లగ్జరీ కార్లు స్మగ్లింగ్: దుల్కర్, పృథ్వీరాజ్ ఇళ్లపై ఈడీ దాడులు

దిగుమతి సుంకాలను తప్పించుకోవడానికి భూటాన్ నుంచి అక్రమంగా రవాణా చేయబడిన ఖరీదైన వాహనాలపై దర్యాప్తు దృష్టి సారించింది. ఈ కార్లను కేరళలో నకిలీ పత్రాలను ఉపయోగించి చట్టవిరుద్ధంగా తిరిగి నమోదు చేసి, హై ప్రొఫైల్ కొనుగోలుదారుకు విక్రయించారని అధికారులు అనుమానిస్తున్నారు.

రాష్ట్ర వ్యాప్తంగా దాదాపు 30 ప్రదేశాలలో కస్టమ్స్ అధికారులు సోదాలు నిర్వహించారు. కొచ్చి, తేవార, తిరువనంతపురంలోని నటుల ఇళ్లను లక్ష్యంగా చేసుకుని దాడులు నిర్వహించారు.

కొనసాగుతున్న సోదాల ఫలితంగా ఇప్పటి వరకూ నటుడు దుల్కర్ సల్మాన్ కు చెందిన రెండు వాహనాలను స్వాధీనం చేసుకున్నారు. మంగళవారం కేరళ హైకోర్టు దుల్కర్ ను కస్టమ్స్ చట్టం 1962 ప్రకారం.. అడ్డుడికేటింగ్ అథారిటీ నుంచి తన ల్యాండ్ రోవర్ డిఫెండర్ ను తాత్కాలికంగా విడుదల చేయాలని ఆదేశించింది. ఆపరేషన్ నమ్ ఖోర్ సమయంలో కస్టమ్స్ అధికారులు ఈ వాహానాన్ని స్వాధీనం చేసుకున్నారు.

ఈ కేసులో మనీలాండరింగ్ కోణంపై దర్యాప్తు చేయడానికి ఎన్ ఫోర్స్ మెంట్ డైరెక్టరేట్ రంగంలోకి దిగింది. నటుడు పృథ్వీరాజ్ అమిత్ చక్కలక్కల్ ఇళ్లలో ఈడీ సోదాలు కొనసాగుతున్నాయి. దుల్కర్ సల్మాన్ చెన్నై నివాసంపై కూడా ఈడీ అధికారులు సోదాలు నిర్వహించారు.