రాయబారీ హత్య కుట్ర భగ్నం చేసిన మొస్సాద్

మొస్సాద్.. ప్రపంచంలో దీని గురించి పరిచయం అక్కరలేదు. ఏ దేశం కోసం పనిచేస్తుందో కూడా వివరించాల్సిన పనిలేదు. దాని సాహాసాలు ప్రపంచవ్యాప్తంగా కథకథలుగా చెప్పుకుంటూ ఉంటారు.

తాజాగా అది ఇరాన్ చేసిన కుట్రను ఇలాగే భగ్నం చేసింది. మెక్సికోలో ఇజ్రాయెల్ రాయబారీగా పనిచేస్తున్న ఐనాట్ క్రాంజ్ నీగర్ ను చంపడానికి ఇరాన్ రివల్యూషనరీ గార్డ్స్ చేసిన ప్రయత్నాలను అది వమ్ము చేసింది.

దాదాపుగా గత సంవత్సరం చివరి నుంచి ఇరాన్ విదేశీ కార్యకలాపాలను నిశితంగా గమనిస్తున్న ఈ గూఢచార సంస్థ, ఈ కుట్రను విజయవంతంగా న్యూట్రలైజ్ చేసినట్లు అమెరికా, ఇజ్రాయెల్ దేశాల అధికారులు వెల్లడించారు.

నిఘా వర్గాల నుంచి వచ్చిన సున్నితమైన సమాచారం కారణంగా మిగిలిన వివరాలు వెల్లడించడం లేదని అమెరికా అధికారులు ప్రకటించారు. కుట్ర ఎలా గుర్తించారు. ఎలా విఫలం చేశారనే దానిపై ఎలాంటి వార్తలు అందించలేదు.