యాహ్యా సిన్వార్ భార్య వాడుతున్న హ్యాండ్ బ్యాగు ఖరీదు ఎంతో తెలుసా?

గతేడాది అక్టోబరు 7న ఇజ్రాయెల్‌పై జరిగిన దాడులకు ప్రధాన సూత్రధారి అయిన సిన్వార్ గత వారం దక్షిణ గాజాలో ఇజ్రాయెల్ దళాలు జరిపిన సైనిక ఆపరేషన్‌లో హతమయ్యాడు. ఇజ్రాయెల్‌లు విడుదల చేసిన CCTV ఫుటేజ్‌లో, సిన్వార్ తన భార్య, పిల్లలతో కలిసి ఒక సొరంగం లోపల అక్టోబరు 7న ఇజ్రాయెల్‌పై దాడులకు కొన్ని గంటల ముందు కదులుతున్నట్లు కనిపించాడు. వీడియోలో సిన్వార్ కుటుంబం పరుపులు, దిండు, టెలివిజన్, బ్యాగ్‌లను తీసుకువెళుతున్నట్లు కనిపిస్తోంది. సిన్వర్ దాడి ప్రణాళిక వల్ల గాజాలో ఏడాది పాటు యుద్ధం కొనసాగుతోంది. 

“సిన్వార్ భార్య అక్టోబర్ 7 వ తేదీ ముందు రాత్రి సొరంగాల్లోకి వెళ్తున్న సందర్భంగా ఓ వీడియో బయటపడింది. అందులో ఆమె చేతిలో $32,000 విలువ గల హెర్మేస్ బిర్కిన్ బ్యాగ్ పట్టుకుని ఉంది. హమాస్‌లో సామాన్య ప్రజలు కష్టాలు పడుతుండగా సిన్వార్, అతని కుటుంబం సిగ్గులేకుండా విలాసవంతంగా జీవిస్తున్నారు.

ఇతరులను చనిపోవడానికి పంపుతున్నారు ” అని ఇజ్రాయెల్ ప్రభుత్వ అధికారిక ఎక్స్ ఖాతాలో పోస్ట్ చేసింది. పోస్ట్‌లో సిన్వార్ భార్య ఉద్దేశించిన బిర్కిన్ బ్యాగ్‌ని తీసుకువెళుతున్న ఫోటో, క్రింద పేర్కొన్న దాని ధరతో హెర్మేస్ బిర్కిన్ బ్యాగ్  ఫోటో ఉంది.

ఆమె చేతిలో ఉన్న బ్యాగ్ ఫోటో చాలా స్పష్టంగా లేదు. బ్యాగ్‌పై డిజైన్ హెర్మేస్ బిర్కిన్ 40 బ్లాక్ టోగో గోల్డ్ హార్డ్‌వేర్ ఎడిషన్‌ను పోలి ఉంటుంది. ఉగ్రవాద గ్రూప్ హమాస్ వీడియో ఫుటేజీపై లేదా ఇజ్రాయెల్ వాదనలపై ఎలాంటి వ్యాఖ్య చేయలేదు. ఇజ్రాయెల్ ఆర్మీ ప్రతినిధి రియర్ అడ్మిరల్ డేనియల్ హగారి టన్నెల్‌లో వంటగది, మరుగుదొడ్లు, షవర్‌లతో కూడిన నివాసం ఫోటోలను చూపించారు. అక్కడ నగదు, ఆహారం, పత్రాలు కూడా దొరికాయి.

ఇజ్రాయెల్- హమాస్ సంఘర్షణలో గత ఏడాది కాలంలో ఇజ్రాయెల్ డిఫెన్స్ ఫోర్సెస్ (IDF) ప్రధాన లక్ష్యాలలో ఇజ్రాయెల్‌పై అక్టోబర్ 7 దాడుల వెనుక యాహ్యా సిన్వార్ ఒకడు. అతనిని చంపడానికి అనేక ప్రయత్నాలు చేసిన విజయవంతంగా తప్పించుకోగలిగాడు. కానీ చివరిగా వారం క్రితం ఐడీఎఫ్ విజయవంతంగా సిన్వర్ ను మట్టుబెట్టింది.ముక్కు నుంచి సేకరించిన టిష్యుల ఆధారంగా చివరిగా అతడు ఉన్న ప్రదేశాన్ని కనుగొన్నామని హగారీ చెప్పారు.