కర్ణాటక నుంచి రాజ్యసభకు ఆర్బీఐ మాజీ చీఫ్‌ రఘురామ్‌ రాజన్‌?
రిజర్వ్ బ్యాంక్‌ ఆఫ్‌ ఇం‌డియా నుంచి వైదొలిగినప్పటి నుంచి ప్రధాని మోదీ ఆర్థిక విధానాలపై విమర్శలు గుప్పించిన రఘురామ్‌ రాజన్‌ను కర్ణాటకలో కాంగ్రెస్‌ ప్రభుత్వం రాజ్యసభకు పంపనుందా?
కర్ణాటకలో రాజ్యసభ ఎన్నికల్లో నాలుగింటిలో మూడింటిని దక్కించుకోవాలని కాంగ్రెస్‌ పార్టీ భావిస్తోంది. అందులో ఒక స్థానానికి ఆర్బీఐ మాజీ చీఫ్‌ రఘురామ్‌ రాజన్‌ పేరును ప్రతిపాదించే ఆలోచనలో ఉన్నారు ఆ పార్టీ నాయకులు. మరోవైపు మిగిలిన సీటును దక్కించుకోవడానికి బీజేపీ, జేడీ(ఎస్‌)లు పోటీ పడుతున్నాయి.
కాని భారతీయ జనతా పార్టీ, జనతాదళ్‌-సెక్యులర్‌ కాంగ్రెస్‌కు ఐదవ అభ్యర్థికి మద్దతివ్వాలని పన్నాగం పన్నుతున్నాయి.
అవుట్‌గోయింగ్‌ ఎంపీలు వీరే..
15 రాష్ట్రాల శాసనసభల నుంచి 56 రాజ్యసభ స్థానాలకు ఫిబ్రవరి 27న ఎన్నికలు జరగనున్నాయి. పదవీ కాలం ఏప్రిల్‌ 2తో ముగియనున్న నలుగురు రాజ్యసభ సభ్యుల్లో బీజేపీకి చెందిన రాజీవ్‌ చంద్రశేఖర్‌ (కేంద్ర మంత్రి), గ్రెస్‌కు చెందిన జీసీ చంద్రశేఖర్‌, ఎల్‌ హనుమంతయ్య, నాసిర్‌ హుస్సేన్‌ ఉన్నారు.
కాంగ్రెస్‌కు మూడు స్థానాలు దక్కే అవకాశం ఉండటంతో ఆ పార్టీ అధ్యక్షుడు ఎం. మల్లికార్జున్‌ ఖర్గే మూడో స్థానానికి అభ్యర్థిని ప్రతిపాదించాలని సూచించారు. మిగిలిన ఇద్దరిని రాష్ట్ర కాంగ్రెస్‌ ఎం‌పిక చేస్తుంది.
రాజన్‌ లేదా సింఘ్వీ?
కాంగ్రెస్‌ వర్గాల సమాచారం ప్రకారం.. రఘురామ్‌ రాజన్‌ పోటీ చేసే అవకాశం ఉంది. ఒకవేళ అతను ‘నో’ చెబితే, అతని స్థానంలో ప్రముఖ సుప్రీంకోర్టు న్యాయవాది అభిషేక్‌ మను సింఘ్విని తీసుకోవచ్చు. రఘురామ్‌ రాజన్‌ తాను రాజ్యసభకు వెళ్లే అంశంపై ఇంకా నిర్ణయం తీసుకోలేదు. అయితే కాంగ్రెస్‌ ఇప్పటికీ ఆయనను ఒప్పించే ప్రయత్నంలో ఉంది.
ఆర్బీఐ నుంచి వైదొలిగినప్పటి నుంచి ప్రధాని మోదీ ఆర్థిక విధానాలపై విమర్శలు గుప్పించిన రఘురామ్‌ రాజన్‌ ప్రజాభిమానం పొందారు.
రఘురామ్‌ రాజన్‌ వంటి కన్నడిగేతర అభ్యర్థిని కాంగ్రెస్‌ ఎన్నుకుంటే, ఆ పార్టీ రాష్ట్రం నుంచి ఎన్నుకోవడం ఇదే మొదటిసారి.బీజేపీ నుంచి రాజీవ్‌ చంద్రశేఖర్‌కు మరో అవకాశం లభించే అవకాశం ఉండగా, బిజెపి-జెడి (ఎస్‌) కూటమిలో కొత్త అభ్యర్థిని బరిలోకి దింపడంపై ఊహాగానాలు వినిపిస్తున్నాయి.
