టీటీడీకి హైదరాబాద్ భక్తుడి రూ.2.50 కోట్ల విరాళం

KTR 'టెలిఫోన్ ట్యాపింగ్ కేసు' విచారణ దగ్గిర పరిస్థితి ఉద్రిక్తం

తెలంగాణ రాజకీయాలను కుదిపేస్తున్న టెలి ఫోన్ ట్యాపింగ్ కేసులో బీఆర్ఎస్ వర్కింగ్ ప్రెసిడెంట్ కేటీఆర్ విచారణకు హాజరయ్యారు. విచారణ చేస్తున్న స్పెషల్ ఇన్వెస్టిగేషన్ టీమ్ (సిట్) జూబ్లీ హిల్స్ పోలీస్ స్టేషన్ లో ఏర్పాటుచేశాు. అందువల్ల కెటిఆర్ పోలీస్ స్టేషన్ కు వచ్చి సిట్ అధికారులు ముందు హాజరుకావలసి వచ్చింది. ఆయన న్యాయవాదులను లోనికి అనుమతించలేదు. దానితో కెటిఆర్ ఒక్కరే విచారణ అధికారుల ముందు హాజరయ్యారు. కేటీఆర్ ని విచారణకు పిలవడానికి నిరసన గా బిఆర్ ఎస్ కార్యకర్తలు పెద్ద ఎత్తున ఆయన వెంట వచ్చారు. దీనితో భారీగా పోలీసులను కూడా మొహరించారు. రాష్ట్రవ్యాప్తంగా బీఆర్ఎస్ నేతలు, విద్యార్థి విభాగం నాయకులను అర్ధరాత్రి నుంచే అదుపులోకి తీసుకున్నారు. ఇలాగే జూబ్లీహిల్స్ పీఎస్‌కు చేరుకున్న బీఆర్ఎస్ నాయకులు, కార్యకర్తలను అరెస్టు చేశారు.

ఇక తెలంగాణ భవన్ (బిఆర్ ఎస్ కార్యాలయం) దగ్గిర కూడా పోలీసులను మొహరించారు. కార్యకర్తలు కార్యాలయం నుంచి బయటకు వెళ్లకుండా తెలంగాణ భవన్ గేట్లు మూసివేసేందుకు యత్నించారు. దీన్ని అడ్డుకోవడంతో పోలీసులు, బీఆర్ఎస్ కార్యకర్తల మధ్య తోపులాట జరిగింది. ఈ తోపులాటలో పలువురు కార్యకర్తలు గాయపడ్డారు.

తిరుమల కల్తీ నెయ్యి సరఫరా మీద చార్జ్ షీట్ దాఖలు చేసిన సిట్

తిరుమల వేంకటేశ్వర స్వామి లడ్డూ ప్రసాదం తయారిలో కల్తీ నెయ్యి సరఫరా చేశారన్నఆరోపణల మీద సుప్రీంకోర్టు ఆదేశాల మేరకు ఏర్పాటు చేసిన సిబిఐ స్పెషల్ ఇన్వెస్టిగేషన్ టీమ్ (SIT) విచారణ ముగిసింది. ఇందులో36 మందిని నిందితులుగా చేర్చారు. నెల్లూరు ఏసీబీ కోర్టులో విచారణల ఆధారంగా సిట్ ఛార్జిషీటు దాఖలు చేశారు. కల్తీనెయ్యి సరఫరా అయిందనే విషయాన్ని మొదట ముఖ్యమంత్రి చంద్రబాబు నాయుడు వెల్లడించారు. తిరుమలలో పవిత్రమైన లడ్డూ తయారీలో గత ప్రభుత్వం నాణ్యత లేని నెయ్యిని, జంతువుల కొవ్వును ఉపయోగించిందని ముఖ్యమంత్రి నారా చంద్రబాబు నాయుడు 2024 సెప్టెంబర్ లో ఆరోపణలు చేశారు. 2024 జూన్ తర్వాతే నెయ్యి నాణ్యతను పరీక్షించి, నెయ్యిలో కల్తీ పదార్థాలు ఉన్నట్లు గుర్తించామని ఆయన వెల్లడించారు. భక్తుల మనోభావాలను దెబ్బతీసేలా జరిగిన ఈ ఘటనపై విచారణకు ఆదేశించారు.

