తెలంగాణ ఎన్నికలు... ఏపీలో ప్రకంపనలు

తెలంగాణలో కాంగ్రెస్ పార్టీ విజయంతో ఆంధ్రప్రదేశ్ కాంగ్రెస్ లో నేతలు బాణసంచా కాల్చి, మిఠాయిలు తినిపించుకుంటూ ఆనందం వ్యక్తం చేశారు.తెలంగాణలో వచ్చిన మార్పు ఆంధ్రలో కూడా వస్తుందని ప్రకాశం జిల్లాకు చెందిన కాంగ్రెస్ నేత దేవరపల్లి రంగారావు వ్యాఖ్యానించారు, “ కాంగ్రెస్ పార్టీని అధికారంలోకి తెచేందుకు తెలంగాణలో రేవంత్ రెడ్డి తీవ్రంగా కృషి చేసి విజయవంతమయ్యారు.అలాగే ఆంధ్రలో కూడా పార్టీ పునరుజ్జీవం పొందుతుంది,” అని ఆయన వ్యాఖ్యానించారు.

తెలంగాణ గెలుపుతో ఆంధ్రలో కాంగ్రెస్ పట్ల ప్రజల వైఖరిలో పెద్ద మార్పు వస్తుందని ఎపిసిసి ప్రధాన కార్యదర్శి జంగా గౌతమ్అన్నారు. ఫెడరల్ – తెలంగాణతో తెలంగాణ ఫలితాల మీద మాట్లాడుతూ “ ఆంధ్ర ప్రదేశ్ ఒక వైపు తెలంగాణలో, మరొక వైపు కర్నాటకలో కాంగ్రెస్ ఉంది. ఈ రెండు రాష్ట్రాలలో కాంగ్రెస్ ప్రభుత్వ పనితీరు తప్పకుండా ఆంధ్రప్రదేశ్ మీద తప్పక పడుతుంది. దళితులు, బిసి, పేదలు కచ్చితంగా కాంగ్రెస్ వైపు వస్తారు. తెలుగుదేశం, వైసిసి ప్రభుత్వాల తీరు చూశాక, వారి పరిపాలనలో జరుగుతున్న అవకతవకలు చూశాక, ప్రజలు ప్రత్యామ్నాయం వైపుచూస్తున్నారు. వాళ్ల కాంగ్రెస్ వైపు వస్తారు,” అని గౌతమ్ అన్నారు

తెలంగాణలో కాంగ్రెస్ పార్టీ విజయంతో ఆంధ్రప్రదేశ్ కాంగ్రెస్ లో నేతలు బాణసంచా కాల్చి, మిఠాయిలు తినిపించుకుంటూ ఆనందం వ్యక్తం చేశారు.తెలంగాణలో వచ్చిన మార్పు ఆంధ్రలో కూడా వస్తుందని ప్రకాశం జిల్లాకు చెందిన కాంగ్రెస్ నేత దేవరపల్లి రంగారావు వ్యాఖ్యానించారు, “ కాంగ్రెస్ పార్టీని అధికారంలోకి తెచేందుకు తెలంగాణలో రేవంత్ రెడ్డి తీవ్రంగా కృషి చేసి విజయవంతమయ్యారు.అలాగే ఆంధ్రలో కూడా పార్టీ పునరుజ్జీవం పొందుతుంది,” అని ఆయన వ్యాఖ్యానించారు.

తెలంగాణలో కాంగ్రెస్‌ విజయం సాధించింది. బయటికి మద్దతు ప్రకటించకుండా లోలోపల తెలుగుదేశం పార్టీ కాంగ్రెస్‌కు సపోర్టు చేసింది. ఇలాగే తెలంగాణ కాంగ్రెస్ ఆంధ్రప్రదేశ్ లో తెలుగుదేశం పార్టీకి సహకరిస్తుందా అనేది చర్చనీయంగా ఉంది. దక్షిణాది ఇపుడు పూర్తిగా బిజెపిని తిరస్కరించనట్లు కావడంతో బిజెపి పట్ల తెలుగుదేశం పార్టీదోరణి మారుతుందా అనేది కూడా చర్చల్లో ఉంది.

తెలంగాణలో రంగారెడ్డి జిల్లా, సికింద్రాబాద్‌ ప్రాంతాల్లో బీఆర్‌ఎస్‌ బలం తగ్గలేదు. నిజంగా ఆంధ్రప్రాంతానికి చెందిన వారు సిటీలో, రంగారెడ్డి జిల్లా పరిసరాల్లో ఎక్కువగానే ఉన్నారు. వీరంతా కాంగ్రెస్‌కు ఓట్లు వేసి ఉంటే ఈ రెండు ప్రాతాల్లోనూ కాంగ్రెస్‌కు ఎక్కువ సీట్లు వచ్చేవి. హైదరాబాద్ పరిసరాల్లో ఉన్న ఆంధ్రా సెటిలర్లు చాలా మటుకు వ్యాపారస్థులు కావడంతో వాళ్లు బిఆర్ ఎస్ కు వ్యతిరేకంగా ఓటేసేందుకు జంకి ఉండవచ్చు. ఎందుకంటే, మళ్లీ బిఆర్ ఎస్ అధికారాంలోకి వస్తే సమస్యలు ఎదురవుతాయి. ఈ ధోరణి వల్లే హైదరాబాద్ పరిసరాల్లో బిఆర్ ఎస్ కు ఎక్కువ సీట్లు వచ్చాయని రాజకీయ వ్యాఖ్యాత దొంతి నరసింహారెడ్డి అన్నారు.

ఆంధ్రప్రదేశ్‌లో జరగబోయే ఎన్నికల్లో అన్ని నియోజకవర్గాల్లోనూ కాంగ్రెస్‌ పార్టీ తమ అభ్యర్థులను పోటీలో ఉంచుతుంది. వైఎస్సార్‌సీపీలో ఉన్న వారంతా దాదాపు కాంగ్రెస్‌ వాదులే. రాష్ట్ర విభజనను వ్యతిరేకించి వారంతా వైఎస్‌ జగన్‌ వైపు నిలిచారు. ఐదేళ్ల వైఎస్సార్‌సీపీ పాలన చూసిన తరువాత ఓటర్ల నాడి ఎలా ఉంటుందనేది ఆలోచించాల్సిందే. కాంగ్రెస్‌ అభ్యర్థులకు గతంకంటే కాస్త ఓట్ల శాతం పెరిగే అవకాశాలు కనిపిస్తున్నాయని రాజకీయ పరిశీలకులు అంటున్నారు.