బాలీవుడ్ నటుడు షారూఖ్‌ను టార్గెట్ చేశారా?

బాలీవుడ్ ప్రముఖ నటులను హత్యా బెదిరింపులు వెంటాడుతున్నాయి.బాలీవుడ్ స్టార్ సల్మాన్ ఖాన్‌కు చంపుతామని గతంలో కొన్ని కాల్స్ వచ్చాయి. ఈ మధ్యనే ఆయనకు అత్యంత సన్నిహితుడు, ఎన్సీపీ నేత సిద్ధిఖీకి బిష్ణోయ్‌ గ్యాంగ్ హతమార్చింది.

ఈ నేపథ్యంలో ఇవాళ ముంబై పోలీసులకు ఓ కాల్ వచ్చింది. రూ. 50 లక్షలు ఇవ్వకపోతే బాలీవుడ్ నటుడు షారుఖ్ ఖాన్‌ హాని తలపెడతానని ఫోన్ చేశాడు. అప్రమత్తమయిన పోలీసులు ఫోన్ నంబర్‌ను ట్రాక్ చేసి ఛత్తీస్‌గఢ్‌‌ పోలీసులకు సమాచారం ఇచ్చారు. వారు రాయ్‌పూర్‌కు చెందిన ఫయాజ్ ఖాన్ అనే వ్యక్తిని అదుపులోకి తీసుకున్నారు. అయితే తన ఫోన్‌ నవంబరు 2వ తేదీనే చోరీకి గురైందని, దానిపై తాను ఫిర్యాదు కూడా చేశానని ఫయాజ్ చెబుతున్నాడు. దీంతో పోలీసులు ఆ ఫోన్‌ ఎక్కడి నుంచి వచ్చిందన్న కోణంలో దర్యాప్తు చేస్తున్నారు.

సల్మాన్‌ ఖాన్‌కు ఇటీవల లారెన్స్‌ బిష్ణోయ్‌ గ్యాంగ్ నుంచి వరుస బెదిరింపులు వచ్చిన విషయం తెలిసిందే. దైవంతో సమాధానం చూసే కృష్ణజింకలను వేటాడి చంపాడన్న ఆరోపణలతో లారెన్స్‌ బిష్ణోయ్‌ గ్యాంగ్ సల్మాన్‌ను టార్గెట్ చేసింది.