మునుగోడులో బ్రాందీ షాపులు టైమింగ్స్ గొడవ

యాదాద్రి భువనగిరి జిల్లా మునుగోడు ఎమ్మెల్యే కోమటిరెడ్డి రాజగోపాల్ రెడ్డి చెప్పిన టైమింగ్స్‌ అమలు చేసే పనిని ఆయన అనుచరులు భుజన వేసుకున్నారు. రాజగోపాల్ రెడ్డి ఆదేశాలలో పేర్కొన్నటైమింగ్స్ కే మద్యం దుకాణాలు నడుపాలని బ్రాంది షాప్ యజమానులలతో, ఎక్సైజ్ అధికారులతో ఆయన అనుచరులు వాగ్వాదానికి దిగారు. మధ్యాహ్నం ఒంటిగంట తర్వాతనే బ్రాందిషాపులు తెరవాలని యజమానుల మీద కాంగ్రెస్ నాయకులు వత్తిడి తెస్తున్నారు.   సంస్థాన్ నారాయణపురం, మునుగోడు, చండూర్ మండల కేంద్రాల్లో ఎమ్మెల్యే నియమావళి ఉల్లంఘించిన తెరిచిన బ్రాందీ షాప్స్ ముందు కాంగ్రెస్ నాయకులు ఆందోళనకు దిగారు. అయితే, ఎన్‌ఫోర్స్‌మెంట్‌, ఎక్సైజ్ అధికారులు షాపులకు మద్దతు ప్రకటించారు. సంస్థాన్ నారాయణపూర్‌లో రాజగోపాల్ రెడ్డి అనుచరులు మూసివేసిన వైన్ షాపులను దగ్గరుండి తెరిపించారు. ఎక్సైజ్ శాఖ అధికారుల పహారాలో ఉదయం నుండి మద్యం అమ్మకాలు జోరుగాసాగుతున్నాయి.జనం ఈ లొల్లిని వింతగా చూస్తున్నారు. కాంగ్రెస్ పార్టీ ప్రభుత్వ గెలుస్తుందాలేక పార్టీ ఏమ్మెల్యే దందా నడుస్తుందా అనేది ప్రశ్న

చర్లపల్లి- తిరువనంతపురం మధ్య అమృత్ భారత్ ఎక్స్ ప్రెస్ ప్రారంభం

సికిందరాబాద్ సమీపంలో ఇటీవల ప్రారంభమయిన చర్లపల్లి నుంచి కేరళ తిరువనంతపురానికి అమృత్ భారత్ రైలు ప్రారంభమయింది.

ఈ రోజు ప్రధాని మూడు అమృత్‌ భారత్‌ ఎక్స్‌ప్రెస్‌ తిరువనంతపురం నుంచి శుక్రవారం నాడు ప్రారంభించారు. అందులో చర్లపల్లి-తిరువనంతపురం ఎక్స్ ప్రెస్ ఒకటి. 3 అమృత్ భారత్ ఎక్స్‌ప్రెస్ రైళ్లతో సహా నాలుగు కొత్త రైల్ సర్వీసులను పచ్చ జెండా ఊపి ప్రధాని ప్రారంభించారు. వీటితో కేరళ, తమిళనాడు, కర్ణాటక, తెలంగాణ, ఆంధ్రప్రదేశ్ రాష్ట్రాల మధ్య రైలు ప్రయాణలు మెరుగుఅవుతాయి.

చర్లపల్లి– తిరువనంతపురం మధ్య ప్రారంభమైన ఈ అమృత్ భారత్ ఎక్స్‌ప్రెస్ (17041) వారానికొకసారి నడుస్తుంది. ప్రతి మంగళవారం ఉదయం 7:15 గంటలకు చర్లపల్లి నుంచి బయలుదేరి, బుధవారం మధ్యాహ్నం 2:45 గంటలకు తిరువనంతపురం చేరుతుంది. తిరుగు ప్రయాణంలో రైలు నంబర్ 17042గా బుధవారం సాయంత్రం 5:30 గంటలకు తిరువనంతపురం నుంచి బయలుదేరుతుంది.గురువారం రాత్రి 11:30 గంటలకు చర్లపల్లి చేరుతుంది.