సందట్లో సడేమియాలా ఇజ్రాయెల్.. సిరియా భూభాగం ఆక్రమణ

పశ్చిమాసియాలో ఒక సంక్షోభం ముగియగానే, మరో సంక్షోభం ముంచుకు వస్తోంది. తాజాగా సిరియా తిరుగుబాటుదారుల చేతికి చిక్కింది. ఆ దేశ అధ్యక్షుడు బషర్ అల్ అసద్ రష్యా పారిపోయారు. అసద్ సైన్యం ఎప్పుడో చేతులెత్తిసింది. ఈ సందర్భంగా ఇజ్రాయెల్ తన దూకుడు ప్రదర్శిస్తోంది.

1967 లో యూదు దేశం చేజిక్కించుకున్న సిరియాలోని గోలన్ హైట్స్ సరిహద్దులోని ప్రాంతాలను ఐడీఎఫ్ ఆక్రమించేసింది. భవిష్యత్ లో తమకు తిరిగి ఉగ్రవాదుల దాడులు జరగకుండా కీలక ప్రాంతాలను అదుపులోకి తీసుకుంది. 

సిరియాలోని అనేక ప్రాంతాలపై వైమానిక దాడులు కొనసాగిస్తునే ఉంది. ఆయుధాల నిల్వలు ఉగ్రవాదుల చేతుల్లోకి రాకుండా ఆపడానికి ఈ దాడులు చేస్తున్నట్లు తెలిపింది.