ఒక గంట చీకటి: లైట్లు ఆఫ్ చేయమన్న జీహెచ్ఎంసీ

పర్యావరణ పరిరక్షణ కోసం ఈరోజు నగరం గంటసేపు చీకటిలోకి వెళ్లనుంది. ఎర్త్ అవర్ 2026లో భాగంగా రాత్రి 8:30 నుంచి 9:30 వరకు లైట్లు ఆఫ్ చేయాలని జీహెచ్ఎంసీ పిలుపునిచ్చింది. గ్రేటర్ హైదరాబాద్‌లో ఈ కార్యక్రమం నిర్వహించబడుతోంది. అవసరం లేని విద్యుత్ దీపాలను స్వచ్ఛందంగా ఆఫ్ చేయాలని ప్రజలకు సూచించారు. #GiveAnHourForEarth నినాదంతో ఈ కార్యక్రమం సాగుతోంది. చిన్న చర్యలతో పెద్ద మార్పు సాధ్యమని అధికారులు తెలిపారు.

నగరంలో పచ్చదనం పెంపు, పర్యావరణ హిత చర్యలు కొనసాగుతున్నాయని వెల్లడించారు. హైదరాబాద్‌ను వాతావరణ మార్పులకు తట్టుకునే నగరంగా తీర్చిదిద్దే ప్రయత్నాలు కొనసాగుతున్నాయని పేర్కొన్నారు. జీహెచ్ఎంసీ కమిషనర్ ఆర్.వి. కర్ణన్ ప్రతి చిన్న చర్యకూ విలువ ఉందని, ఒక గంట సమయం కేటాయించడం మార్పుకు దారితీస్తుందని తెలిపారు అని అధికారులు వెల్లడించారు. ప్రజలు, సంస్థలు, విద్యాసంస్థలు ఈ గ్లోబల్ కార్యక్రమంలో భాగస్వామ్యం కావాలని జీహెచ్ఎంసీ కోరింది.