పదహారేళ్లుగా పరారీలో ఉగ్రవాదులను పట్టుకున్న పోలీసులు

జమ్మూ కాశ్మీర్ పోలీసులు, కేంద్ర ఏజెన్సీలు పాలుపంచుకున్న ఈ ఆపరేషన్‌లో అబ్దుల్లాతో పాటు, ఉస్మాన్ అలియాస్ ఖుబైబ్ అనే మరో పాకిస్తానీ ఉగ్రవాదిని కూడా అరెస్టు చేసినట్లు వారు తెలిపారు. జమ్మూ కాశ్మీర్, రాజస్థాన్, హర్యానాలతో సహా 19 ప్రదేశాలలో దర్యాప్తు అధికారులు సోదాలు నిర్వహించి, నేరారోపణకు సంబంధించిన సామగ్రిని స్వాధీనం చేసుకున్నారు.

ఉగ్రవాదులకు లాజిస్టిక్స్, ఆర్థిక సాయం అందించడంలో పాలుపంచుకుంటున్న LeT ఓవర్ గ్రౌండ్ నెట్ వర్క్ ను కూడా పోలీసులు పట్టుకున్నారు. పట్టుబడిన ఐదుగురిలో ముగ్గురు శ్రీనగర్ నివాసితులు ఉన్నారని అధికారులు వివరాలు తెలిపారు. ఉగ్రవాదులకు ఆశ్రయం, ఆహారంతో సహా లాజిస్టికల్ మద్దతు అందించిన ఆరోపణలపై మహమ్మద్ నఖీబ్ భట్, ఆదిల్ రషీద్ భట్, గులాం మహమ్మద్ మీర్ అలియాస్ మామాలను అరెస్టు చేసినట్లు పోలీసులు తెలిపారు.

ఇతర రాష్ట్రాల్లోని లష్కర్-ఎ-తైబా (LeT) నెట్‌వర్క్ సహాయంతో ఒక విదేశీ ఉగ్రవాది నకిలీ పత్రాలు, గుర్తింపు కార్డులతో దేశం విడిచి వెళ్లగలిగాడని దర్యాప్తులో తేలిందని అధికారులు తెలిపారు. ఈ ఉగ్రవాదులు సుమారు 16 సంవత్సరాల క్రితం భారతదేశంలోకి చొరబడ్డారు. ఆ సమయంలో వారు కాశ్మీర్ లోయలోని వివిధ జిల్లాల్లో చురుకుగా ఉన్నారు. సంవత్సరాలుగా, వారు సుమారు 40 మంది విదేశీ ఉగ్రవాదులకు ఆశ్రయం కల్పించినట్లు తేలింది. ఇందులో చాలామందిని భద్రతా దళాలు హతమార్చాయి.