‘రామాయణం’ OTT డీల్, పెద్ద జోక్ గా మారిపోయిందే?
నిజమా? లేక నంబర్స్ గేమ్ మాత్రమేనా?
ఇండియన్ సినిమా వ్యాపారం గత ఐదేళ్లలో పూర్తిగా మారిపోయింది. ఒకప్పుడు థియేట్రికల్ కలెక్షన్స్ సినిమా విజయాన్ని నిర్ణయించేవి. ఇప్పుడు మాత్రం ఓ సినిమా విలువను నిర్ణయించేది కేవలం బాక్సాఫీస్ కాదు. దాని OTT డీల్, డిజిటల్ రీచ్, గ్లోబల్ మార్కెట్. ఈ మారిన ఎకోసిస్టమ్లో భారీ బడ్జెట్ సినిమాలు తమ రిస్క్ను బ్యాలెన్స్ చేసుకోవడానికి OTTపై మరింతగా ఆధారపడుతున్నాయనేది నిజం. ఈ క్రమంలో రామాయణ వంటి నాలుగువేల కోట్ల బడ్జెట్ సినిమా...ఓటిటి డీల్స్ గురించి మీడియా మాట్లాడటంలో వింతేమీ లేదు. అయితే ఆ డీల్ వార్త వెనక ఉన్నవి ఎంత వరకూ వాస్తవమనేది చర్చకు నిలుస్తున్న అంశం.
బాలీవుడ్ మీడియాలో ప్రస్తుతం ఒక వార్త సెన్సేషన్ క్రియేట్ చేస్తోంది. రణబీర్ కపూర్, సాయి పల్లవి, యష్, సన్నీ డియోల్ ప్రధాన పాత్రల్లో నటిస్తున్న రామాయణ్ సినిమా రెండు భాగాల డిజిటల్ రైట్స్ కోసం బేరసారాలు జరుగుతున్నాయట. ఈ మేరకు పోటీలు పడి నెట్ఫ్లిక్స్ , అమెజాన్ ప్రైమ్ వంటి దిగ్గజాలు రూ. 700 కోట్లు ఆఫర్ చేశాయని ఆ వార్తల సమాచారం. అయితే, నిర్మాత నమిత్ మల్హోత్రా ఆ ఆఫర్ను తిరస్కరించి, ఏకంగా రూ. 1000 కోట్లు డిమాండ్ చేస్తున్నారట.
ఈ వార్తలు కేవలం ఒక డీల్ గురించి కాదు ప్రస్తుతం ఇండియన్ ఫిల్మ్ మార్కెట్ ఎలా ఆలోచిస్తోంది అన్న దాని మీద పెద్ద డిస్కషన్కు దారితీస్తున్నాయి. నిజంగా ఇది మార్కెట్ విలువేనా? లేక ఒక స్ట్రాటజిక్ నెరేటివ్ క్రియేషన్ మాత్రమేనా?
"4000 కోట్ల బడ్జెట్.. వెయ్యి కోట్ల OTT డీల్.. బాక్సాఫీస్ దగ్గర బొమ్మ పడకముందే బాలీవుడ్ ఆడుతున్న ఈ మైండ్ గేమ్ చూస్తుంటే పిచ్చెక్కిపోతోంది! అసలు ఇది సినిమానా లేక షేర్ మార్కెట్ స్కామా? రణబీర్-సాయి పల్లవిల 'రామాయణ' నిజంగానే రికార్డులు తిరగరాస్తోందా? లేక హైప్ కోసం మేకర్స్ వదులుతున్న వందల కోట్ల గ్యాప్పా?"
మార్కెట్ రియాలిటీ vs మేకర్స్ ఆశలు
ప్రస్తుత OTT మార్కెట్ చూస్తుంటే ఈ 1000 కోట్ల ఫిగర్ చాలా 'అన్-రియలిస్టిక్' (నమ్మశక్యం కానిది) గా కనిపిస్తోంది. దీనికి కొన్ని బలమైన కారణాలు ఉన్నాయి:
బడ్జెట్ కట్స్: గత కొద్ది కాలంగా నెట్ఫ్లిక్స్, అమెజాన్ వంటి సంస్థలు తమ OTT డీల్స్ బడ్జెట్ను 30% వరకు తగ్గించాయి.
క్లోజ్డ్ బిజినెస్: 2026 వరకు కావాల్సిన కంటెంట్ కోసం ఇప్పటికే ఈ ప్లాట్ఫారమ్స్ తమ బడ్జెట్ను కేటాయించేశాయి. ఇప్పుడు ఇంత భారీ మొత్తం వెచ్చించడం రిస్క్తో కూడుకున్న పని.
