ఉగ్రదాడికి నిరసనగా జమ్మూలో సంపూర్ణ బంద్..

పహల్గాం ఉగ్రదాడిని ఖండిస్తూ జమ్మూ ప్రాంతంలోని పలు ప్రాంతాల్లో దుకాణాలు, వ్యాపారులు బంద్ పాటించారు. జన జీవనం స్తంభించింది. ప్రజా రవాణా స్తంభించింది. విద్యాసంస్థలు మూతపడ్డాయి. ప్రభుత్వ కార్యాలయాల్లో ఉద్యోగుల హాజరు తక్కువగా నమోదైంది. జమ్మూ బార్ అసోసియేషన్ బంద్‌కి మద్దతిచ్చింది.రియాసి, ఉదంపూర్, కత్రా, కఠువా, సంబా జిల్లాల్లో కూడా బంద్ ప్రభావం కనిపించింది. జమ్మూ నగరంలో పలుచోట్ల ప్రజలు పాకిస్తాన్‌కు వ్యతిరేకంగా నినాదాలు చేశారు