గోలి మధు ఆరు మినీ కవితలు

హవ్వ

ఆకులు రాలిన

ప్రజాస్వామ్య వృక్షం నీడన

ఒక్క శాతం

ప్రజా బలం లేని పార్టీకి

పాతిక మంది ఎంపి లు

భేతాళ ప్రశ్న

ఈ వి ఎం వద్దు

బ్యాలెట్ ముద్దంటూ

ప్రజా సంఘాల రోదన

ప్రతి పక్షాల మౌనం

భేతాళ ప్రశ్న !

మత్తు

క్వార్టర్ మత్తు

మనిషికి కిక్కు

మతం మత్తు

దేశానికే కిక్కు

మత్తులో మనిషి

చిత్తు చిత్తు !

స్వాహా

సీసా మారింది

మద్యం ముదిరింది

డెబ్బై ఆరేళ్ల క్రితం

విదేశీయుల స్వాహా

డెబ్బై ఆరేళ్లుగా

స్వపాలకుల స్వాహా

కర్తవ్యం

గుడి గోపుర నీడనున్న

ఓ బ్యాలెట్ నుంచి

కులం వాసన

ఇంకో బ్యాలెట్ నుంచి

మద్యం దుర్వాసన

మరో బ్యాలెట్ లో

ధన దుర్గంధం

చూపుడు వేలి సిరాతో

చిత్తు చేసేదెపుడు

వంచన కళ

లౌకికవాదానికి

వేసిన ఓటు

వంచన కళతో

మతవాదుల

పంచన చేరింది !