మిశ్రమ స్పందన: ఇప్పటివరకు విడుదలైన వీడియో కంటెంట్ (లీక్స్ లేదా గ్లింప్స్) పై ఆడియన్స్ నుంచి మిక్స్డ్ రియాక్షన్ వచ్చింది. 'ఆదిపురుష్' చేదు అనుభవం తర్వాత ప్రేక్షకులు రామాయణం అనగానే చాలా జాగ్రత్తగా అంచనా వేస్తున్నారు. అలాంటిది ఆచి,తూచి ముందుకు వెళ్లే ఓటిటి సంస్దలు ఎందుకు తొందరపడతాయి?
ఇలాంటి టైమ్లో 1000 కోట్లు అంటే అది ఖచ్చితంగా "PR స్టంట్" అని ట్రేడ్ వర్గాలు గుసగుసలాడుతున్నాయి. సినిమా గురించి బజ్ క్రియేట్ చేయడానికి ఇదో పక్కా ప్లాన్ అనిపిస్తోంది.
ఇది PR స్టంటా?
సినిమాపై విపరీతమైన క్రేజ్ పెంచడానికి బాలీవుడ్లో ఇలాంటి భారీ నంబర్లను లీక్ చేయడం ఒక ట్రెండ్. 1000 కోట్ల ఆఫర్ అంటే సినిమా రేంజ్ వేరే అని ప్రేక్షకులను నమ్మించడం. అలాగే మొదటి భాగం రైట్స్ మాత్రం అమ్మి, రెండో భాగం క్రేజ్ను క్యాష్ చేసుకోవాలని నిర్మాతలు ప్లాన్ చేస్తున్నట్లు కూడా వినికిడి.
రాజమౌళి కాదు కదా ?
రణబీర్ కపూర్ కి నార్త్ లో క్రేజ్ ఉండొచ్చు, యష్ వల్ల సౌత్ లో వెయిట్ పెరగొచ్చు.. కానీ ఇది రాజమౌళి సినిమా కాదు కదా! నితీష్ తివారీ మీద రెస్పెక్ట్ ఉన్నా, రీసెంట్గా వచ్చిన వీడియో కంటెంట్కి ఆడియన్స్ నుంచి మిక్స్డ్ రియాక్షన్ వచ్చింది. కొందరికి విజువల్స్ నచ్చితే, మరికొందరికి 'ఆదిపురుష్' గుర్తొచ్చింది. ఈ నెగెటివిటీని కవర్ చేయడానికే ఈ 'వెయ్యి కోట్ల' లీక్స్ వదులుతున్నారా అనే డౌట్ రావడం కామన్.
గ్యాంబ్లింగ్ ఆర్ గ్లోరీ?
పాజిటివ్ యాంగిల్: ఒకవేళ సినిమా నిజంగానే విజువల్ వండర్ అయితే, 1000 కోట్లు అనేది పెద్ద విషయం కాదు. ఎందుకంటే ఇది ఇండియన్ సినిమా ప్రైడ్.
నెగెటివ్ యాంగిల్: ఇప్పటివరకు సాలిడ్ ప్రూఫ్ లేదు. కేవలం బాలీవుడ్ మీడియాలో వస్తున్న వార్తలు తప్ప, అధికారికంగా ఏ OTT సంస్థా నోరు విప్పలేదు.
కంక్లూజన్ :
'రామాయణ' లాంటి ఎపిక్ సినిమాకు భారీ మార్కెట్ ఉంటుందనడంలో సందేహం లేదు. కానీ, 1000 కోట్ల OTT డీల్ అనేది ప్రస్తుతానికి కేవలం ఒక 'స్పెక్యులేషన్' (అంచనా) మాత్రమే. సినిమా కంటెంట్ గనుక విజువల్ వండర్గా ఉండి, బాక్సాఫీస్ వద్ద ప్రభంజనం సృష్టిస్తే తప్ప ఇలాంటి హిస్టారికల్ డీల్స్ సాధ్యం కావు. ఒకవేళ ఇది కేవలం PR స్టంట్ అయితే మాత్రం, సినిమా రిజల్ట్ తేడా కొడితే మేకర్స్కు అది రివర్స్ అయ్యే ప్రమాదం ఉంది.
ఏదైమైనా వెయ్యి కోట్ల డీల్ అంటే అది సినిమా మీద ఉన్న కాన్ఫిడెన్స్ అనుకోవాలా? లేక ఆడియన్స్ని బురిడీ కొట్టించే ప్లాన్ అనుకోవాలా? అసలు నిజం తెలియాలంటే ట్రైలర్ లో 'రావణ' యష్ ఎంట్రీ ఇచ్చే వరకు వెయిట్ చేయాల్సిందే!
అసలు ఈ వెయ్యి కోట్ల నంబర్స్ విన్నప్పుడు మీకేమనిపిస్తోంది? అలాగే మీరు కూడా ఆ 'రామ' గ్లింప్స్ చూశారా? రణబీర్ కపూర్ లుక్ మీకెలా అనిపించింది - డివైన్ గా ఉందా లేక ఇంకా ఇంప్రూవ్ అవ్వాలా?
