సింగిరి కోన: ఇక్కడ దోసిళ్ల కొద్ది ప్రకృతి సౌందర్యం జుర్రు కోవచ్చు…

-భూమన్

సింగిరి కోనకు 2020 లో అక్టోబర్ లో వెళ్లాను.వాన వెలిసిన చిత్తడి. ఈ అడవులు, కొండలు, కోనలు, శిఖరాలు కలియతిరిగి నాకు ఈ కోనగురించి తెలియకపోవడం ఆశ్చర్యంగా ఉంది. ఈ కోన గురించి తెలియగనే నలుగురి మిత్రులతో బయలుదేరాను. కొత్త దారి, కొత్త ప్రదేశం. ఈ ట్రెక్ ఒక వింత సాహసానుభం. ఆహ్లాదకరమయిన అనుభవం. ఆ జ్ఞాపకాలు:

చిత్తూరు జిల్లాలో ఉన్న కోనలన్నీ తమిళలకు తెలిసినంతగా తెలుగువారికి తెలియకపోవడం ఆశ్చర్యమే. అన్ని కోనలకు ఎక్కువ మంది తమిళులే వస్తుంటారు. తెలుగు యాత్రికులు బాగా తక్కువ.

శేషాచలం కొండలను కలియతిరిగాను. చాలా కాలంగా ఆ చుట్టు పక్కల అనేక ట్రెక్కింగ్ లు చేసినాము గాని సింగిరి కోనంగురించి విన్నతి లేదు. అట్ల ఉంది మన సమాచారం విప్లవం.

నారాయణ వనం పుత్తూరుకూ ఐదు కి.మీ దూరం. అక్కడి నుంచి కీల గ్రామం వరకు సిమెంట్ రోడ్డు, అక్కడి నుంచి నాలుగు కి.మీ దూరం మట్టిరోడ్డులో ప్రయాణించవలసి ఉంటుంది. రహదారి బాగుంది. మాకు ఎవరో తప్పుడు సమాచారం ఇవ్వటం వల్ల స్కూటర్లలో తిరుపతి నుంచి నలభై కి.మీ ప్రయాణం చేసినాము.అయితే, అక్కడి కార్లు నేరుగా పోయేంత బాగా రోడ్డు ఉంది.

మేం వారిని అభ్యర్థించి శిఖరభాగానికి నడక మొదలు పెట్టినాము నలుగురం. దారి తెన్నులేదు. మొండిగా పైభాగానికి చేరి అక్కడ ప్రకృతి దృశ్యాలను కనులారా చూసి దిగ్భ్రకు గురయినాము. ఏమా సౌందర్యం? ఎంతటి అపురూప దృశ్యాలవి. చూసినంత దూరం పచ్చటి పడుచవైభోగమే ఆ ప్రకృతి. మాటల్లో వర్ణించలేని సౌందర్యం, అనుభవం.

గిలిని జయించి, గిరుల ముద్దాటన, ఆ మధ్యన ఆచిరు జలపాతం కింద కూర్చోవడం గొప్ప రిలీఫ్ . అనుభవించిన వారికేతెలుస్తుంది. ఆ అనుభూతి.