• The Federal తెలంగాణ
    తుది శ్వాస విడిచిన ప్రముఖ గాయని ఆశాభోస్లే
    x

    తుది శ్వాస విడిచిన ప్రముఖ గాయని ఆశాభోస్లే

    నిన్న సాయంత్రం అస్వస్థతకు గురవడంతో ఆస్పత్రిలో చేర్పించిన కుటుంబ సభ్యులు

    The Federal
    12 April 2026 1:21 PM IST  (Updated:2026-04-12 08:41:19)
    Click the Play button to hear this message in audio format

    ప్రముఖ గాయని ఆశాభోస్లే వృద్దాప్య సమస్యలు, అవయవాల వైఫల్యం కారణంగా మరణించినట్లు వైద్యులు తెలిపారు. ఆమె వయస్సు 92 సంవత్సరాలు. "కొన్ని నిమిషాల క్రితం అనేక అవయవాల వైఫల్యం కారణంగా ఆమె కన్నుమూశారు," అని డాక్టర్ ప్రతీత్ సమదానీ జాతీయ మీడియాకి తెలిపారు.

    ఛాతీ ఇన్ఫెక్షన్, నీరసం కారణంగా భోస్లేను శనివారం సాయంత్రం ఇక్కడి బ్రీచ్ క్యాండీ ఆసుపత్రిలో చేర్చినట్లు ఆమె మనవరాలు జానై భోస్లే ఒక మీడియా పోస్ట్‌లో పంచుకున్నారు.
    ఎనిమిది దశాబ్దాలకు పైగా సాగిన తన కెరీర్‌లో, ఆశా భోస్లే తన బహుముఖ ప్రజ్ఞకు ప్రసిద్ధి చెందారు. ప్రేమ గీతాల నుంచి గజల్స్, ఉత్సాహభరితమైన పాటల వరకు ఎన్నో మరపురాని గీతాలను ఆలపించారు.
    ఆమె అత్యంత ప్రజాదరణ పొందిన పాటలలో 'అభీ నా జావో ఛోడ్ కర్', 'ఇన్ ఆంఖోం కీ మస్తీ', 'దిల్ చీజ్ క్యా హై', 'పియా తు అబ్ తో ఆజా', 'దునియా మే లోగోం కో',, 'జారా సే ఝూమ్ లూం మే' మొదలైనవి ఉన్నాయి.
    మరికొన్ని ఉదాహరణలు

    • “పియా తూ అబ్ తో ఆజా” – Caravan (1971)

    • “దమ్ మారో దమ్” – Hare Rama Hare Krishna (1971)

    • “చురా లియా హై తుమ్నే జో దిల్ కో” – Yaadon Ki Baaraat (1973)

    • “యే మేరా దిల్” – Don (1978)

    • “ఇన్ ఆంఖోంకి మస్తీ” – Umrao Jaan (1981)

    • “దిల్ చీజ్ క్యా హై” – Umrao Jaan (1981)

    • “మేరా కుచ్ సామాన్” – Ijaazat (1987)

    • “తన్హా తన్హా” – Rangeela (1995)

    • “రాధా కైసే న జలే” – Lagaan (2001)

    భోస్లే వివిధ భారతీయ భాషలలో 12,000కు పైగా పాటలను రికార్డ్ చేశారు. మీనా కుమారి, మధుబాల, జీనత్ అమన్ నుంచి కాజోల్, ఊర్మిళ మటోండ్కర్ వరకు, అలాగే పద్మిని, వైజయంతిమాల వంటి దక్షిణాది నటీమణుల వరకు ఎందరో ప్రముఖ కథానాయికలకు గాత్రదానం చేశారు.
    2023లో, ఆమె తన 90వ పుట్టినరోజును పురస్కరించుకుని దుబాయ్‌లో 'ASHA@90: Live in concert' అనే ప్రత్యేక సంగీత కచేరీలో ప్రదర్శన ఇచ్చారు. భోస్లే దివంగత దిగ్గజ గాయని లతా మంగేష్కర్ చెల్లెలు.

    తెలంగాణ ముఖ్యమంత్రి రేవంత్ రెడ్డి సంతాపం
    భారతీయ సంగీతాన్ని అశా బోస్లే సుసంపన్న చేశారని అంటు అమె మరణం పట్ల తెలంగాణ ముఖ్యమంత్రి రేవంత్ రెడ్డి ఆవేదన వ్యక్తం చేశారు.


    ASHA BHOSLE
    The Federal
    About the AuthorThe Federal
      Read More
      Next Story

      మేటి కథనాలు

      X