“ఫ్లాప్ హ్యాట్రిక్ ఇచ్చినా… రుక్మిణి వసంత్ పాన్-ఇండియా బ్యూటీగా ఎందుకీ హాట్ డిమాండ్?”

కన్నడ బ్యూటీ రుక్మిణి వసంత్ ఇప్పుడు టాలీవుడ్ లో హాట్ ప్రాపర్టీ. ఆమె గురించి ప్రత్యేకంగా చెప్పక్కర్లేదు. సప్తసాగరాలు దాటి సినిమాతో ఒక్కసారిగా అందరి దృష్టిని ఆకర్షించిన ఈ ముద్దుగుమ్మ, కేవలం నటనతోనే కాకుండా ఎమోషనల్ కనెక్ట్‌ తోనూ ఆడియెన్స్ మనసు దోచుకుని వరస ఆఫర్స్ సంపాదించింది. ఆ సినిమా తర్వాతే రుక్మిణి పేరు పాన్-ఇండియా లెవెల్ లో వినిపించడం మొదలైంది.

కానీ దురదృష్టవశాత్తు – రుక్మిణి చేసిన తాజా సినిమాలు వరుసగా బాక్సాఫీస్ వద్ద ఫెయిల్ అయ్యాయి. నిఖిల్ తో అప్పుడో ఇప్పుడో ఎప్పుడో , విజయ్ సేతుపతి తో ఏస్ , తాజాగా శివకార్తికేయన్ తో మదరాసి — మూడు సినిమాలు కూడా అసలు వర్కవుట్ కాలేదు. అలాగే కన్నడంలో శ్రీమురళితో చేసిన బఘీరా ఫ్లాప్ కాగా శివరాజ్ కుమార్ భైరతి రన్గల్ ఓ మోస్తరుగా ఆడింది.

ఇలా ఫ్లాప్ హ్యాట్రిక్ ఇచ్చినా, ఇండస్ట్రీలో మాత్రం రుక్మిణి డిమాండ్ ఏమాత్రం తగ్గకపోవటమే అసలైన విశేషం. ప్రతీ పెద్ద డైరక్టర్, స్టార్ హీరో ఆమెనే తమ ప్రాజెక్టులో హీరోయిన్ గా కోరుకుంటున్నారు.

* రాబోయే ప్రాజెక్టులు – గేమ్ చేంజర్ అవుతాయా?

కాంతారా: చాప్టర్ 1 (అక్టోబర్ 2 రిలీజ్) – రుక్మిణి ఫ్యూచర్‌ని మొదట టెస్ట్ చేసే సినిమా ఇదే.

డ్రాగన్ (NTR – నీల్ కాంబో) – హైపెడ్ మూవీ, రుక్మిణి ఎంట్రీని టాలీవుడ్ సీరియస్‌గా గమనించబోతోంది.

టాక్సిక్ (యశ్) – మాస్ పాన్-ఇండియా క్రేజ్ ఉన్న ప్రాజెక్ట్.

అలాగే వెంకటేశ్, త్రివిక్రమ్ మూవీలో కన్నడ భామ రుక్మిణీ వసంత్ ను హీరోయిన్ గా ఎంపిక చేశారని తెలుస్తోంది. ఒకవేళ ఈ మూవీస్‌లో కనీసం రెండూ బ్లాక్‌బస్టర్ అయితే, రుక్మిణి దేశవ్యాప్తంగా టాప్ లీగ్ హీరోయిన్స్‌లో చేరడం ఖాయం. అప్పుడు ఆమె టాప్ పొజిషన్ లోకి ఈ వెళ్ళినా ఆశ్చర్యపోనక్కర్లేదని ట్రేడ్ పండిట్స్ లెక్కలు వేస్తున్నారు.

* ఎందుకు రుక్మిణికే వరుస ఆఫర్లు?

స్క్రీన్ ప్రెజెన్స్: రుక్మిణి కి ఉన్న గ్రేస్, ఇంటెన్స్ లుక్ – డైరెక్టర్స్‌కి సరిగ్గా కావాల్సిన పాన్-ఇండియా ఫేస్.

యాక్టింగ్ రేంజ్: కాంతారాలాంటి రా కేరక్టర్స్‌కి కూడా నేచురల్‌గా సెట్ అవుతుంది.

లాంగ్వేజ్ అడ్వాంటేజ్: కన్నడ, తెలుగు, తమిళం, హిందీ — మల్టీ-ఇండస్ట్రీలో సులభంగా మెలగగలిగే నైపుణ్యం.

అన్నిటికన్నా సప్తసాగరాలు దాటి సినిమా ఇచ్చిన ఇమేజ్ ఇప్పటికీ ట్రేడ్‌లో బలంగా పనిచేస్తోంది.

* ఫ్లాప్స్ ప్రభావం పడుతుందా?

అవును, వరుస ఫ్లాప్స్ ఎవరి కెరీర్ పైన అయినా నెగటివ్ ఇంపాక్ట్‌కి కలగ చేస్తాయి. కానీ హీరోయిన్‌కి ఒక సాలిడ్ హిట్ సరిపోతుంది – ఇమేజ్ మొత్తం రీసెట్ అవ్వడానికి. రుక్మిణి విషయంలో కూడా అదే జరగొచ్చు. ప్రత్యేకంగా కాంతారా: చాప్టర్ 1 తో వచ్చే అక్టోబర్ 2న మొదలయ్యే ఫేజ్ ఆమె కెరీర్‌ను మలుపు తిప్పే అవకాశం ఉంది.

* రుక్మిణి ప్రస్తుత ఫామ్

ఫ్లాప్స్ ఉన్నా, రుక్మిణి ఇప్పుడు ఫుల్ బిజీ గా ఉంది. వరుసగా షూటింగ్స్, ప్రాజెక్ట్స్ తో టాలీవుడ్ – కొలీవుడ్ లోనూ ఆఫర్లు వస్తున్నాయి. అటు సోషల్ మీడియాలోనూ రుక్మిణి గ్లామరస్ పోస్టులు, ట్రావెల్ అప్డేట్స్, ఫ్యాన్స్‌తో కనెక్ట్ అవ్వడం ద్వారా ఎప్పుడూ హైలైట్ అవుతుంది.

* ఫ్లాప్ హ్యాట్రిక్ vs పాన్-ఇండియా హ్యాట్రిక్”

రుక్మిణి వసంత్ పరిస్థితి ఇప్పుడు ఒక పెద్ద టెస్ట్ మ్యాచ్ మధ్యలో ఉన్న బ్యాట్స్‌మెన్ లాంటిది. వరుస ఫ్లాప్స్‌కి బౌల్డ్ అయినా, ఆమెను మళ్లీ క్రీజ్‌లోకి రానిస్తోన్నవి కాంతారా: చాప్టర్ 1, డ్రాగన్, టాక్సిక్ లాంటి మూడు బిగ్గెస్ట్ ప్రాజెక్ట్స్. ఒక్క సక్సెస్ రాగానే — ఆమె పేరు “ఫ్లాప్ క్వీన్” నుంచి “పాన్-ఇండియా స్టార్” గా మారిపోతుంది. రుక్మిణి పేరు నేషనల్ క్రేజ్ గా మారిపోవడం ఖాయం!