హార్ముజ్ జలసంధిని మూసివేసిన ఇరాన్

IRGC నేవీ కమాండింగ్ అధికారి మాట్లాడుతూ.. షిప్ మాస్టర్స్ హార్ముజ్ జలసంధి ద్వారా ముందుకు సాగవద్దని హెచ్చరించారు. అయితే ఇది కచ్చితంగా ఐఆర్జీసీ అధికారులే చేశారనే ప్రామాణికత లేదు. కానీ సముద్ర ట్రాకింగ్ ఇన్‌పుట్‌లు ఈ ప్రాంతంలోని ఓడల మధ్య పెరిగిన ఉద్రిక్తత, జాగ్రత్తను సూచిస్తున్నాయి.

హార్ముజ్ జలసంధి అనేది వ్యూహాత్మక సముద్ర కారిడార్, దీని ద్వారా ప్రపంచంలోని మొత్తం చమురు సరఫరాలో దాదాపు 25 శాతం సరఫరా అవుతుంది. పర్షియన్ గల్ఫ్‌ను ఒమన్ గల్ఫ్‌తో కలిపే ఇరుకైన మార్గం ద్వారా అరేబియన్ సముద్రంలోకి ఎంట్రీ పాయింట్ ఇది. ఇక్కడ నౌకల రవాణాకు అంతరాయం ఏర్పడితే ముడి చమురు ధరలు, షిప్పింగ్ బీమా ఖర్చులు పెరిగే అవకాశం ఉంది. ఇది ప్రపంచ పరిణామాలపై తీవ్రంగా ప్రభావం చూపే అవకాశం ఉందని నిఫుణులు భావిస్తున్నారు.

ఇరాన్‌లో ఉద్రిక్తతలు పెరుగుతున్న నేపథ్యంలో ఈ పరిణామాలు చోటు చేసుకున్నాయి. వేగంగా అభివృద్ధి చెందుతున్న పరిస్థితిని దృష్టిలో ఉంచుకుని ఫిబ్రవరి 28న, డైరెక్టరేట్ జనరల్ ఆఫ్ షిప్పింగ్ భారతీయ నావికులు, సముద్ర వ్యాపారులకు అత్యవసర సలహా జారీ చేసింది.

జనవరి 14, 2026న విదేశాంగ మంత్రిత్వ శాఖ జారీ చేసిన మునుపటి ఆదేశాలను అనుసరిస్తూ, క్షీణిస్తున్న భద్రతా వాతావరణం కారణంగా, తదుపరి నోటీసు వచ్చే వరకు భారతీయ పౌరులు ఇరాన్‌కు ప్రయాణాన్ని నివారించాలని గట్టిగా సూచించింది. టెహ్రాన్‌లోని భారత రాయబార కార్యాలయం కూడా ఇరాన్‌లో ఉన్న భారతీయ పౌరులను అందుబాటులో ఉన్న వాణిజ్య రవాణాను ఉపయోగించి వీలైనంత త్వరగా దేశం విడిచి వెళ్లాలని కోరింది.

DG షిప్పింగ్ 2026లో అన్ని భారతీయ నావికులు, రిక్రూట్‌మెంట్, ప్లేస్‌మెంట్ సర్వీస్ లైసెన్స్ హోల్డర్లు, షిప్పింగ్ కంపెనీలు, ట్రేడ్ యూనియన్లు, సముద్ర వాటాదారులకు తదుపరి ఆదేశాలు వచ్చే వరకు భారతీయ సిబ్బందిని ఇరాన్‌కు పంపవద్దని సలహా ఇస్తూ సర్క్యులర్ 01ని జారీ చేసింది.

ఇరాన్ జలాల్లో లేదా సమీప ప్రాంతాలలో పనిచేస్తున్న భారతీయ సిబ్బంది సభ్యుల భద్రత, స్థితిని నిశితంగా పర్యవేక్షించాలని ఆదేశించారు. ఫిబ్రవరి 28 నాటి సర్క్యులర్ లో కూడా ఇవే తరహ ఆదేశాలు జారీ చేసింది. ప్రస్తుతం ఇరాన్‌లో ఉన్న భారతీయ నావికులు, పెండింగ్‌లో ఉన్న వేతనాలు లేదా సైన్-ఆఫ్ తర్వాత స్వదేశానికి తిరిగి వెళ్లడం కోసం ఎదురుచూస్తున్నవారు.

విదేశాంగ మంత్రిత్వ శాఖ, టెహ్రాన్‌లోని భారత రాయబార కార్యాలయం జారీ చేసిన సలహాలను ఖచ్చితంగా పాటించాలని, వారి వివరాలను నేరుగా లేదా కుటుంబ సభ్యుల ద్వారా రాయబార కార్యాలయంలో అత్యవసరంగా నమోదు చేసుకోవాలని వారికి సూచనలు జారీ చేశారు. స్థానిక అధికారులు సూచించిన భద్రతా ప్రోటోకాల్‌లను పాటించాలని సురక్షితంగా బయలుదేరడానికి వీలుగా RPSL కంపెనీలు, షిప్పింగ్ సంస్థలు, ట్రేడ్ యూనియన్లు, స్థానిక ఏజెంట్లతో సమన్వయం చేసుకోవాలని కూడా విదేశాంగ శాఖ సూచించింది.

ఇరాన్, ఇరానియన్ జలాలు లేదా సమీప ప్రాంతాలలో ప్రస్తుతం ఉన్న భారతీయ సిబ్బంది వివరాలను నియమించబడిన అధికారిక ఈ మెయిల్ ఐడీల ద్వారా డీజీ షిప్పింగ్ క్రూ బ్రాంచ్ కు అత్యవసరంగా సమర్పించాలని అన్ని ఆర్ఎస్పీఎల్ కంపెనీలు, ఓడ యజమానులు, నిర్వాహాకులు, ఏజెంట్లు, నావిక సంఘాలను ఆదేశించారు.

ఇరానియన్ ఓడరేవులను సందర్శించే లేదా హార్ముజ్ జలసంధి గుండా ప్రయాణించే విదేశీ జెండా నౌకల్లో ప్రయాణించే భారతీయ జెండాలు కలిగిన ఓడలు, భారతీయ నావికులు ప్రస్తుత భద్రతా పరిస్థితిని దృష్టిలో ఉంచుకుని ఈ ప్రాంతంలో నావిగేట్ చేస్తున్నప్పుడు అత్యంత జాగ్రత్తగా ఉండాలని సూచించారు.