![సుప్రీంకోర్టు భీష్మ పితామహుడు ఎఫ్ ఎస్ నారిమన్ మృతి సుప్రీంకోర్టు భీష్మ పితామహుడు ఎఫ్ ఎస్ నారిమన్ మృతి](https://telangana.thefederal.com/h-upload/2024/02/21/431271-nariman.webp)
సుప్రీంకోర్టు భీష్మ పితామహుడు ఎఫ్ ఎస్ నారిమన్ మృతి
ఆయన వాదించిన అనేక కేసుల్లో చారిత్రాత్మక తీర్పులెన్నో వెలువడ్దాయి. ఇందిరాగాంధీ విధించిన ఎమర్జన్సీని వ్యతిరేకించారు. 370 తీర్పు మీద కూడా ఆయనకు అసంతృప్తి ఉంది. వివరాలు
ప్రముఖ న్యాయనిపుణుడు, సీనియర్ న్యాయవాది ఫాలి ఎస్ నారిమన్ బుధవారం ఉదయం కన్నుమూశారు. ఆయన వయస్సు 95 సంవత్సరాలు.
1929లో రంగూన్లో పార్సీ తల్లిదండ్రులు సామ్ బరియామ్జీ నారిమన్, బానూ నారిమన్లకు జన్మించారు. సిమ్లాలోని బిషప్ కాటన్ స్కూల్ నుండి పాఠశాల విద్యను అభ్యసించారు . ఆ తర్వాత ముంబైలోని సెయింట్ జేవియర్స్ కాలేజ్ నుండి ఎకనామిక్స్ అండ్ హిస్టరీలో బిఎ చదివాడు , తర్వాత 1950 లో ముంబైలోని గవర్నమెంట్ లా కాలేజీ నుండి లా డిగ్రీ (LL.B.) చదివాడు. అతని తండ్రి మొదట్లో అతను ఇండియన్ సివిల్ సర్వీస్ పరీక్ష రాయించాలని కోరుకున్నాడు. ఆ సమయంలో ఆర్థిక స్థోమత లేకపోవడంతో న్యాయశాస్త్రం వైపు మళ్లారు. తర్వాత ఆయన సుప్రీంకోర్టుల న్యాయవాదిగా చేరారు.
ఆయన వాదించిన ఎన్నో కేసులలో చారిత్రాత్మక తీర్పులు వచ్చాయి. ఆయన నిఖార్సయిన ప్రజాస్వామిక వాది.సెక్యులర్ విలువలకు కట్టుబడిన న్యాయవాది ఆయన.
నారిమన్కు న్యాయవాదిగా ఏడు దశాబ్దాలు పైగా అనుభవం ఉంది. నారిమన్ 1950లో మొదట బాంబే హైకోర్టు నుంచి న్యాయవాద వృత్తిని ప్రారంభించారు. 1961లో సీనియర్ అడ్వకేట్గా ఎంపికయ్యారు. 70 ఏళ్ల పాటు న్యాయవాద వృత్తిని చేపట్టారు. 1972లో సుప్రీంకోర్టు(Supreme Court)లో న్యాయవాద వృత్తిని ప్రారంభించారు. దీని తర్వాత ఆయన భారత అదనపు సొలిసిటర్ జనరల్గా నియమితులయ్యారు.
జూన్ 1975లో, ఎమర్జన్సీ విధించడానికి నిరసన తెలిపేందుకు భారతదేశ అదనపు సొలిసిటర్ జనరల్ పదవికి రాజీనామా చేశాడు. 1975లో ఎమర్జెన్సీని ప్రకటించాలన్న నాటి ప్రధాని ఇందిరా గాంధీ ప్రభుత్వ నిర్ణయాన్ని ఆయన తీవ్రంగా వ్యతిరేకించారు. అయితే,1985లో లో భోపాల్ గ్యాస్ లీక్ కేసులో ఆయన యూనియన్ కార్బైడ్ తరఫున వాదించారు. ఈ కేసు తనజీవితంలో ఒక ముఖ్యమయిన కేసు అవుతుందని కూడ ఆయన చెబుతూ వచ్చారు.
ఆర్టికల్ 370 కేసులో తీర్పుపై నారిమన్ విమర్శలు గుప్పించారు. ఆయన కుమారుడు రోహింటన్ నారిమన్ సీనియర్ న్యాయవాది మరియు సుప్రీంకోర్టు న్యాయమూర్తి.
అతని ఆత్మకథ "బిఫోర్ మెమరీ ఫేడ్స్" విస్తృతంగా చదివే పుస్తకం, ముఖ్యంగా న్యాయ విద్యార్థులు మరియు యువ న్యాయవాదులలో, వారికి ప్రేరణ మూలంగా పనిచేస్తుంది. "ది స్టేట్ ఆఫ్ నేషన్", "గాడ్ సేవ్ ది హానబుల్ సుప్రీం కోర్ట్" అతని ఇతర పుస్తకాలు. “నేను లౌకిక భారతదేశంలో జీవించాను,ఉన్నత స్థాయికి చెందాను. దేవుడు సంకల్పించినట్లయితే, నేను కూడా లౌకిక భారతదేశంలో చనిపోవాలనుకుంటున్నాను, ”అని అతను తన ఆత్మకథలో రాసుకున్నారు.
ఆయన పద్మభూషణ్ ( 1991), పద్మ విభూషణ్ (2007) గ్రుబెర్ ప్రైజ్ (2002) అందుకున్నారు. రాజ్యసభకు నామినేట్ అయ్యారు.
This was Mr Fali Nariman’s affectionate message to me just 5 days ago. Was wanting & planning to meet him very soon. I will have a lifelong regret now. He was a pillar for our Constitution&Civil Liberties. His unexpected passing is a huge loss to the legal community & the country pic.twitter.com/xAa08Z2Ni2
— Prashant Bhushan (@pbhushan1) February 21, 2024