యూనైటెడ్ స్టేట్స్ జియోలాజికల్ సర్వే ప్రకటన సారాంశం.. అలస్కా కాలమానం ప్రకారం మధ్యాహ్నం 12.37 నిమిషాలకు ద్వీపకల్పం నడిబొడ్డున ఉన్న అలూటియన్ చైన్ లో భాగమైన పోపోఫ్ ద్వీపంలో సాండ్ పాయింట్ కు ఆగ్నేయంగా భూకంప కేంద్రం ఉందని ప్రకటించింది.
అలస్కా భూకంప కేంద్రం ప్రకారం..భూకంపం ‘‘అలస్కా ద్వీపకల్పం, దక్షిణ అలాస్కా అంతటా కుదిపేసింది’’ అని ఓ ప్రకటనలో తెలిపింది.
బలమైన ప్రకంపనలు..
‘‘పసిఫిక్, ఉత్తర అమెరికా ప్లేట్ల మధ్య సబ్ డక్షన్ జోన్ ఇంటర్ ఫేస్ పై లేదా సమీపంలో థ్రస్ట్ ఫాల్ట్’’ కారణంగా సాండ్ పాయింట్ కు దక్షిణంగా భూకంపం సంభవించిందని యూఎస్జీఎస్ గుర్తించింది. స్థానిక నివాసి ఒకరు భూకంపం సంభవించిన దృశ్యాలను షేర్ చేశారు.
‘‘ఈ రోజు భూకంపం ఫుటేజీని భూకంప కేంద్రం నుంచి 50 మైళ్ల దూరంలో ఉన్న సాండ్ పాయింట్ నివాసి ఒకరు మాకు అందించారు. తమ అనుభవాలను పంచుకున్న వారికి కృతజ్ఞతలం.
ఇది భూకంపం ఎలా ఉంటుందో అర్థం చేసుకోవడానికి ఉపయోగపడింది’’ భూకంప కేంద్ర అధ్యయన సంస్థ తెలిపింది. ఈ భూకంపం వల్ల ఎలాంటి ప్రాణ నష్టం జరిగినట్లు ఇంకా సమాచారం అందడం లేదు.
భూకంపం తరువాత ప్రకంపనలు
మిచిగాన్ టెక్నాలాజికల్ యూనివర్శిటీ ప్రకారం.. తీవ్రమైన నష్టాన్ని కలిగించే భూకంపం సాధారణంగా 7.0 నుంచి 7.9 మధ్య ఉంటుందని తెలిపింది. ఇప్పటి వరకూ ప్రతి సంవత్సరం ఈ తీవ్రతతో కనీసం పది నుంచి 15 భూకంపాలు నమోదయ్యాయని తెలిపింది.
అలస్కా భూకంపం కేంద్రం భూకంపం తీవ్రతను 7.3గా నిర్ధారించింది. దీని కేంద్రం సాండ్ పాయింట్ కు దక్షిణంగా దాదాపు 55 మైళ్ల దూరంలో, 9 మైళ్ల లోతులో ఉంది. పూర్తి వివరాలు రావడానికి ఇంకాస్త సమయడం పడుతుందని డేటా కొద్ది మారే అవకాశం ఉండవచ్చిన కేంద్రం పేర్కొంది.
యూఎస్జీఎస్ సాండ పాయింట్ సమీపంలోని అనేక ఇతర ప్రకంపనలను నమోదు చేసింది. వాటిలో సాండ్ పాయింట్ కు దక్షిణ ఆగ్నేయంగా దాదాపు 101 కిలోమీటర్ల దూరంలో 5.3 తీవ్రతతో భూకంపం సంభవించింది.
సునామీ హెచ్చరిక
భూకంపం తరువాత జాతీయ సునామీ హెచ్చరికల కేంద్రం యూనిమాక్ పాస్ నుంచి కెన్నేడీ ఎంట్రన్స్ వరకూ ఉన్న ప్రాంతంలో సునామీ అలలు వచ్చే ప్రమాదం ఉందని హెచ్చరికలు జారీ చేసింది. స్థానిక సమయం ప్రకారం మధ్యాహ్నం 1.50 నిమిషాలకు సునామీ హెచ్చరికలు జారీ చేశారు.
ఇది కెన్నెడీ ఎంట్రన్స్ నుంచి యూనిమాక్ పాస్ వరకూ దాదాపు 700 మైళ్ల దూరం వరకూ అమలులో ఉంటుంది. మధ్యాహ్నం 2.43 నిమిషాలకు అన్ని తీర ప్రాంతాలకు సునామీ హెచ్చరికలు ఉపసంహరించుకున్నారు.
‘‘సునామీ హెచ్చరికల రద్దు హనీకరమైన ముప్పు తొలగినట్లు ముగిసినట్లు సూచిస్తున్నాయి’’ అని జాతీయ సునామీ హెచ్చరిక కేంద్రం తాజా ప్రకటనలో తెలిపింది.
అలస్కాలో భూకంప ప్రొఫైల్..
పసిఫిక్ రింగ్ ఆఫ్ ఫైర్ వెంబడి దాని స్థానం ఫలితంగా టెక్టోనిక్ కార్యకలాపాలకు ప్రధాన ప్రాంతంగా ఉన్నందున అలాస్కా యునైటెడ్ స్టేట్స్ లో అత్యంత క్రియాశీల రాష్ట్రం.
ఈ ప్రాంతంలో చరిత్రలో అత్యంత శక్తివంతమైన భూకంపాలను చూసింది. వాటిలో 1964 గ్రేట్ అలస్కా భూకంపం కూడా ఉంది. దీని తీవ్రత 9.2 శాతంగా నమోదైంది.
ఇది ఉత్తర అమెరికా చరిత్రలోనే అత్యంత బలమైన భూకంపంగా, ప్రపంచ వ్యాప్తంగా ఇప్పటి వరకూ నమోదైన రెండో అతిపెద్ద భూకంపంగా మిగిలిపోయింది.
