అమరావతిలో ఆంధ్రా స్టేట్ సెంట్రల్ లైబ్రరీ రాబోతున్నది...

ఉండవల్లి: పదేళ్లు దాటినా ఆంధ్రప్రదేశ్ కు స్టేట్ సెంట్రల్ లైబ్రరీ లేదు. ఈ విషయం గురించి గత పదేళ్ల పెద్దగా చర్చ జరగులేదు. ఈ మధ్య రాష్ట్రానికి ఒక సెంట్రల్ లైబ్రరీ ఉండాలన్న విషయాన్ని ప్రభుత్వం గురించింది. అత్యాధునిక వసతులతో అంతర్జాతీయ స్థాయిలో సెంట్రల్ లైబ్రరీని ఏర్పాటు చేసేందుకు ప్రయత్నాలు మొదలయ్యాయి.

ఉండవల్లి నివాసంలో పాఠశాల విద్యాశాఖ ఉన్నతాధికారులతో మంత్రి సమీక్ష నిర్వహించారు. అమరావతిలో త్వరలో నిర్మించబోయే స్టేట్ సెంట్రల్ లైబ్రరీ భవన నమూనాను మంత్రి పరిశీలించారు. సెంట్రల్ లైబ్రరీకి సంబంధించి నిపుణులు రూపొందించిన వీడియోను వీక్షించారు. పలు సూచనలు చేశారు. ఈ సందర్భంగా మంత్రి మాట్లాడుతూ.. ప్రపంచస్థాయి ప్రమాణాలతో, ఆధునిక సాంకేతిక వసతులతో జ్ఞాన కేంద్రంగా సెంట్రల్ లైబ్రరీని తీర్చిదిద్దేందుకు అవసరమైన అన్ని చర్యలు తీసుకోవాలని ఆదేశించారు. ఆంధ్రుల ఘన చరిత్ర, వారసత్వానికి చిహ్నంగా నిలవాలి. ప్రజల ఆశయాలు, ఆకాంక్షలను ప్రతిబింబించేలా సెంట్రల్ లైబ్రరీ ఉండాలి. ఆర్కైవ్స్, ఆడిటోరియం వసతులతో పాటు 15 లక్షలకు పైగా పుస్తకాలు అందుబాటులో ఉండేలా చూడాలి. జ్ఞానకేంద్రంగానే కాకుండా విద్యార్థుల సమగ్ర వికాసానికి దోహదపడాలి. అన్నివర్గాల ప్రజలు సెంట్రల్ లైబ్రరీతో అనుసంధానం కావాలి. ఇందుకు సంబంధించి మొత్తం ఎకోసిస్టమ్ అభివృద్ధికి చర్యలు తీసుకోవాలని మంత్రి ఆదేశించారు.

పదో తరగతి పరీక్షలు, అభ్యసన సామర్థ్యాల పెంపుపై చర్చ