పాకిస్తాన్- ఆప్ఘన్ మధ్య మరోసారి సాయుధ ఘర్షణలు

పాకిస్తాన్- ఆప్ఘనిస్థాన్ మధ్య మరోసారి ఘర్షణలు ప్రారంభం అయ్యాయి. నిన్న అర్థరాత్రి నుంచి పాక్ సైన్యం తాలిబన్ల పాలనలోని నంగర్ హార్, పాక్టికా ప్రావిన్స్ లోని ఏడు ఉగ్రవాద శిబిరాలపై దాడులు చేసినట్లు ప్రకటించింది. ఇందులో పదుల సంఖ్యలో ఉగ్రవాదులు మరణించినట్లు వెల్లడించింది.

అయితే ఈ ప్రకటనను తాలిబన్ పాలకులు ఖండించారు. ఈ ప్రావిన్స్ లోని సాధారణ పౌర ఆవాసాలపై పాక్ మిలిటరీ బాంబుల వర్షం కురిపించిందని, పదులు సంఖ్యలో సాధారణ ప్రజలు మరణించాలని పేర్కొంది. "నిన్న రాత్రి, వారు నంగర్‌హార్, పాక్టికా ప్రావిన్సులలోని మా ప్రజలపై బాంబు దాడి చేశారు. మహిళలు, పిల్లలతో సహా డజన్ల కొద్దీ సాధారణ ప్రజలను బలిగొన్నారు. చాలామందిని గాయపరిచారు" అని ఆఫ్ఘన్ ప్రభుత్వ ప్రతినిధి జబిహుల్లా ముజాహిద్ Xలో ఒక పోస్ట్‌లో తెలిపారు.