మందకొడిగా మున్సిపల్ పోలింగ్

తెలంగాణ మున్సిపల్ ఎన్నికల్లో ఉదయం వేళ మందకొడి పోలింగ్ నమోదైంది. కొన్ని చోట్ల తక్కువ శాతం ఓటింగ్ కనిపించగా, మరికొన్ని ప్రాంతాల్లో ఉద్రిక్తతలు చోటుచేసుకున్నాయి. ఉమ్మడి ఆదిలాబాద్ జిల్లాలో పోలింగ్ నెమ్మదిగా సాగింది. మంచిర్యాల కార్పొరేషన్‌లో 9.71 శాతం ఓటింగ్ నమోదైంది. ఆదిలాబాద్ మున్సిపాలిటీలో 10.7 శాతం. ఆసిఫాబాద్‌లో 15.82 శాతం నమోదు అయ్యింది. కాగజ్‌నగర్‌లో 10.19 శాతం, ఖానాపూర్‌లో 9.8 శాతం పోలింగ్ జరిగింది.

చెన్నూరులో 14.83 శాతం, బెల్లంపల్లిలో 12.44 శాతం నమోదు అయ్యాయి. క్యాతన్‌పల్లిలో 14 శాతం, లక్షెట్టిపేటలో 14 శాతం పోలింగ్ నమోదైంది. నిర్మల్‌లో కేవలం 6.89 శాతం మాత్రమే. భైంసాలో 11.91 శాతం ఓటింగ్ జరిగింది. ఉమ్మడి వరంగల్ జిల్లాలో ఉదయం 9 గంటల వరకు సగటు పోలింగ్ 10.59 శాతంగా ఉంది. జనగామలో 10.59 శాతం నమోదు అయ్యింది. భూపాలపల్లిలో 12 శాతం, తొర్రూరులో 8.77 శాతం పోలింగ్ నమోదైంది.

స్టేషన్ ఘన్పూర్‌లో 11.53 శాతం, ములుగులో 10.19 శాతం. వర్ధన్నపేటలో 13.02 శాతం, నర్సంపేటలో 12.29 శాతం ఓటింగ్ జరిగింది. మహబూబాబాద్‌లో 10.58 శాతం, డోర్నకల్‌లో 13.11 శాతం నమోదు అయ్యాయి. పరకాలలో 9.20 శాతం, కేసముద్రంలో 13.36 శాతం పోలింగ్ జరిగింది. మరిపెడలో అత్యధికంగా 16.32 శాతం నమోదైంది.

భూపాలపల్లి మున్సిపాలిటీలో డబ్బు పంపిణీ యత్నం కలకలం రేపింది. 22వ వార్డు పోలింగ్ కేంద్రం సమీపంలో నగదు విసిరేసి ఒక నాయకుడు పరారయ్యాడు. ఓటర్లకు డబ్బు పంచేందుకు ప్రయత్నించిన వ్యక్తిని పోలీసులు అదుపులోకి తీసుకున్నారు. సుమారు లక్ష రూపాయల నగదు స్వాధీనం చేసుకున్నారు.

మెదక్ జిల్లా నర్సాపూర్ మున్సిపాలిటీ 15వ వార్డులో ఉద్రిక్తత నెలకొంది. బీఆర్‌ఎస్, బీజేపీ కార్యకర్తల మధ్య ఘర్షణ జరిగింది. పోలీసులు ఇరు వర్గాలను చెదరగొట్టి పరిస్థితిని అదుపులోకి తెచ్చారు. మొత్తం మీద ఉదయం వేళ పోలింగ్ నెమ్మదిగా సాగింది. మధ్యాహ్నం తర్వాత శాతం పెరుగుతుందా అన్నది చూడాలి. ఎన్నికల ప్రక్రియ కొనసాగుతోంది.