ఓట్ల పండగ కోసం..

తెలంగాణ అసెంబ్లీ ఎన్నికల్లో మహిళల కోసం ప్రత్యేకంగా కొన్ని పోలింగ్ కేంద్రాలను ఎన్నికల సంఘం ఏర్పాటు చేసింది. అందులో భాగంగా వాటిని పూలతో అలంకరించారు. హైదరాబాద్ లోని బేగంపేటలో గల సెయింట్ ఫ్రాన్సిస్ కాలేజ్, ఖమ్మం జిల్లా సత్తుపల్లిలోని పోలింగ్ కేంద్రాలను ఇలా పూలతో అలంకరించినట్లు తెలంగాణ ఎన్నికల ప్రధాన అధికారి తన ఎక్స్ ఖాతాలో పోస్టు చేశారు. అలాగే యాదాద్రి భువనగిరిలోని ఓ పోలింగ్ కేంద్రాన్ని సైతం సర్వాంగ సుందరంగా తీర్చిదిద్దారు. కాగా ఉదయం పదకొండు గంటల వరకూ తెలంగాణ వ్యాప్తంగా 20 శాతం పోలింగ్ నమోదైంది. ఆదిలాబాద్ లో అత్యధికంగా 30 శాతం పోలింగ్ కాగా, అత్యల్పంగా హైదరాబాద్ లో కేవలం 12 శాతం మాత్రమే నమోదు అయింది.