భారత్- అమెరికా వాణిజ్య ఒప్పందం ఎందుకు భయపెడుతోంది?

ఎవరూ ఊహించలేని విధంగా మంగళవారం అమెరికా అధ్యక్షుడు డొనాల్డ్ ట్రంప్ భారత్ తో వాణిజ్య ఒప్పందం కుదిరినట్లు ప్రకటించారు. అయితే ఇప్పటికి వాణిజ్య ఒప్పందం వివరాలు బహిర్గతం కాలేదు.

ట్రంప్ తనదైన శైలిలో కొన్ని ప్రకటనలు చేసినప్పటికీ ప్రధానమంత్రి నరేంద్ర మోదీ, ఆయన ప్రభుత్వం మాత్రం ఎలాంటి ప్రకటనలు చేయడం లేదు. బడ్జెట్ సమావేశాల్లో కూడా ఎటువంటి విషయం ప్రకటించలేదు.

"దేశంలో తయారు చేసిన ఉత్పత్తులపై ఇప్పుడు 18% సుంకం ఉంటుందని తాను సంతోషిస్తున్నానని" మోదీ ఎక్స్ లో పోస్ట్ చేశారు. 1.4 బిలియన్ల భారతీయుల తరపున ట్రంప్‌కు కృతజ్ఞతలు తెలిపారు.

సాయంత్రం మీడియాతో మాట్లాడిన కేంద్ర వాణిజ్య మంత్రి పీయూష్ గోయల్, ఈ ఒప్పందాన్ని పొందేందుకు మోదీ ట్రంప్‌తో తన స్నేహాన్ని, వ్యక్తిగత సంబంధాన్ని ఉపయోగించుకున్నారని, దేశ వ్యవసాయం, పాడి పరిశ్రమలను రక్షించామని అన్నారు.

ఈ వారం చివర్లో యూఎస్-భారతదేశం ఉమ్మడి ప్రకటన వెలువడుతుందని చెబుతున్నారు. అందుకే భారత్ మరిన్ని వివరాలు అందించలేదు.

ట్రంప్ తన సోషల్ మీడియా పోస్ట్‌లో మోదీ, యూఎస్ నుంచి దిగుమతి అయ్యే వస్తుసేవలపై ఎటువంటి సుంకాలు విధించడం లేదని, అలాగే యూఎస్ నుంచి ఇంధనం, సాంకేతికత, వ్యవసాయం, బొగ్గు సహ ఇతర ఉత్పత్తులను కొనుగోలు చేయడానికి అంగీకరించారని స్పష్టంగా పేర్కొన్నారు.

ప్రతిగా, కొన్ని వస్తువులపై 50 శాతం నుంచి 18 శాతానికి సుంకాన్ని తగ్గించడానికి అమెరికా ముందుకొచ్చింది. అన్నీ కాదు కేవలం కొన్ని వస్తువులపై మాత్రమే (ఇది త్వరలో స్పష్టంగా తెలుస్తుంది).

యూఎస్ వ్యవసాయ ఉత్పత్తులకు భారత్ జీరో సుంకాన్ని విధించి సంబంధిత విభాగంలో చేర్చింది. ఇది సోయాబీన్, మొక్కజొన్న, పాలు మాత్రమే కాకుండా జన్యుపరంగా మార్పు చెందిన (GM) ఆహారం (సోయాబీన్, మొక్కజొన్న) జన్యుపరంగా మార్పు చెందిన విత్తనాలకు కూడా అంగీకరించింది.

దేశీయ మార్కెట్లను ముంచెత్తడానికి అవకాశం ఉంటుంది. అయితే ఇదివరకు మోదీ ఒక సభలో మాట్లాడుతూ.. భారతీయ రైతుల ప్రయోజనాల కోసం తాను ఎంతదాక అయిన కోట్లాడతానని ప్రతిజ్ఞ చేశాడు. ఈ నిర్ణయం వల్ల తనకు రాజకీయంగా నష్టం జరిగే అవకాశం ఉందని కూడా అప్పట్లో చెప్పారు. కానీ ఇప్పుడు దీనికి ఒప్పుకున్నట్లు కనిపిస్తోంది. ఇది దేశంలో నిరసనలకు దారితీసే అవకాశం ఉంది.

భారతదేశం తన మేధో సంపత్తి పాలన (IPR) ను నీరుగార్చడానికి అంగీకరించిందా, అనే అనుమానాలు కూడా ముసురుకుంటున్నాయి. తద్వారా US బిగ్ ఫార్మా వారి అధిక ధర కలిగిన పేటెంట్ తీసుకున్న ఔషధాలను డేటా ప్రత్యేకతను అనుమతించడం ద్వారా దాని తప్పనిసరి లైసెన్సింగ్ అధికారంపై రాజీ పడేలా చేసిందా? అది ఇంకా స్పష్టంగా తెలియరాలేదు.

