‘రేవంతన్న, జర ఆలోచించు…’

జీవన్ రెడ్డి గారు రాజకీయాల్లో నాలుగు దశాబ్దాలకు పైగా ప్రయాణం చేశారు.ఆ ప్రయాణం అధికారానికి కాదు… నిబద్ధతకు, నిజాయితీకి, ప్రజాసేవకు.పార్టీ మార్పులు చేయని స్థిరత్వం, పదవులు వచ్చినా, వెళ్లినా నైతిక విలువలు విడిచిపెట్టని ధోరణి, ప్రజలతో నేరుగా మమేకం అయ్యే నాయకత్వం, ఇవి ఆయనను ప్రత్యేకంగా నిలబెట్టాయి. ఇలాంటి వ్యక్తి మనసులో అసంతృప్తి మొదలవడం అంటే… అది వ్యక్తిగత సమస్య కాదు, వ్యవస్థలో లోపం ఉన్న సంకేతం. జగిత్యాలలో ఏర్పడిన పరిస్థితులు మొదట చిన్న చిలికి లాంటివి.కానీ అవి క్రమంగా పెద్ద వానగా మారాయి. MLA సంజయ్ కుమార్ పార్టీ మార్పు, స్థానిక రాజకీయ సమీకరణాలు… ఇవన్నీ కలిపి జీవన్ రెడ్డి గారిలో అసంతృప్తిని పెంచాయి. ఇది సహజమే. ఎందుకంటే ఒక వ్యక్తి తన విలువ తగ్గిందని భావిస్తే → అసంతృప్తి, తన స్థానాన్ని కోల్పోతున్నానని అనిపిస్తే → కోపం,

తనను పట్టించుకోవడం లేదని అనిపిస్తే → విరక్తి ..ఈ మూడు కలిసి ఒక నిర్ణయానికి దారితీస్తాయి. ఒక ప్రాంతంలో ఒకే పార్టీకి చెందిన నాయకుల మధ్య సమన్వయం లేకపోతే, సీనియర్లను గౌరవించకపోతే, కొత్త రాజకీయ సమీకరణాలు పాత నమ్మకాలను దెబ్బతీస్తే, అసంతృప్తి రావడం సహజం.

ఇప్పుడు రాజకీయంగా మూడు మార్గాలు కనిపిస్తున్నాయి: మొదటిది - భారత రాష్ట్ర సమితి లో చేరడం, ఇది రాజకీయంగా ఒక ఆప్షన్. కానీ వాస్తవం ఏమిటంటే,ఇన్నాళ్లు పోరాడిన పార్టీకి వెళ్లడం అంటే ప్రజల్లో నమ్మకం దెబ్బతింటుంది. ఆయన వ్యక్తిత్వం "నాయకుడు" నుంచి "సాధారణ రాజకీయవేత్త"గా మారే ప్రమాదం ఉంది. ఇది “హీరో నుంచి జీరో”కి మారే ప్రమాదం ఉన్న మార్గం. రెండోవది మరో పార్టీ ( బీజేపీ)లో చేరడం. ఇది కూడా సాధ్యమే.కానీ ఇది కూడా ఒక సాధారణ రాజకీయ నిర్ణయమే అవుతుంది. ఆయన ప్రత్యేకత తగ్గిపోతుంది. ఇక మూడోవది -స్వతంత్ర ఉద్యమ నాయకుడిగా నిలబడటం, ఇదే అసలు మార్గం. ప్రజా సమస్యలపై పోరాటం, ప్రభుత్వ తప్పులపై ప్రశ్నించడం. నైతిక రాజకీయానికి ప్రతీకగా నిలవడం, ఇది ఆయనను “చరిత్రలో నిలిచిపోయే నాయకుడు”గా మార్చే మార్గం.

