ముంబైకి షాక్: ఐపీఎల్ లో ‘సూర్య’ ప్రారంభ మెరుపులకి బ్రేక్

ప్రపంచంలోనే అతిపెద్ద క్రికెట్ లీగ్, రెండో అతిపెద్ద కార్పొరేట్ ఆటగా పేరుపొందిన ఐపీఎల్ కు మరో రెండు రోజుల్లో మొదలవబోతోంది. ఇప్పటికే అన్ని జట్లు కూడా తమ తమ ఆటగాళ్లతో ముమ్మర సాధన చేస్తున్నాయి. అయితే రోజు రోజు గాయాలతో దూరమవుతున్న ఆటగాళ్ల సంఖ్య కూడా పెరుగుతోంది.

తాజాగా ఈ లిస్ట్ లో మిస్టర్ 360, భారత స్టార్, ముంబై ఇండియన్స్ ఆటగాడు సూర్యకుమార్ యాదవ్ చేరాడు. తాజాగా అందుతున్న సమాచారం ప్రకారం ప్రారంభ మ్యాచ్ లకు సూర్య దూరమవుతున్నాడని సమాచారం. నేషనల్ క్రికెట్ అకాడమీ (NCA) నుంచి ఫిట్ నెస్ క్లియరెన్స్ రానందును మార్చి 24 గుజరాత్ టైటాన్స్ తో జరిగే మ్యాచ్ కు సూర్య అందుబాటులో ఉండట్లేదని తెలుస్తోంది.