మార్చి 2024లో యూరోపియన్ ఫ్రీ ట్రేడ్ అసోసియేషన్ (EFTA) దేశాలతో (స్విట్జర్లాండ్, ఐస్లాండ్, నార్వే, లీచ్టెన్‌స్టెయిన్)స్వేచ్ఛా వాణిజ్య ఒప్పందం కుదుర్చుకుంది. కానీ దాని IPRని ఎటువంటి హమీ ఇవ్వలేదు.

కానీ బలమైన నిరసనల కారణంగా UKతో FTA నుంచి వెనక్కి తగ్గింది. EUతో దాని FTAని కూడా వెల్లడించలేదు. ఇది IPRపై రాజీపడదని పేర్కొంది. కానీ భారత్- యూఎస్ వాణిజ్య ఒప్పందంలో ఇవేవి లేవు. అందువల్ల ఆందోళనలు పెరుగుతున్నాయి. ఒప్పందం వల్ల భారత్ కు ఒనగూరే ప్రయోజనాలు చాలా తక్కువగా ఉన్నాయని చెప్పారు.

ప్రపంచవ్యాప్తంగా వర్తించే అనేక యూఎస్ సుంకాలు అమలులో ఉన్నాయి. ఇదే కాకుండా 18 శాతానికి సుంకాలు తగ్గించబడవు కాబట్టి భారత్ పొందే లాభం పరిమితం. ఉదాహరణకు:

• జూన్ 2025 నుంచి అమలులోకి వచ్చిన సెక్షన్ 232 (ప్రపంచవ్యాప్తంగా) కింద ఉక్కు, అల్యూమినియం, రాగి మొదలైన వాటిపై 50 శాతం US సుంకం విధిస్తుంది. భారత్, UK మినహా ఇతర దేశాలకు వర్తిస్తుంది.

• ఏప్రిల్ 2025 నుంచి అమలులోకి వచ్చే కొన్ని ఆటో భాగాలపై 25 శాతం US సుంకం అమలులో ఉంది.

• ఒక విదేశీ కంపెనీ USలో ఫ్యాక్టరీని నిర్మిస్తే తప్ప, బ్రాండెడ్ లేదా పేటెంట్ పొందిన ఔషధాలపై 100 శాతం US సుంకం వర్తిస్తుంది. అక్టోబర్ 1 నుంచి అమలులో ఉంది. అన్ని హెవీ-డ్యూటీ ట్రక్కులపై 25 శాతం సుంకం, కిచెన్, బాత్రూమ్ క్యాబినెట్‌లపై 50 శాతం.

ట్రంప్ భారత్ తో అనేక రాయితీలను పొందారు. ఈ ఉదయం నుంచి భారత్, వెనెజువెలా నుంచి ముడి చమురు దిగుమతి చేసుకుంటుందని కూడా ఆయన ప్రకటించారు.

కొన్ని సంవత్సరాల క్రితం US ఆంక్షల తర్వాత వెనెజువెలా నుంచి భారత్ ముడి చమురు కొనడం ఆపేసింది. తరువాత భారీగా తగ్గింపు పొందిన రష్యన్ ముడి చమురును కొనుగోలు చేయకూడదని కూడా ట్రంప్ ఆదేశించడంతో ఇప్పుడు దానికి అంగీకరించారు

భారత్ సుమారు "$500 బిలియన్లకు పైగా" US వస్తుసేవలను కొనుగోలు చేయాలనే నిబద్ధత (ఫిబ్రవరి 2025లో ఉమ్మడి ప్రకటనలో అవగాహాన కుదిరింది) మొత్తం వాణిజ్యం ప్రస్తుత స్థాయి నుంచి ఒక పెద్ద పెరుగుదల.

“భారత్ తో అమెరికా వస్తుసేవల వాణిజ్యం 2024లో $212.3 బిలియన్లుగా ఉంది. 2024లో భారతదేశంతో అమెరికా మొత్తం వస్తువుల వ్యాపారం (ఎగుమతులు ప్లస్ దిగుమతులు) అంచనా ఇది $128.9 బిలియన్లుగా అంచనా వేయబడింది” అని US వాణిజ్య ప్రతినిధి కార్యాలయం పేర్కొంది.

”భారతదేశం యూఎస్ గల్ఫ్ కోస్ట్ నుంచి దాదాపు 2.2 MTPA LPGని దిగుమతి చేసుకోవడానికి గత నవంబర్‌లో ఒప్పందంపై సంతకం చేసింది. భారత్- US నుంచి సైనిక ఆయుధాలు, విమానాలను కొనుగోలు చేస్తోంది. ఇది వేగం పుంజుకునే అవకాశం ఉంది.

