ఎదిగిన ఇద్దరు బిడ్డలతో సాఫ్ట్ వేర్ తల్లి ఆత్మహత్య

ఇద్దరు ఎదిగిన పిల్లలతో ఒక ఒక సాఫ్ట్ వేర్ తల్లి హైదరాబాద్ సమీపాన రైలు కింద పడి ఆత్మ హత్య చేసుకుంది. ఈ విషాదం శనివారం తెల్లవారుజామున జరిగి ఉంటుందని అనుకుంటున్నారు. చర్లపల్లి , ఘటకేసర్ మధ్య రైలు పట్టాల మీద ఈ ముగ్గురి మృత దేహాలు కనిపించాయి. తల్లి పేరు విజయ అని గుర్తించారు. ఆమె సాఫ్ట్ వేర్ ఇంజనీర్. కుమారుడి పేరు విశాల్. వయసు 17 సంవత్సరాలు. కూతురు చేతన వయసు 18. ఆత్మహత్యకు కారణాలు తెలియడం లేదు. చెంగిచర్ల ప్రాంతానికి చెందిన విజయ తన కూతురు స్టేషన్ సమీపంలో పార్క్ చేసి ఆత్మహత్యకు పాల్పడిందని అనుమానిస్తున్నారు. ఆమె భర్త సురేందర్ రెడ్డి దుబాయ్ లో ఉంటున్నారని ఒక సమాచారం. అయితే, భర్త నెల్లూరు లో ఉంటున్నారని కొందరుచెబుతున్నారు. కార్ లో ఆత్మహత్యలేఖ కనిపించింది. జీవితం మీద విరక్తి చెంది ఆత్మహత్యకు పాల్పడుతున్నట్లు ఆమె లేఖ లో రాసింది. కారణాలు లేవు. పిల్లలను విడిచి వెళ్లలేనని, అందుకే వారితో కలసి వెళ్లిపోతున్నట్లు ఆమె లేఖలో రాసింది.