తిరుమల నెయ్యిలో జంతువుల కొవ్వు ఆనవాళ్లు లేవన్న సిట్

తిరుమల లడ్డుల తయారీ లో ఉపయోగించిన నెయ్యిలో జంతువులకొవ్వు కనిపించలేదని, అయితే ఆ నెయ్యిలో పామోలిన్, పామ్ కెర్నెల్ అయిల్ అవశేషాలు కనిపించాయని సుప్రీంకోర్టు ఏర్పాటు చేసిన స్పెషల్ ఇన్వెస్టిగేషన్ టీమ్ ( SIT) పేర్కొంది.

గత ప్రభుత్వ హయాంలో వాడిన తిరుమల నెయ్యిలో జంతువుల కొవ్వుపదార్థాలున్నాయని 2024లో ముఖ్యమంత్రి చంద్రబాబు నాయుడు చేసిన ప్రకటన ప్రకంపనలు సృష్టించింది. ఈ వివాదం అనంతరం సుప్రీంకోర్టు ఒక సిట్ ను ఏర్పాటు చేసింది. సిట్ నెయ్యి శాంపిల్స్ ని పరిశీలించాక, నెయ్యి సరఫరా చేసిన కంపెనీలను విచారించాక, పలువురిని అరెస్టు చేసి విచారించిన తర్వాత ఒక చార్జ్ షీట్ ను కోర్టుకు సమర్పించింది.

ఈ చార్జ్ షీట్ ప్రకారం టిటిడితో నెయ్యి సరఫరా కోసం కాంట్రాక్టు కుదుర్చుకున్న కంపెనీలు సరఫరా చేసిన నెయ్యి కల్తీదేని, అయితే ఈ కల్తీలో విజిటబుల్ ఫ్యాట్ వాడారని సిట్ పేర్కొంది. తమ పరీక్షల్లో జంతుకొవ్వు ఆనవాళ్లు కనిపించలేదని కూడా సిట్ పేర్కొంది.

గతంలో టీటీడీ 2024 జూలైలో స్వాధీనం చేసుకున్న రెండు ట్యాంకర్ల నుంచి తీసిన శాంపిల్స్‌ను సిట్ ఎన్‌డీడీబీ- కాల్ఫ్‌కు సెంటర్ కు పరీక్షలకోసం పంపారు. ఇందులో జంతువుల కొవ్వు కలిసిందని ఆ సంస్థ ధ్రువీకరించింది. ఈ విషయాన్ని కూడా ‘సిట్‌’ తన చార్జిషీటులో పొందుపరిచింది.అయితే సిట్ తన దర్యాప్తుకు కోసం శాంపిల్స్ ని హరియానా లోని ‘ఐసీఏఆర్‌ - నేషనల్‌ డెయిరీ రీసెర్చ్‌ ఇన్‌స్టిట్యూట్‌’కు కూడా పంపించింది. ఈపరీక్షల్లో నెయ్యి శాంపిల్స్ లో పంది కొవ్వు (ల్యార్డ్‌), ఫిష్ అయిల్, జంతువుల కొవ్వు అవశేషాలు లేవని ఆ సంస్థ తెలిపిందని చార్జ్ షీట్ పేర్కొంది. జంతువుల కొవ్వులో కనిపించే కొలెస్టరాల్ తమ సేకరించిన శాంపిల్స్ కనిపింలేదని, శాంపిల్స్ ఉన్న బుటైరిక్ యాసిడ్ కొవ్వు నిర్ధారణకు అర్హమయిన మోతాదా చాలా తక్కువగా ఉందని సిట్ చెప్పొంది. అయితే, టిటిడికి పంపిన శాంపిల్స్ లో ‘నెయ్యి’ అని బ ాగా తక్కువగా ఉందని, కొలెస్టరాల్ కనిపించలేదు కాబట్టి ఈ నెయ్యిలో జంతుకొవ్వు కలిపిన అవకాశాలు చాలా తక్కువ అని సిట్ వాఖ్యానించింది. అందువల్ల ఈ నెయ్యిలో పామాయిల్, పామ్ స్టియరిన్, పామ్ కెర్నెల్ అయిల్ కలిపినట్లు నిర్ధారణకు వచ్చినట్లు సిట్ చార్జ్ షీట్ లో పేర్కొంది.

చివరకు SIT తేల్చిన విషయం ఇది:

Since, the level of Butyric acid is below the limit of quantification and Cholesterol is not detected in the samples of Ghee from TTD, it is concluded that quantity of Ghee in these samples is very less. The absence of Cholesterol in the samples also suggests that the chances for presence of Tallow, Lard and Fish oil are very low. Appearance of two unusual peaks in GC chromatograms of triglycerides from Ghee samples of TTD indicates mixing of some compounds to adjust the RM for complying FSSAI specification. Further, based on the Fatty acid profile and presence of beta sitosterol in Ghee samples from TTD, it is concluded that these samples are primarily a mixture of Palm oil and/or Palm stearin with Palm kernel oil.”