తెలంగాణ ప్రభుత్వం 24×7 కంట్రోల్ రూమ్ ఏర్పాటు

మధ్యప్రాచ్య దేశాల్లో నెలకొన్న పరిస్థితులను దృష్టిలో ఉంచుకొని తెలంగాణ ప్రభుత్వం 24×7 కంట్రోల్ రూమ్‌ను న్యూ ఢిల్లీలోని తెలంగాణ భవన్‌లో ఏర్పాటు చేసింది. ముఖ్యమంత్రి ఏ. రేవంత్ రెడ్డి ఆదేశాల మేరకు ఈ రూమ్ ద్వారా పరిస్థితులను సమగ్రంగా పర్యవేక్షిస్తున్నారు. సీనియర్ అధికారులు విదేశాంగ మంత్రిత్వ శాఖ, సంబంధిత రాయబార కార్యాలయాలతో నిరంతరం సంప్రదింపులు జరుపుతూ పరిస్థితులను అంచనా వేస్తున్నారు.

ప్రస్తుతం ఆ ప్రాంతాల్లో చిక్కుకున్న తెలంగాణ పౌరులు లేదా వారి కుటుంబ సభ్యుల నుంచి అందుతున్న విచారణలన్నీ ఈ కంట్రోల్ రూమ్ ద్వారా పరిగణనలోకి తీసుకుంటున్నారు. అవసరమైన సహాయం, సమన్వయాన్ని ఈ కేంద్రం అందిస్తుంది. తెలంగాణలోని పౌరులు, లేదా మధ్యప్రాచ్య ప్రాంతాల్లో ఉన్నవారు ఎలాంటి ఇబ్బందులు, ప్రయాణ అంతరాయాలు, అత్యవసర పరిస్థితులు ఎదురైతే ఈ కంట్రోల్ రూమ్‌ను సంప్రదించవచ్చు.

24×7 కంట్రోల్ రూమ్ ఫోన్ నంబర్లు:

వందన బరువా (పీఎస్ టు రెసిడెంట్ కమిషనర్ & లైజన్ హెడ్): +91 9871999044

సీహెచ్. చక్రవర్తి (పబ్లిక్ రిలేషన్స్ ఆఫీసర్): +91 9958322143

జావేద్ హుస్సేన్ (లైజన్ ఆఫీసర్): 9910014749

రక్షిత్ నాయక్ (లైజన్ ఆఫీసర్): +91 9643723157

ఈ కంట్రోల్ రూమ్ ద్వారా తెలంగాణ ప్రభుత్వం పౌరుల భద్రత, అత్యవసర సహాయం సమర్థవంతంగా అందించే కృషి కొనసాగిస్తోంది.