'జన నాయగన్' తర్వాత మరో సినిమాకి రెడ్ సిగ్నల్..

కోలీవుడ్‌లో ఇప్పుడు ఒక వింత పరిస్థితి నెలకొంది. మొన్నటికి మొన్న విజయ్ ఫ్యాన్స్‌ను షాక్‌కు గురి చేస్తూ 'జన నాయగన్' రిలీజ్‌ను సెన్సార్ బోర్డ్ (CBFC) అడ్డుకోగా.. ఇప్పుడు మరో సినిమాకు అదే సీన్ రిపీట్ అయ్యింది. 'లక్ష్మి-లారెన్స్ కాదల్' అనే సినిమాను థియేటర్లలోకి రానివ్వకుండా సెన్సార్ బోర్డ్ రెడ్ సిగ్నల్ ఇచ్చేసింది. దీంతో నిర్మాతలు ఏకంగా హైకోర్టు మెట్లు ఎక్కాల్సి వచ్చింది!

బ్యాన్ చేయడానికి కారణం ఏంటి?

సెన్సార్ బోర్డ్ వాదన ప్రకారం.. ఈ సినిమాలో కొన్ని సీన్లు, డైలాగులు ఒక మతాన్ని తక్కువ చేసి చూపిస్తూ, మరో మతాన్ని గొప్పగా చూపిస్తున్నాయట. ఎగ్జామినింగ్ కమిటీతో పాటు రివైజింగ్ కమిటీ కూడా ఈ సినిమాకు సర్టిఫికేట్ ఇవ్వలేమని తెగేసి చెప్పడంతో.. సినిమా రిలీజ్ ఆగిపోయింది.

కోర్టులో ఫైట్.. ఫిబ్రవరి 3న క్లారిటీ!

సెన్సార్ బోర్డ్ నిర్ణయాన్ని సవాలు చేస్తూ ప్రొడక్షన్ హౌస్ మద్రాస్ హైకోర్టులో పిటిషన్ వేసింది.

నిర్మాత వాదన: "భరతనాట్యం లాంటి శాస్త్రీయ కళలు ఏ ఒక్క మతానికో పరిమితం కాదు. ఎవరైనా నేర్చుకోవచ్చు, ప్రదర్శించవచ్చు అనే మెసేజ్ ఇవ్వడమే మా ఉద్దేశం. దీనికోసం సినిమాను మొత్తం బ్యాన్ చేయడం కరెక్ట్ కాదు" అని వాదిస్తున్నారు.

కోర్టు ఆర్డర్: జస్టిస్ కె. గోవిందరాజన్ తిలకవాడి ఈ వ్యవహారంపై స్పందిస్తూ.. ఫిబ్రవరి 3, 2026 లోపు కౌంటర్ దాఖలు చేయాలని సెన్సార్ బోర్డ్‌ను ఆదేశించారు.

సినిమా డీటెయిల్స్:

'లక్ష్మి-లారెన్స్ కాదల్' సినిమాను లెమ్యూరియన్ యురేకా డైరెక్ట్ చేయగా.. బాబు మోసెస్ కథను అందించారు. మతపరమైన అంశాలు ఉన్నాయని బోర్డ్ చెబుతుంటే, అది కేవలం ఒక ఆర్ట్ ఫామ్ గురించిన సినిమా అని టీమ్ అంటోంది.

విజయ్ సినిమాకే దిక్కులేకుండా పోయిన ఈ టైంలో, ఈ చిన్న సినిమా కోర్టు నుంచి గ్రీన్ సిగ్నల్ తెచ్చుకుంటుందా లేదా అన్నది ఇప్పుడు సస్పెన్స్‌గా మారింది!