దేశీయ సెమీకండక్టర్ రంగానికి బూస్ట్

ఆధునిక ప్రపంచ ఎలక్ట్రానిక్ వ్యవస్థకు గుండెకాయలాగా ఉన్న సెమీకండక్టర్ రంగంపై భారత్ తన దృష్టిని కేంద్రీకరించింది. ఈ రంగంలో దేశీయ సామర్థ్యాలను పెంచే లక్ష్యంతో ‘ఇండియా సెమీకండక్టర్ మిషన్(ఐఎస్ఎం)-2.0’ ను కేంద్ర బడ్జెట్ లో ప్రభుత్వం ప్రకటించింది.

ఐఎస్ఎం-1.0 కింద నిర్మించిన పునాదిపై రెండో దశ ప్రారంభిస్తున్నట్లు కేంద్ర ఆర్థికమంత్రి ప్రకటించారు. ప్రపంచవ్యాప్తంగా చిప్ ల ప్రాధాన్యత పెరుగుతుందని, వాటికి వ్యూహాత్మక ప్రాముఖ్యతను ప్రభుత్వం గుర్తించిందని సీతారామన్ పేర్కొన్నారు.