రమానికి ఎంపిక చేయనున్నారు.

ఇందులో 100 సీట్లను ప్రవేశ పరీక్ష ద్వారా భర్తీ చేస్తారు. వీటిలో75 సీట్లు ఎస్టీలకు, 15 సీట్లు ఎస్సీలకు, 10 సీట్లు బీసీలకు కేటాయించారు.మిగిలిన 20 సీట్లను ఎస్టీ అభ్యర్థులకు నేరుగా కేటాయించనున్నారు. గత ఐదేళ్లలో కనీసం ఒక్కసారైనా యూపీఎస్సీ సివిల్స్‌ ప్రిలిమ్స్‌లో అర్హత సాధించిన ఎస్టీ అభ్యర్థులు ఈ 20 సీట్లకు అర్హులు. వీరికి ప్రత్యేకంగా ప్రవేశ పరీక్ష అవసరం ఉండదు.

దరఖాస్తు.. పరీక్ష తేదీలు ఇవేఈ ఉచిత కోచింగ్‌కు అర్హులైన అభ్యర్థులు ఈ నెల 23లోపు ఆన్‌లైన్‌లో దరఖాస్తు చేసుకోవాలి.

25వ తేదీ మధ్యాహ్నం 2 గంటల నుంచి హాల్‌టికెట్లు డౌన్‌లోడ్‌ చేసుకోవచ్చు.

27వ తేదీన ప్రవేశ పరీక్ష రెండు సెషన్లలో జరుగుతుంది. ఉదయం 9:30 నుంచి 11:30 వరకు మొదటి పేపర్‌, మధ్యాహ్నం 2:30 నుంచి 4:30 వరకు రెండో పేపర్‌ నిర్వహిస్తారు.

ఆ తర్వాత అక్టోబర్‌ 1న సర్టిఫికెట్ల వెరిఫికేషన్‌, ఇంటర్వ్యూలు నిర్వహించి.. అక్టోబర్‌ 2న తుది ఎంపిక జాబితా ప్రకటించనున్నారు.

అక్టోబర్‌ 5 నుంచి క్లాసులుఎంపికైన అభ్యర్థులకు అక్టోబర్‌ 5 నుంచి సివిల్స్‌ కోచింగ్‌ ప్రారంభం కానుంది.

దరఖాస్తు చేసుకోవాలనుకునే అభ్యర్థులు welfare.sriramias.com వెబ్‌సైట్‌లో అప్లై చేయాలి.

మారుమూల గ్రామీణ, గిరిజన ప్రాంతాలకు చెందిన ప్రతిభావంతులైన యువతకు ఖరీదైన కోచింగ్‌ భారం లేకుండా సివిల్స్‌కు సిద్ధమయ్యే అవకాశం ఇది. ఉచిత కోచింగ్‌తో పాటు వసతి, భోజనం అందించే ఈ కార్యక్రమానికి అర్హులైన అభ్యర్థులు గడువులోగా దరఖాస్తు చేసుకోవాలి.