ఇరాన్ యుద్ధం చైనాకు లాభం చేకూరుస్తుందా? ఎలా?

ప్రణయ్ శర్మ

అమెరికా-ఇజ్రాయెల్ సంయుక్త సైనిక చర్యలో ఇరాన్ సుప్రీం నాయకుడు ఆయతుల్లా అలీ ఖమేనీ హత్యను చైనా ఖండించింది. ఇది ఇరాన్ సార్వభౌమాధికారాన్ని తీవ్రంగా ఉల్లంఘించడమే అని అది వ్యాఖ్యానించింది.

రెండు కూటములు శత్రుత్వాన్ని అంతం చేయాలని, యుద్ధం విస్తృత ప్రాంతానికి వ్యాపించకుండా చూసుకోవాలని కోరింది. హింస - అస్థిరత, రెండు కూటముల సుదీర్ఘ పోరాటం ఈ ప్రాంతం నుంచి చైనా ఇంధన సరఫరాను ప్రతికూలంగా ప్రభావితం చేస్తుంది.

దాని వాణిజ్యం, ఇంధన వనరులు మొత్తం ఈ ప్రాంతం నుంచే వస్తోంది. కోవిడ్-19 మహమ్మారి, అమెరికాతో సుదీర్ఘ వాణిజ్య సుంకాల యుద్ధం ద్వారా ఇప్పటికే ప్రభావితమైన దాని ఆర్థిక పునరుద్ధరణకు ఈ యుద్ధం తీవ్ర ఆటంకం కలిగించే అవకాశం ఉంది.