కనిపించని వేదనకు అక్షర రూపం ఇచ్చే రచయిత్రి బండారు విజయ

ప్రముఖ రచయిత్రి భండారు విజయ సంపాదకత్వం వహించిన ‘పరిష్క్తృత‘ (కథా సంకలనం), ఆమె స్వీయ కథా సంపుటి ‘సహజాత’ మహిళల అదృశ్య వేదనకు అక్షరరూపం ఇస్తాయని పలువురు రచయితలు కొనియాడారు.

హైదరాబాద్ విమెన్ రైటర్స్, హస్మిత ప్రచురణ సంస్థలు కలిసి తెలంగాణ బాషా సాంస్కృతిక శాఖ సౌజన్యంతో, రవీంద్రభారతి, కాన్ఫరెన్స్ హాలులో తేది 23.1.2026 సాయంత్రం 5గం.లకు ఈ రెండు పుస్తకాలు పరిచయ సభ జరిగింది.

వరంగల్ వాసి అయిన విజయ సాహిత్య ప్రస్థానం సుదీర్ఘమైనది. మొదటగా 'వరంగల్ వాణి' అనే దినపత్రికలో రోజుకొకటి చొప్పున మహిళలకు సంబంధించిన సమస్యలపై రాసేవారు. 'ప్రసారిక' అనే మ్యాగజైన్ లోనూ రాస్తుండేవారు. ఆమె వివిధ ప్రక్రియల్లో రచనలు చేసారు. అనేక అవార్డులు అందుకున్నారు. గతంలో దీపిక (1984) తడి ఆరని దుఃఖం (2016) అలల అంతరంగం (2018)కవితా సంకలనాలు, గణిక (2020) విభజిత (2024) కథా సంకలనాలు ప్రచురించారు. ఇపుడు ఆమె రాసిన కథా సంపుటి సభలో చర్చకు వచ్చింది.

వరంగల్ అరసం అధ్యక్షులు, శ్రీ నిధి భండారు విజయ గురించి, ఆమె స్త్రీ వాద రచనల గురించి, రాబోయే రచనల గురించి పరిచయం చేసారు.