ప్రధాని మోదీని పార్లమెంట్ లో కలిసిన శరద్ పవార్..

ప్రధాని నరేంద్ర మోదీని ఎన్ సీపీ నాయకుడు మాజీ కేంద్ర మంత్రి శరద్ పవార్ బుధవారం పార్లమెంట్ లోని ఆయన కార్యాలయంలో కలుసుకున్నారు. మహారాష్ట్రలో జరిగిన అసెంబ్లీ ఎన్నికల్లో మహా వికాస్ అఘాడీ (ఎంవిఎ) బీజేపీ నేతృత్వంలోని మహాయుతి చేతిలో ఓడిపోయిన కొన్ని వారాల తర్వాత ఈ పరిణామం చోటు చేసుకుంది.

పశ్చిమ మహారాష్ట్రలోని ఫాల్తాన్‌కు చెందిన ఇద్దరు రైతులతో కలిసి ఆయన ప్రధానిని కలుసుకుని మాట్లాడారు. వారి పొలంలో పండిన దానిమ్మపండ్ల పెట్టెను మోదీకి బహూకరించారు. ఫిబ్రవరిలో దేశ రాజధానిలోని తల్కతోరా స్టేడియంలో జరగనున్న 98వ మరాఠీ సాహిత్య సమ్మేళనాన్ని ప్రారంభించడానికి తనను ఆహ్వానిస్తూ పవార్ ఇటీవల ప్రధానికి లేఖ రాశారు.