ఊహించిన పోరాటం..
135 మంది సభ్యులున్న కాంగ్రెస్‌, ముగ్గురు స్వతంత్రుల మద్దతుతో కర్ణాటకలోని మూడు స్థానాల్లో తన పట్టును కొనసాగించాలని భావిస్తోంది. ఏకంగా 66, 19 మంది సభ్యులతో బీజేపీ, జేడీ(ఎస్‌) నాలుగో సీటును దక్కించుకుంటాయని అంచనా.
శాసనసభ సెక్రటేరియట్‌ నిబంధనల ప్రకారం.. రాజ్యసభకు వెళ్లే ఒక్కో అభ్యర్థి 45 ఓట్లు సాధించాలి. తద్వారా ముగ్గురు విజేతలను కాంగ్రెస్‌ సులువుగా రాజ్యసభకు పంపవచ్చు.
ఐదో అభ్యర్థి..
బీజేపీకి 66 సీట్లు ఉన్నందున, కర్ణాటక అసెంబ్లీ నుంచి ఒక అభ్యర్థిని రాజ్యసభకు పంపవచ్చు. 21 ఓట్లు మిగులు కాగా, జేడీ(ఎస్‌)కి 19 ఓట్లు ఉండగా, వారికి అదనంగా 40 ఓట్లు వచ్చాయి.
ముగ్గురు అభ్యర్థులను గెలిపించాలనే కాంగ్రెస్‌ ఆశలను దెబ్బతీసేందుకు బీజేపీ, జేడీ(ఎస్‌) ఐదో అభ్యర్థిని రంగంలోకి దించాలని యోచిస్తున్నాయి. జేడీ(ఎస్‌) రాజ్యసభ ఎంపీ, వ్యాపారవేత్త కుపేంద్రరెడ్డిని రంగంలోకి దింపాలని యోచిస్తున్నారు. అయితే ఈయనకు మరో ఐదు ఓట్లు కావాలి.
క్రాస్‌ ఓటింగ్‌ భయం..
మాజీ ముఖ్యమంత్రి జగదీష్‌ శెట్టర్‌ తరహాలో మళ్లీ పార్టీలో చేరాలని బీజేపీ కోరిన కాంగ్రెస్‌ ఎమ్మెల్యే లక్ష్మణ్‌ సవాడి ఓటును దక్కించుకోవడానికి ఆ పార్టీ ప్రయత్నిస్తున్నట్లు విశ్వసనీయ వర్గాల సమాచారం.
సవాడితో రాష్ట్ర కాంగ్రెస్‌ చీఫ్‌ డీకే శివకుమార్‌, ముఖ్యమంత్రి సిద్ధరామయ్య టచ్‌లో ఉన్నప్పటికీ చివరి నిమిషంలో డ్రామాను కొట్టిపారేయలేం.
అయితే ఎలాంటి అవాంతరాలు లేకుండా మూడు సీట్లు దక్కించుకునేందుకు తమకు అనుకూలంగా క్రాస్‌ ఓటింగ్‌ కోసం కాంగ్రెస్‌ నేతలు జేడీ(ఎస్‌) అసంతమీప్తి ఎమ్మెల్యేలతో టచ్‌లో ఉన్నారు.
2016 ఎన్నికలు..
2016 రాజ్యసభ ఎన్నికల్లో కూడా ఏడుగురు జెడి(ఎస్‌) శాసన సభ్యులు కాంగ్రెస్‌ అభ్యర్థి కెసి రామమూర్తికి ఓటు వేశారు. ఈసారి, తమ నాయకుడు హె•డీ కుమారస్వామి బీజేపీకి మద్దతు ఇవ్వాలనే నిర్ణయంపై జెడి(ఎస్‌)కి చెందిన పలువురు ఎమ్మెల్యేలు అసంతమీప్తితో ఉన్నారని భావిస్తున్నారు. కాబట్టి, బీజేపీ, జేడీ(ఎస్‌)లు క్రాస్‌ ఓటింగ్‌కు ప్రయత్నిస్తే.. జేడీ(ఎస్‌)కు మరింత ఇబ్బందికరంగా మారుతుందని పేరు చెప్పడానికి ఇష్టపడని జేడీ(ఎస్‌) ఎమ్మెల్యే ఒకరు తెలిపారు.
