ఆ ఇద్దరు అడుగు పెట్టారంటే అక్కడ గెలవాల్సిందే

తాజాగా శనివారం వెల్లడైన ఢిల్లీ ఎన్నికల ఫలితాలలో అత్యధిక స్థానాలను సాధించి బీజేపీ చరిత్రను సృష్టించింది. మొత్తం 70 స్థానాలు ఉన్న ఢిల్లీ అసెంబ్లీ నియోజక వర్గాల్లో 48 స్థానాలను సాధించి ఢిల్లీ పీఠాన్ని బీజేపీ కైవసం చేసుకుంది. అయితే ఈ విజయంలో ఏపీ సీఎం చంద్రబాబు నాయుడి పాత్ర కూడా ఉంది. బాబు ప్రచారం చేసింది చాలా తక్కువ సమయమే అయినా తనదైన శైలిలో ప్రచారం సాగించారు. టెక్నాలజీ, ప్రపంచ దేశాల్లో భారత్‌ నాయకత్వం, మోదీ అనుసరిస్తున్న పాలనా మోడల్స్, కెజ్రీవాల్‌ ప్రభుత్వం స్కామ్‌లు, ఢిల్లీ పొల్యుషన్, డ్రైనేజీ, తాగు నీరు, లిక్కర్‌ స్కాం వంటి పలు అంశాలపైన ఆయన ప్రచారం చేశారు. తెలుగు ఓటర్లు అధికంగా ఉన్న షహదరా వంటి చోట్ల తెలుగు ప్రజలతో మమేకమయ్యారు. సమస్యలు తీరుస్తామని హామీలిచ్చారు. అక్కడ ప్రజలు చంద్రబాబును బాగానే రిసీవ్‌ చేసుకున్నారు. ప్రచారం ఫలించింది. ఎన్నికల్లో బీజేపీ అభ్యర్థి గెలుపొందారు.

ఇక్కడ బీజేపీకి అంత ప్రాధాన్యత లేదు. కెజ్రీవాల్‌ ప్రభుత్వంపై ఉన్న వ్యతిరేకతకు చంద్రబాబు ప్రచారం తోడు కావడంతో బీజేపీకి పట్టం కట్టారు. 32 ఏళ్ల తర్వాత ఇక్కడ బీజేపీ గెలిచింది. చంద్రబాబు ప్రచారం ఢిల్లీలోని 70 అసెంబీ నియోజక వర్గాల్లోని తెలుగు ప్రజలను ప్రభావితం చేసింది. ఢిల్లీ పీఠాన్ని బీజేపీ కైవసం చేసుకునేందుకు ఇది కూడా ఉపయోగపడింది.

గతంలో దేశ రాజకీయాల్లో ఓ వెలుగు వెలిగి.. కేంద్ర ప్రభుత్వాలను నిలబెట్టడంతో కీలక పాత్ర పోషించిన చంద్రబాబుకు ఈ సారి అదే స్థాయిలో మరో సారి ప్రాధాన్యత పెరిగింది. ప్రస్తుతం ఎన్డీఏ ప్రభుత్వం నడవడానికి చంద్రబాబే కీలకంగా మారడంతో మరో సారి దేశ వ్యాప్తంగా చంద్రబాబు ఫేమస్‌ అయ్యారు.

సీట్ల సర్దుబాట్లలో తన స్థాయిని తగ్గించుకొని, ఏపీలో కూటమి అధికారంలోకి రావడానికి కీ రోల్‌ పోషించిన జనసేన అధ్యక్షులు, ఉప ముఖ్యమంత్రి పవన్‌ కల్యాణ్‌ ఒక్క సారిగా దేశ రాజకీయాల్లో కీలకంగా మారి పోయారు. తనకు కేటాయించిన 21 సీట్లల్లో గెలిచి 100 శాతం స్ట్రైక్‌ రేటును సాధించి దేశ రాజకీయాలను తన వైపునకు తిప్పుకున్నారు.

ఉప ముఖ్యమంత్రి అయ్యాక సనాతన ధర్మం, తిరుపతి తిరుమల లడ్డూ అంశాల్లో ఆయన తీసుకున్న స్టాండ్‌ ఒక్క సారిగా దేశ రాజకీయాల్లో హీరోగా నిలబెట్టాయి. పవన్‌ కల్యాణ్‌ శక్తి, సామర్థ్యాలను గుర్తించిన మోదీ, అమిత్‌షాలు ఆయనకు ప్రత్యేక ప్రాధాన్యత ఇస్తూ వస్తున్నారు. మరో సారి కేంద్రంలో ఎన్డీఏ ప్రభుత్వానికి వెన్నెముకగా నిలిచిన చంద్రబాబును, ఏపీలో కూటమి నిలబడటానికి విశేష కృషి చేసిన పవన్‌ కల్యాణ్‌ను మహారాష్ట్ర ఎన్నికల్లో ప్రచారం చేయాలని కోరారు. ఎన్నికల ప్రచారం కోసం మహారాష్ట్రకు వెళ్లినా.. సోదరుడు నారా రామ్మూర్తి నాయుడు మృత్తి చెందడంతో అర్థాంతరంగా చంద్రబాబు వెనక్కి వచ్చేశారు. దీంతో మహారాష్ట్ర ఎన్నికల ప్రచారం బాధ్యతంతా పవన్‌ కల్యాణ్‌ భుజస్కందాలపై పడింది.

ఈ నేపథ్యంలో ఎన్నికల ప్రచారం బాధ్యతను ప్రతిష్టాత్మకంగా తీసుకున్న పవన్‌ కల్యాణ్‌ మహారాష్ట్రలోని పలు ప్రాంతాల్లో ప్రచారం చేపట్టారు. ఏపీలో తన పార్టీకి కేటాయించిన 21 సీట్లను కైవసం చేసుకున్న విధంగానే మహారాష్ట్రలో కూడా సీన్‌ రిపీట్‌ చేశారు. బల్లాపూర్, చంద్రాపూర్, ఫూణెకంటోన్మెంట్, హడ్సర్‌పూర్, కస్బాపేట్, డెగ్లూర్, లాతూర్, షోలాపూర్‌ వంటి నియోజక వర్గాల్లో ప్రచారం చేసి మహాయుతి అభ్యర్థులను గెలిపించి, మహారాష్ట్ర రాజకీయాల్లో చరిత్ర సృష్టించారు. అంతేకాకుండా మహారాష్ట్రలో మహాయుతి ప్రభుత్వం ఏర్పాటు కావడంలో కీలక భూమిక పోషించారు. ఇది అప్పట్లో ఓ సంచలనంగా మారింది.

దీంతో ఏపీ కూటమి ప్రభుత్వ రథ సారథులు సీఎం చంద్రబాబు, డిప్యూటీ సీఎం పవన్‌ కల్యాణ్‌ల ధ్వయం దేశ రాజకీయాల్లో స్టార్‌ క్యాంపెయినర్‌లుగా మారారు. విజయానికి కేరాఫ్‌గా మారి సెంటర్‌ ఆఫ్‌ ద అట్రాక్షన్‌గా నిలిచారు. విజయవాల పరంపర కొనసాగిస్తూ వీరద్దరి ధ్వయం దేశ రాజకీయాల్లో ప్రత్యేక గుర్తింపు తెచ్చుకున్నారనే టాక్‌ ఆ పార్టీ వర్గాల్లో సాగుతోంది.