బెంగాల్ చివరి కమ్యూనిస్టు ముఖ్యమంత్రి బుద్ధదేవ్ మృతి

పశ్చిమ బెంగాల్ మాజీ ముఖ్యమంత్రి, చివరి కమ్యూనిస్టు ముఖ్యమంత్రి బుద్ధదేవ్ భట్టాచార్జీ గురువారం ఉదయం దక్షిణ కలకత్తాలోని తన పామ్ అవెన్యూ నివాసంలో కన్నుమూశారు. భట్టాచార్జీ ఉదయం 8.20 గంటల ప్రాంతంలో తుది శ్వాస విడిచారని కుటుంబ సభ్యులు చెప్పారు. అతనికి 80 ఏళ్లు.

జ్యోతిబసు తర్వాత ముఖ్యమంత్రిగా వచ్చిన బుద్ధదేవ్ 2011 లో తృణమూల్ అధికారంలోకి వచ్చిన మేవరకు అధికారంలో ఉన్నారు. అబ్స్ట్రక్టివ్ పల్మనరీ వ్యాధులతో చాలా కాలంగా అనారోగ్యంతో ఉన్న భట్టాచార్జీ ఆరోగ్యం క్షీణించడంతో ఐదు సంవత్సరాలకు పైగా రాజకీయాలనుంచి దూరంగా ఉంటున్నారు.

జ్యతి బసు భట్టాచార్జీ కలసి 34 సంవత్సరాల నిరంతరాయంగా బెంగాల్ సిపిఎం ప్రభుత్వాన్ని నడిపారు. భట్టాచార్జీ హయాంలో రాష్ట్రాన్ని పారిశ్రామికీకరణ చేసేందుకు బాగా ప్రయత్నించారు. హుగ్లీ సింగూర్‌లో ఆటోమొబైల్ ఫ్యాక్టరీని నిర్మించడానికి టాటా మోటార్స్‌ను భట్టాచార్జీ ఒప్పించారు. సింగూర్, నందిగ్రామ్‌లో పరిశ్రమల ఏర్పాటు వివాదాస్పదమయింది. అక్కడభూసేకరణ కు వ్యతిరేకంగా తృణమూల్ కాంగ్రెస్ నాయకురాలు మమతా బెనర్జీ నేతృత్వంలోని ఉద్యమాలుమొదలయ్యాయి. ఆమె నాయకత్వంలోని రాజకీయ కూటమి వామపక్ష పాలనకు ముగింపు పలికింది.

పూజారుల కుటుంబంలో జన్మించిన భట్టాచార్జీ ప్రెసిడెన్సీ కళాశాల నుండి బెంగాలీ సాహిత్యాన్ని అభ్యసించారు. 1966లో సిపిఎంలో చేరారు.1968-1981 వరకు పార్టీ యువజన విభాగానికి నాయకత్వం వహించారు.

ఆయన మరణ వార్త తెలియగానే బెంగాల్ సీఎం మమతా బెనర్జీ దక్షిణ కలకత్తాలోని బుద్ధదేవ్ భట్టాచార్జీ నివాసాన్ని సందర్శించి నివాళులర్పించారు.

1977లో, అప్పటి సిపిఎం రాష్ట్ర కమిటీ సభ్యునిగా ఉన్న భట్టాచార్జీ, కాసిపోర్ బెల్గాచియా నుండి శాసనసభ్యుడిగా అరంగేట్రం చేసి, సమాచార, ప్రజా సంబంధాల మంత్రి అయ్యారు. 1982లో జరిగిన అసెంబ్లీ ఎన్నికల్లో భట్టాచార్జీ ఓడిపోయి, 2011 వరకు ఎమ్మెల్యేగా ఉన్న జాదవ్‌పూర్‌కు మారారు.

Shocked and saddened by the sudden demise of the former Chief Minister Sri Buddhadeb Bhattacharjee. I have been knowing him for last several decades, and visited him a few times when he was ill and effectively confined to home in the last few years.

My very sincere condolences…

— Mamata Banerjee (@MamataOfficial) August 8, 2024

బెంగాలీ సాంప్రదాయ ధూతీ-పంజాబీని ఎప్పటికీ ధరించేవారు. ఆయన కవిగానే కాకుండా, అతను నాటక రచయిత పేరున్నవారు.

"అతను చాలా కాలంగా అనారోగ్యంతో ఉన్నాడు, కానీ అతను పోరాటం మృత్యువుతో కొనసాగించాడు. వైద్యులు కూడా తన శాయశక్తులా ప్రయత్నించారు” అని సీపీఎం బెంగాల్ కార్యదర్శి మహ్మద్ సలీం అన్నారు. ఢిల్లీ తదితర ప్రాంతాల నుంచి పలువురు నేతలు వస్తున్నందున ఆయన భౌతికకాయాన్ని రేపు రాష్ట్ర కార్యాలయంలో ఉంచనున్నారు.

భట్టాచార్జీ తన రాజకీయ గురువు జ్యోతి బసుతో సహా అనేక మంది మార్క్సిస్ట్ నాయకుల వలె వైద్య పరిశోధన కోసం తన శరీరాన్ని దానం చేశారు.

ఆయన చివరి యాత్ర సాయంత్రం 4 గంటలకు అలీముద్దీన్ వీధిలో ప్రారంభమవుతుంది.

Saddened to learn about the passing of veteran CPIM leader and former West Bengal Chief Minister, Shri Buddhadeb Bhattacharjee. Admired for his simplicity and devotion to public service, which spanned over five decades, he played a pivotal role in shaping his state's modern… pic.twitter.com/jHUcnW9E62

— N Chandrababu Naidu (@ncbn) August 8, 2024

2024 లోక్‌సభ ఎన్నికల సమయంలో, బెంగాల్ ఓటర్లను ఉద్దేశించి భట్టాచార్జీ చేసిన ప్రసంగాన్ని AI రూపొందించిన సిపిఎం విడుదల చేసింది, అక్కడ బిజెపి, తృణమూల్ రెండింటినీ తిరస్కరించాలని ఓటర్లను కోరారు.

2022లో నరేంద్ర మోదీ ప్రభుత్వం భట్టాచార్జీకి పద్మభూషణ్‌ను ప్రకటించింది. అయితే, ఆయన తిరస్కరించారు.