నాలుగో దశ పోలింగ్: ఉదయం తొమ్మిది గంటల వరకూ దేశ వ్యాప్తంగా..

దేశంలో నాలుగోదశ పోలింగ్ కొనసాగుతోంది. పది రాష్ట్రాల్లో 96 స్థానాలకు ఈ దశలో పోలింగ్ నిర్వహిస్తున్నారు. ఎన్నికల సంఘం ఉదయం 9 గంటల వరకు ప్రకటించిన సమాచారం ప్రకారం 10. 35 శాతం పోలింగ్ నమోదైంది. పోలింగ్ కేంద్రాల వద్ద ఓటర్ల భారీ క్యూలైన్లు దేశ వ్యాప్తంగా దర్శనమిస్తోంది.

ఎన్నికల సంఘం సమాచారం ప్రకారం జార్ఖండ్ లో అత్యధికంగా 17 శాతం పోలింగ్ నమోదైంది. ఇప్పటి వరకూ జరిగిన మూడు దశ పోలింగ్ లలో 283 స్థానాలకు ఓటింగ్ పూర్తయింది. నాలుగో దశ ఎన్నికల కోసం 19 లక్షల అధికారులను ఈసీ నియమించింది. 1.92 లక్షల పోలింగ్ బూతులు ఏర్పాటు చేసింది.

ఈదశలో 17.70 కోట్ల మంది ఓటర్లు తమ ఓటు హక్కును వినియోగించుకోనున్నారు. ఇందులో 8.73 కోట్ల మంది మహిళలు ఉన్నారు. ఈ దశలో 1717 మంది అభ్యర్థులు తమ అదృష్టాన్ని పరీక్షించుకోనున్నారు.