ఇక్కడ అసలు విషయం మొదలవుతుంది. రేవంత్ అన్నా… నాయకత్వం అంటే కేవలం అధికారాన్ని నడిపించడం కాదు..మనుషులను నిలబెట్టడం. జీవన్ రెడ్డి లాంటి నాయకుడిని కోల్పోవడం అంటే, ఒక వ్యక్తిని కాదు, ఒక విలువను కోల్పోవడం,ఒక నమ్మకాన్ని కోల్పోవడం,మీరు చేయాల్సింది...ఆయనను స్వయంగా పిలిచి మాట్లాడాలి,ఆయన బాధను వినాలి, సమస్యను పరిష్కరించాలి, ఇది రాజకీయంగా కాదు… మానవీయంగా.ఎందుకు ఇది ముఖ్యమంటే…ఇప్పుడు మీరు ఈ సమస్యను పరిష్కరించకపోతే, సీనియర్లలో అసంతృప్తి పెరుగుతుంది, పార్టీ లోపల విభేదాలు వస్తాయి. భవిష్యత్తులో పెద్ద సమస్యలు తలెత్తుతాయి. కానీ మీరు దీనిని సరిచేస్తే ,పార్టీకి బలం పెరుగుతుంది.సీనియర్లలో నమ్మకం పెరుగుతుంది. మీరు నిజమైన నాయకుడిగా నిలుస్తారు.ఇప్పుడు రాజకీయాలు రెండు దారుల్లో నడుస్తున్నాయి. మార్గం,,ఫలితం, అవకాశాల రాజకీయాలు, తాత్కాలిక లాభం, విలువల రాజకీయాలు, శాశ్వత గౌరవం..జీవన్ రెడ్డి రెండో దారిలో నడిచిన వ్యక్తి. అతన్ని కాపాడుకోవడం అంటే ఆ విలువలను కాపాడుకోవడమన్న మాట.

ప్రస్తుతం భారత జాతీయ కాంగ్రెస్ తెలంగాణలో అధికారంలో ఉంది. కానీ అధికారంలో ఉండటం అంటే, బాధ్యతలు పెరగడం,అంతర్గత విభేదాలు పెరగడం, నాయకత్వ పరీక్షలు రావడం సహజం, ప్రశ్న ఏమిటంటే ఈ పరిస్థితిని పార్టీ ఎలా హ్యాండిల్ చేస్తుంది? ఒక సీనియర్ మోస్ట్ నిజాయితీ గల నాయకుడిని కోల్పోవడం అంటే ఒక ప్రాంతంలో ప్రభావం తగ్గడం, సీనియర్లలో అసంతృప్తి పెరగడం, ప్రత్యర్థులకు అవకాశం ఇవ్వడం అవుతోంది. అందుకే ఎన్ని అంతర్గత పోటీలు,నాయకత్వ ఒత్తిళ్లు ఉన్నప్పటికీ పాత, కొత్త నాయకుల మధ్య సమతుల్యత కాపాడాల్సిన అవసరం ఎంతైనా ఉందన్న విషయం మాత్రం మరవొద్దు .

ఈ సంఘటన ఒక సమస్య కాదు… ఒక అవకాశం.జీవన్ రెడ్డికి – తన విలువను మరింత నిరూపించుకోవడానికి, రేవంత్ రెడ్డికి – తన నాయకత్వాన్ని చూపించడానికి, కాంగ్రెస్ పార్టీకి – తన సీనియర్లను గౌరవించే సంస్కృతిని నిలబెట్టడానికి ముగింపుఅన్నమాట ! రేవంత్ అన్నా… జర ఆలోచించు.

ఒక నాయకుడిని కోల్పోవడం సులువు. కానీ ఒక విలువను తిరిగి తెచ్చుకోవడం చాలా కష్టం.జీవన్ రెడ్డి పార్టీని వదలడం. అది ఒక వార్త మాత్రమే. కానీ మీరు అతన్ని నిలబెట్టుకుంటే అది చరిత్ర అవుతుంది.ఈ రోజుల్లో రాజకీయాలు ఎక్కువగా అవకాశాలపై నడుస్తున్నాయి.కానీ విలువలతో నిలబడే నాయకులు చాలా అరుదు.జీవన్ రెడ్డి కూడ అలాంటి అరుదైన నాయకుడు. ఈ సంఘటన ఒక చిన్న సమస్య కాదు.ఇది ఒక పెద్ద సందేశం. పార్టీలు మారుతాయి, పదవులు మారుతాయి, కానీ విలువలు మాత్రమే నిలుస్తాయి. అందుకే రేవంత్ రెడ్డి జోక్యం చేసుకొని మాట్లాడితే ఆ మాటను కాదనకుండా తల్లి లాంటి పార్టీని వదలకుండా మళ్ళీ అదే పార్టీలో ఉంటే అది అతనికే మంచిది. జీవన్ రెడ్డి సైతం ఆలోచించుకోవాలి. తిట్టిన తిట్టు తిట్టకుండా తిట్టిన పార్టీ బి ఆర్ ఎస్ వెళ్లితే బిగ్ జీరో…పోరాడితే హీరో…నిలబెడితే నాయకత్వం.ఇది అతనికి తెలియంది కాదు !