అమెరికాలో ఇప్పటికి ఎంతమంది అధ్యక్షులపై దాడులు జరిగాయంటే!

అమెరికా 45వ అధ్యక్షుడు డొనాల్డ్ ట్రంప్ ప్రాణాపాయం నుంచి బయటపడ్డారు. యావత్ ప్రపంచం ప్రత్యేకించి అమెరికాలోని నల్లజాతీయులు ఊపిరి పీల్చారు. పెన్సిల్వేనియాలో జూన్ 13 సాయంత్రం జరిగిన హత్యాయత్నం తర్వాత ప్రపంచ నలుమూలల నుంచి ట్రంప్ కి ఓదార్పు సందేశాలు వెల్లువెత్తుతున్నాయి. సుమారు 18 గంటల పాటు చికిత్స పొందిన ట్రంప్ ఆసుపత్రి నుంచి తన విడిదికి చేరుకున్నారు. సోమవారం జరిగే రిపబ్లికన్ పార్టీ ర్యాలీలో యధావిథిగా పాల్గొంటానని ప్రకటించారు. ట్రంప్ పై తుపాకీ పేల్చిన 20ఏళ్ల శ్వేతజాతీయుణ్ణి సీక్రెట్ సర్వీసు ఏజెంట్లు కాల్చిచంపారు. ఎఫ్.బీ.ఐ. రంగంలోకి దిగింది. అంగుళమంగుళం గాలిస్తోంది. ట్రంప్ పై హత్యాయత్నం తర్వాత అమెరికాలో ఈ తరహా బీభత్స సంఘటనలను గుర్తు చేసుకుంటున్నారు. చర్చిస్తున్నారు.

అమెరికా విముక్తి చెంది ఇప్పటికి 248 ఏళ్లు.45 మంది అధ్యక్షులుగా పని చేశారు. ప్రస్తుత జో బైడెన్ 46వ అధ్యక్షుడు. ఆదేశాధ్యక్షులు, మాజీ అధ్యక్షులపై కాల్పులకూ సుదీర్ఘ చరిత్ర ఉంది. తొలి అధ్యక్షుడు అబ్రహాం లింకన్ తుపాకుల తూటాలకే బలయ్యాడు. జో బైడెన్ ఇంటిపైకి సాక్షాత్తు ఇండియన్ అమెరికన్ వర్షిత్ కందుల ఓ ట్రక్కునే నడిపాడు. ఇప్పటికి 19 మంది తాజా, మాజీలపై పై కాల్పులు జరిగాయి. వీటిలో 7 సంఘటనలు చాలా పెద్దవి. నలుగురు మరణించారు. ముగ్గురు తీవ్రంగా గాయపడ్డారు. కాల్పులు జరిపిన వారిలో ఎక్కువ మంది పిచ్చివాళ్లనే విచారణాధికారులు చెప్పడం గమనార్హం. ట్రంప్ ను కాల్చిన వ్యక్తికి కూడా మతిస్థిమితం సరిగా లేదన్నట్టు తెలుస్తోంది.