సుక్మాలో ఎదురుకాల్పులు.. 16 మంది నక్సలైట్‌ల దేహాలు స్వాధీనం..

ఛత్తీస్‌గఢ్‌లోని సుక్మా జిల్లాలోని దండకారణ్యాన్ని శనివారం ఉదయం కాల్పుల మోత మోహరించింది. భద్రతా సిబ్బంది, నక్సలైట్ల మధ్య జరిగిన ఎదురుకాల్పులతో ఆ ప్రాంతమంతా మారుమోగిపోయింది. ఈ కాల్పుల్లో 16 మంది నక్సలైట్లు మరణించారు. వారి మృతదేహాలను అధికారులు స్వాధీనం చేసుకున్నారు. స్థానిక గోగుండా కొండపై మావోయిస్టుల కదలికలు ఉన్నాయన్న సమాచారంతో పోలీసులు కూంబింగ్ నిర్వహించారు. ఈ క్రమంలో మావోయిస్టులు ఎదురుకాల్పులు చేశారు. ఈ ఎదురుకాల్పుల్లో 16 మంది మావోలను మట్టుబెట్టారు పోలీసులు. అనంతరం వారి స్థావరాల నుంచి

ఎదురుకాల్పుల ప్రదేశంలో భారీ సంఖ్యలో AK-47, SLR, INSAS రైఫిల్, .303 రైఫిల్, రాకెట్ లాంచర్, BGL లాంచర్ వంటి ఆయుధాలు, పేలుడు పదార్థాలు స్వాధీనం చేసుకున్నారు. DRG సుక్మా/CRPF సంయుక్త బలగాలు బీజాపూర్ ఆపరేషన్‌ నిర్వహించాయి. ఎదురుకాల్పుల్లో DRG కి చెందిన ఇద్దరు జవాన్లు గాయపడ్డారు. గాయపడిన జవాన్ల పరిస్థితి స్థిరంగా ఉంది. శనివారం ఉదయం 08:00 గంటల నుండి మావోయిస్టులు, భద్రతా బలగాల మధ్య తీవ్ర కాల్పులు కొనసాగుతున్నాయి. మరింత మంది నక్సలైట్‌లు మృతి చెందే అవకాశం ఉందని అధికారులు భావిస్తున్నారు. పరిసర ప్రాంతాల్లో ఇంకా సెర్చింగ్, గస్తీ కొనసాగుతోంది.