‘పుతిన్ భారత పర్యటనకు ఎందుకంత ప్రాముఖ్యం?

రష్యా(Russian) అధ్యక్షుడు వ్లాదిమిర్ పుతిన్(Putin) భారత్ పర్యటనకు వచ్చిన విషయం తెలిసిందే. పుతిన్ న్యూఢిల్లీ పర్యటనలో ప్రధాని మోదీ(PM Modi) ప్రొటోకాల్‌ను ఉల్లంఘించి పాలం విమానాశ్రయంలో ఆయనకు వ్యక్తిగతంగా స్వాగతం పలికారు. ‘‘టాకింగ్ సెన్స్ విత్ శ్రీని’’ కార్యక్రమంలో ది ఫెడరల్ ఎడిటర్-ఇన్-చీఫ్ శ్రీనివాసన్ పుతిన్ పర్యటనకు సంబంధించి ఎన్నో విషయాలు పంచుకున్నారు. పుతిన్ భారత్‌కు పది సార్లు సందర్శించినా..ఈ తాజా పర్యటన "అత్యంత ముఖ్యమైనది" అని పేర్కొన్నారు.

ఇరు దేశాలు వాషింగ్టన్ నుంచి ఒత్తిడిని ఎదుర్కోవడం, ఉక్రెయిన్ యుద్ధంపై అమెరికా మాస్కోపై ఆంక్షలు విధించడం, రాయితీపై చమురు దిగుమతి లాంటి కారణాలతో మాస్కో అసంతృప్తి చెందలేదని శ్రీనివాసన్ చెప్పారు.

‘‘వాస్తవానికి సోవియట్ కాలం నుంచి భారత్‌కు రష్యాతో సంబంధాలున్నాయి. భారతదేశ సైనిక పరికరాల్లో మూడింట రెండు వంతులు రష్యా సరఫరా చేసినవే. ఒకప్పుడు ప్రధాన పాశ్చాత్య నెట్‌వర్క్‌ల కోసం మాత్రమే ఉద్దేశించిన భారతీయ టెలివిజన్‌తో పుతిన్ అరుదైన 90 నిమిషాల ఇంటర్వ్యూ ఆ మార్పుకు "బలమైన సంకేతం", అని శ్రీనివాసన్ పేర్కొన్నారు.

2030 నాటికి ద్వైపాక్షిక వాణిజ్యాన్ని $100 బిలియన్లకు పెంచే లక్ష్యాన్ని రెండు దేశాలు పునరుద్ఘాటించాయి. భారత్‌కు ఇంధన సహకారం మరో కీలక అంశం. పెరుగుతోన్న డిమాండ్ దృష్ట్యా భారత్ రష్యా నుంచి అణు సహకారాన్ని కోరుకుంటుంది. భారతదేశ అణుశక్తిలో సగం సరఫరా చేసే కూడంకుళం రియాక్టర్లను ఇప్పటికే రష్యా నిర్మించింది. ఇక ప్రధాన రక్షణ ఒప్పందం ఏదీ ప్రకటించనప్పటికీ.. విమానాలు, ట్యాంకులు, నావికా వేదికలు, జలాంతర్గాములపై ​​చర్చలు కొనసాగుతున్నాయని శ్రీనివాసన్ అన్నారు.

ఉక్రెయిన్ వివాదంలో భారతదేశం "శాంతి వైపు" నిలుస్తుందని మోదీ పునరుద్ఘాటించడం భారతదేశం వ్యూహాత్మక స్వయంప్రతిపత్తిని బలోపేతం చేసిందని శ్రీనివాసన్ పేర్కొన్నారు.