యూఎస్, భారత్ కు విలువైన మార్కెట్‌గా ఉంది. వాణిజ్య మిగులును సృష్టిస్తోంది. కానీ ఇతర దేశాలపై విధిస్తున్న సుంకాలను బట్టి 50 శాతం నుంచి 18 శాతానికి సుంకాన్ని తగ్గించడం పెద్దగా అనుకూలంగా ఉండకపోవచ్చు. ఉదాహరణకు, అనేక అభివృద్ధి చెందిన దేశాలకు US సుంకాలు భారతదేశం కంటే చాలా తక్కువగా ఉన్నాయి.

UK (10 శాతం), EU, దక్షిణ కొరియా, జపాన్ (15 శాతం), పాకిస్తాన్- ఇండోనేషియా (19 శాతం), వియత్నాం (20 శాతం) కంటే స్వల్పంగా తగ్గింపు ఉంది. US డాలర్ తో పోలిస్తే ఇతర ఆసియా కరెన్సీల కంటే భారత రూపాయి ఎక్కువగా పడిపోయింది (గత ఒక సంవత్సరంలో ఇతర ప్రధాన కరెన్సీలతో పోలిస్తే ఇది 11 శాతం తగ్గింది), భారతదేశంపై 18 శాతం సుంకం అంటే ఎటువంటి ప్రయోజనం లభించదు.

దేశానికి చవకగా లభిస్తున్న రష్యన్ ముడి చమురును ఆపివేసి, వెనెజువెలా ముడి చమురును కొనుగోలు చేయడానికి అంగీకరించడమే కాకుండా, అనేక వస్తుసేవలపై సుంకాలను సున్నాకి లేదా గణనీయంగా తగ్గించింది. తాజా బడ్జెట్‌లో భారత్ క్లౌడ్ సేవలకు పన్ను హాలిడేలను ప్రతిపాదించింది.

విమాన భాగాలు, అణు పరికరాలు, క్లీన్ ఎనర్జీ పరికరాలు, ఎలక్ట్రానిక్స్, వైద్య పరికరాలు, ఉపగ్రహ గ్రౌండ్ ఇన్‌స్టాలేషన్ పరికరాలు మొదలైన వాటిపై సుంకాలను తొలగించింది.

2025 బడ్జెట్‌లో, భారతదేశానికి అమెరికా ఎగుమతులను ప్రభావితం చేసే సాంకేతికత, ఆటోమొబైల్స్, పారిశ్రామిక ఇన్‌పుట్‌లు, వ్యర్థ దిగుమతులపై సుంకాన్ని తగ్గించింది.

ఫిష్ హైడ్రోలైజేట్ (15% నుంచి 5%), మోటార్ సైకిళ్ళు (50% నుంచి 30-40%), ఈథర్నెట్ స్విచ్‌లు (20% నుంచి 10%), సింథటిక్ ఫ్లేవరింగ్ (100% నుంచి 20%), విడిభాగాలు, వినియోగ వస్తువులు (సున్నాకి తగ్గించింది). నిర్దిష్ట వ్యర్థాలు, స్క్రాప్ వస్తువులు (5% నుంచి 0%) సహా ఉపగ్రహాల కోసం గ్రౌండ్ ఇన్‌స్టాలేషన్ చార్జీలను కూడా తగ్గించింది.

ఫిబ్రవరి 2025లో, భారత్ కు US ఎగుమతులను తగ్గించింది. యుఎస్ నుంచి వస్తున్న బోర్బన్ విస్కీ (ఫిబ్రవరి 2025 లో) పై సుంకం 150 శాతం నుంచి 50 శాతానికి తగ్గింది.

మార్చి 2025 లో, గూగుల్, మెటా, అమెజాన్ వంటి యుఎస్ టెక్ దిగ్గజాలకు ప్రయోజనం చేకూర్చడానికి 6 శాతం ఈక్వలైజేషన్ టారిఫ్ (గూగుల్ టాక్స్ అని పిలుస్తారు) ను ఉపసంహరించుకుంది.

ఆగస్టు 2025 లో, యుఎస్ కు ప్రత్యేకంగా ప్రయోజనం చేకూర్చడానికి పత్తిపై సుంకాన్ని తొలగించింది. నవంబర్ 2025 లో, అంతర్జాతీయ వేదికలలో చాలా కాలంగా వ్యతిరేకించిన బీమా రంగంలో 100 శాతం ఎఫ్‌డిఐని అనుమతించింది. ఇవన్నీ కూడా దేశీయంగా తీవ్ర ప్రభావం చూపించేవి.