ఆ పేరుతోనే పెళ్లి.. విజయ్ దేవరకొండ షాకింగ్ అనౌన్స్మెంట్!
నేషనల్ క్రష్తో విజయ్ ఏడడుగులు!
ఇన్నాళ్లూ దాగుడుమూతలు ఆడారు.. ఊహాగానాలతో ఉర్రూతలూగించారు.. కానీ ఇప్పుడు టైం వచ్చింది! టాలీవుడ్ సెన్సేషనల్ హీరో విజయ్ దేవరకొండ, నేషనల్ క్రష్ రష్మిక మందన్న ఎట్టకేలకు తమ ప్రేమ బంధంపై అధికారిక ముద్ర వేశారు. కుర్రాళ్ల గుండెలు పగిలేలా, ఫ్యాన్స్ మైండ్ బ్లాక్ అయ్యేలా ఇన్స్టాగ్రామ్ వేదికగా విజయ్ ఇచ్చిన క్లారిటీ ఇప్పుడు ఇంటర్నెట్ను షేక్ చేస్తోంది. గీత గోవిందంలోని ఆ కెమిస్ట్రీ ఇప్పుడు నిజం కాబోతోంది!
ఫ్యాన్స్ పెట్టిన పేరు.. విజయ్ ఇచ్చిన గౌరవం!
విజయ్ తన పోస్ట్లో ఎంతో ఎమోషనల్ అండ్ బోల్డ్ వర్డ్స్ వాడారు. ‘‘మేం ఏవైనా ప్లాన్స్ చేసుకుందామనుకున్నా, మా కోసం ఏదైనా ఎంచుకుందామనుకున్నా ముందుగా మీరే (అభిమానులు) అక్కడ ఉంటూ ఆ పనులు చేసి పెడుతున్నారు. ఇప్పుడు పెళ్లి విషయంలోనూ చాలా ప్రేమతో ఒక పేరు పెట్టారు. మమ్మల్ని ‘విరోష్’ అని పిలుస్తున్నారు. అందువల్ల ఈరోజు హృదయపూర్వకంగా అభిమానుల గౌరవార్థం అదే పేరును స్వాగతిస్తున్నాం. మా పెళ్లి వేడుకకు ‘వెడ్డింగ్ ఆఫ్ విరోష్’ అని పేరు పెట్టాలనుకుంటున్నాం. మమ్మల్ని ఇంత ప్రేమాభిమానాలతో ఆదరిస్తున్నందుకు ధన్యవాదాలు. మీరెప్పుడూ మాలో ఒక భాగం. ప్రేమాభిమానాలతో..’’ - అంటూ విజయ్ చేసిన ప్రకటనతో సోషల్ మీడియాలో సెలబ్రేషన్స్ మొదలయ్యాయి. లిల్లీ-బాబీ కలయిక కోసం వెయిట్ చేస్తున్న వాళ్లకు ఇది నిజంగా పూనకాలు తెప్పించే వార్తే!
ఉదయ్పూర్ ప్యాలెస్లో రాయల్ వెడ్డింగ్!
వచ్చిన సమాచారం ప్రకారం.. ఈ వివాహ వేడుక రాజస్థాన్లోని ఉదయ్పూర్లో ఉన్న ఒక గ్రాండ్ ప్యాలెస్ హోటల్లో జరగనుంది. ఫిబ్రవరి 26, 2026న అత్యంత సన్నిహితుల మధ్య విజయ్-రష్మిక మూడు ముళ్ల బంధంతో ఒక్కటి కాబోతున్నారు. ఆ తర్వాత మార్చి 4న హైదరాబాద్లోని తాజ్ కృష్ణాలో గ్రాండ్ రిసెప్షన్ జరగనుంది. టాప్ పొలిటీషియన్స్ నుంచి ఇండస్ట్రీ దిగ్గజాల వరకు ఈ వేడుకకు హాజరు కాబోతున్నారు.
సినిమా రీల్ నుంచి రియల్ లైఫ్ దాకా!
గీత గోవిందం, డియర్ కామ్రేడ్ సినిమాలతో ఈ జంట పండించిన రొమాన్స్ వెండితెర మీద మ్యాజిక్ క్రియేట్ చేసింది. అప్పటి నుంచే వీరిద్దరూ డేటింగ్లో ఉన్నారంటూ వార్తలు వచ్చినా, ఇద్దరూ ఎప్పుడూ ఓపెన్ అవ్వలేదు. కానీ ఇప్పుడు ఒకేసారి పెళ్లి డేట్ అనౌన్స్ చేసి అందరికీ షాక్ ఇచ్చారు. ప్రస్తుతం వీరిద్దరూ కలిసి రాహుల్ సంకృత్యన్ దర్శకత్వంలో 'రణబాలి' అనే పీరియాడిక్ యాక్షన్ డ్రామాలో నటిస్తున్నారు. ఈ సినిమా సెప్టెంబర్ 11న విడుదల కానుంది.
విజయ్ దేవరకొండ తన స్టైల్లో ఈ పెళ్లిని 'ది వెడ్డింగ్ ఆఫ్ విరోష్' అని పిలవడం అతని కాన్ఫిడెన్స్కు నిదర్శనం. రష్మిక మందన్న కూడా అదే మెసేజ్ను షేర్ చేస్తూ తన సంతోషాన్ని పంచుకుంది. మరి టాలీవుడ్ మోస్ట్ పవర్ఫుల్ అండ్ రొమాంటిక్ కపుల్ పెళ్లి పీటలు ఎక్కుతున్న తరుణంలో.. మీరు వీరికి ఇచ్చే మెసేజ్ ఏంటి? 'విరోష్' వెడ్డింగ్ పై మీ ఎగ్జైట్మెంట్ను కింద కామెంట్ సెక్షన్లో చెప్పండి!
