ఆ రోజు తెలంగాణ తల్లి రూపకల్పన ఎలా జరిగిందంటే...

తెలంగాణ తల్లి, తెలంగాణ లోగో రాజ ముద్ర గురించి చర్చ నడుస్తూ ఉంది. ఇపుడుకనిపిస్తున్న తెలంగాణ తల్లి రూపకల్పన ఏ ఒక్క వ్యక్తి ఊహా కల్పన కాదు. ఎనిమిది నెలలు విశాల సాహిత్య అకాడమీ కార్యాలయంలో అనేక చర్చలు సాగి అనేక రూపాలు తీసుకున్న సమిష్టి సూచనలతో రూపొందించబడింది.

నంది నిర్మల, గొల్లి శ్రీనివాస్, చారి, దుర్గం రవీందర్, ఏలె లక్ష్మణ్, కాపు రాజయ్య, ఎక్కా యాదగిరి రావు, గంగాధర్, కెసిఆర్, ఆలె నరేంద్ర, మొదలైన మరెందరో కలిసి అనేక విధాలుగా చర్చించిన తరువాత గంగాధర్ తుది రూపం ఇచ్చారు. ఈ కార్యక్రమం నా అధ్వర్యంలోనే జరిగింది.

2. తెలంగాణ తల్లి రూప కల్పన వేరు. ఇది కొత్త భావన. రాజ చిహ్నాలతో కలిపి చర్చించి వ్యాసకర్త గందరగోళం చేశారు. రాజ చిహ్నం, తెలంగాణ తల్లి రెండు వేరు వేరు ప్రత్యేక విషయాలు.

నేను తెలంగాణ తల్లిని రూపొందించాను. ఎనిమిది నెలల నిరంతర చర్చలతో ఒక రూపం ఇచ్చాను. మూడు నెలలు పలువురు ఆర్టిస్టులు సాహితీవేత్తలు జర్నలిస్టులు ఈ సమిష్టి కృషిలో చర్చల్లో పాల్గొన్నారు. కొండపల్లి శేషగిరి రావు పేరు తలిచారు. అది అజంతా శిల్ప ప్రతిమ. తెలంగాణ తల్లి విషయంలో రూపకర్త పేరు ప్రస్తావించకుండా ప్రభుత్వం అని రాసారు. చాలా తప్పు. తెలంగాణ తల్లి రూపకల్పన 2007 లో తెలంగాణ రాష్ట్రం ఏర్పడక ముందే పూర్తయింది. ఉద్య ఆకాంక్షల రగిలిస్తూ ఊరూరా వెలసింది తెలంగాణ తల్లి . తెలంగాణ తల్లి రూపాన్ని ఎలా రూపొందించామో 2007 లోనే నేను వివరించాను.

త్రివర్ణం పతాకం రూపొందడంలో ఎంత చరిత్ర పరిణామం వుందో తెలంగాణ తల్లి రూపకల్పన వెనక అంతకన్నా ఎక్కువ పరిణామం బహు ముఖీన తాత్విక సాంస్కృతిక చారిత్రక నేపథ్యం వుంది.

బతుకమ్మ కంకులతో మలి రూపం

3. ⁠తెలంగాణ రాష్ట్ర సాధన ఉద్యమంలో భాగంగా స్పూర్తి నిచ్చే దిగా తెలంగాణ తల్లి నిలిచింది. అందెశ్రీ పాట ఉద్యమ స్రూర్తి గీతం. తెలంగాణ తల్లి ఉద్యమ స్పూర్తి రూపం. ఆ వ్యాసం విశ్లేషణ అశాస్త్రీయం. అధ్యయన రాహిత్యం. తప్పుతోవ పట్టించేదిగా వుంది. అశాస్త్రీయంగా నాలుగు చేతుల భావన ఏమిటి? అన్నం కుండ, గరిటె ఏమిటి? ఇంకా నయం వేప మండలు నాలిక ముందుకు చాపిన కాళిక వలె ఓ చేత నరికిన తలతో బోనం ఎత్తిన మహిళలా తెలంగాణ తల్లి వుండాలని సూచించలేదు. చరిత్రకారుడు చరిత్రను అధ్యయనం చేయడం కనీస కర్తవ్యం. అందరం బతికే వున్నాము సంప్రదించవచ్చుగద! కనీసం గ్రూపు పరీక్షల పుస్తకాలలోని విషయాలైనా చూడాలిగద! వ్యాసకర్త తన పొరపాటును సరిదిద్దుకోవాలి.