వేసవి కోసం నీళ్లని దాచుకునే చెట్టు, పాపికొండల్లో వింత
ఈ చెట్టు వేసవి కష్టాలను ఎలా ఎదుర్కోవాలో నేర్చుకుంది. వేసవి కోసం కాండంలో నీటిని నిల్వచేసుకుంటుందని కొండరెడ్ల తెగ నమ్మకం. దాన్ని అటవీ శాఖ అధికారులు రుజువు చేశారు.
గోదావరి ప్రాంతంలోని పాపికొండల కొండ శ్రేణిలో నివసించే ఈ చెట్టు కాండంలోనీరు నిల్వ ఉంటుంది. ముఖ్యంగా వేసవిలో ఈ చెట్టు విపరీతంగా నీటిని నిల్వ చేసుకుంటుంది. ఈ విషయం ఈ పాపికొండలు ప్రాంతంలో నివసించే కొండరెడ్డి అనే గిరిజన తెగల వారికి మాత్రమే తెలుసు.
ఈ చెట్టును ఇండియన్ లారెల్ చెట్టు అని పిలుస్తారు. ఇంగ్లీష్ సిల్వర్ ఓక్ అంటారు. దీని శాస్త్రీయ నామం టెర్మినలియా టొమెంటోసా (Terminalia Tomentosa ). ఈ చెట్టు బెరడును శనివారం ఆంధ్రప్రదేశ్ అటవీ శాఖ అధికారులు కత్తిరించి కొండరెడ్డి విశ్వాసం ఎంతవరకు నిజమో కొనుక్కోవాలనుకున్నారు. రంపచోడవరం డివిజినల్ ఫారెస్ట్ ఆఫీసర్ జిజి నరెంథరన్ నేతృత్వంలోని బృందం ఈ ప్రయోగాన్ని నిర్వహించింది.
“ తాము ఈ చెట్టు బెరడును జివిరినపుడు చెట్టు కాండం నీటిని ధారగా చిమ్మింది. కొండరెడ్డి తెగ వారి లోకల్ నాలెడ్జి నిజమే, ”అని నరేంథరన్ చెప్పారు.ఈ విషయాన్ని ఆయన ట్వీట్ చేశాడు.
During parched summers the Indian Laurel tree Terminalia tomentosa stores water. The water has strong smell and tastes sour.
— IFS Narentheran (@NarentheranGG) March 30, 2024
Amazing Adaptation in Indian Forests.
Knowledge courtesy : Konda Reddy Tribes of AP. pic.twitter.com/szLY75UTjK
“మండు వేసవిలో, భారతీయ లారెల్ చెట్టు ఇలా నీటి నిలువ చేసుకుంటుంది. ఈ నీటికి ఘాటైన వాసనతో పులిసిన రుచి ఉంది. ఇది ఈ మొక్క వాతావరణానుకూల జీవనవిధానాన్ని వ్యక్తం చేస్తుంది. గొప్ప జీవనవ్యూహం ,” అని శ్రీ నరెంథరన్ అన్నారు.
ఈ జాతి మొక్కల పరిరక్షణ కోసం ఈ అడవిలో అవి పెరుగుతున్న స్థలాన్నిఅధికారులు వెల్లడించలేదు.
