వయసు 94 ఏళ్లు.. అయినా తగ్గేదేలే!

'వయసు అనేది జస్ట్ నెంబర్ మాత్రమే' అని నిరూపిస్తున్నారు మన టాలీవుడ్ లెజెండరీ డైరెక్టర్ సింగీతం శ్రీనివాసరావు (Singeetam Srinivasa Rao). భైరవద్వీపం, ఆదిత్య 369, పుష్పక విమానం వంటి అద్భుతాలు సృష్టించిన ఈ దిగ్గజ దర్శకుడు.. 94 ఏళ్ల వయసులో మళ్ళీ డైరెక్షన్ చేయడానికి రెడీ అయ్యి అందరినీ ఆశ్చర్యపరిచారు.

అశ్వినీదత్ చేతుల మీదుగా..

దాదాపు 60 సినిమాలకు దర్శకత్వం వహించిన సింగీతం, ఇప్పుడు తన 61వ సినిమాను తెరకెక్కించేందుకు సిద్ధమయ్యారు. ఈ ప్రాజెక్ట్ ని టాలీవుడ్ అగ్ర నిర్మాణ సంస్థ వైజయంతీ మూవీస్ (Vyjayanthi Movies) నిర్మించబోతుండటం విశేషం. ఇంత వయసులో ఆయనతో సినిమా చేయడం అంటే మామూలు సాహసం కాదు, అందుకే ఇండస్ట్రీ మొత్తం ఈ ప్రాజెక్ట్ వైపే చూస్తోంది.

బాలయ్యతో 'ఆదిత్య 369' సీక్వెలేనా?

గతంలో బాలకృష్ణ (Balakrishna) - సింగీతం కాంబినేషన్ లో 'ఆదిత్య 369' సీక్వెల్ రావాల్సి ఉంది. కానీ కొన్ని కారణాల వల్ల అది ఆగిపోయింది. మరి ఇప్పుడు వైజయంతీ మూవీస్ లో చేయబోయేది ఆ సీక్వెలేనా? లేక వేరే ఏదైనా కొత్త ప్రయోగమా? అన్నది తెలియాల్సి ఉంది.

త్వరలో బిగ్ అనౌన్స్మెంట్:

పాన్ ఇండియా సినిమాలు రాజ్యమేలుతున్న ఈ రోజుల్లో.. 94 ఏళ్ల లెజెండ్ ఎటువంటి మ్యాజిక్ చేయబోతున్నారో అని సినీ ప్రేమికులు ఆసక్తిగా ఎదురుచూస్తున్నారు. త్వరలోనే దీనికి సంబంధించిన భారీ అనౌన్స్మెంట్ రాబోతోంది.

ఈ వయసులో సింగీతం గారి ఎనర్జీ చూస్తే వావ్ అనాల్సిందే కదా! దీనిపై మీ కామెంట్ ఏంటి?