‘అయ్యా.. ఇక మీరు దయచేయండి’, ట్రూడోకు సొంత పార్టీ ఎంపీల షాక్..

తన పదవి కాపాడుకునేందుకు ఇప్పటికే చిత్రవిచిత్ర విన్యాసాలు చేస్తున్న కెనడా ప్రధానమంత్రి జస్టిన్ ట్రూడోకు సొంత పార్టీ ఎంపీలే షాక్ ఇచ్చారు. పాలన వైఫల్యాలను కప్పిపుచ్చుకునేందుకు ఇప్పటికే భారత్ తో దౌత్య ఉద్రిక్తతలు పెంచారని న్యూఢిల్లీ ఆరోపించింది. సరిగా ఇవే అంశాలపై సొంత పార్టీ ఎంపీల నుంచి ట్రూడో వ్యతిరేకతను ఎదుర్కొంటున్నారు.

కొన్ని నివేదికల ప్రకారం, ఇటీవల పోల్‌లో పార్టీ పేలవమైన ఫలితాలు, క్షీణిస్తున్న ప్రజాదరణకు ట్రూడో నే కారణమని సొంత పార్టీ ఎంపీలు విమర్శలు గుప్పిస్తున్నారు. చట్ట సభ సభ్యులు అక్టోబర్ 28న ట్రూడ్ భవితవ్యం తేల్చాలని పిలుపునిచ్చారు. 20 మందికి పైగా లిబరల్ ఎంపీలు ట్రూడోకు వ్యతిరేకంగా లేఖపై సంతకం చేశారు. లేఖలో ట్రూడోకు గడువు ఇచ్చారని నివేదికలు చెబుతున్నాయి.